Fiiliiptieb 4:4 - Yiesu Lɑbɑmɑnn Muɑl Ni

⁴ Ii mɔk pɑlpienn yuo kul yɑɑ be Yonmdɑɑnɔ ni nɑ. N biɑ ŋɑnmt yien’i ɑ ii mɔk pɑlpienn mɑn.

Fiiliiptieb 4:4 Iomraidhean Croise

Mɑɑtieo 5:12

Ii mɔk pɑlpienn mɑn bonciɑnn, k i pɑlɑ ii mɑn, k mɑɑn i nyuɑt tɑn sii yɑb *Yendɔunŋ ni. Nnɑ e k b ponŋ din muks *Yennu sɔkniinbɑ nbɑ din be yɑɑyuo ni nɑ.»

Tuonɑ 16:25

K l din tɑn tie nɑn tɑnsuuni nɑ, k Pɔul nɑn Siilɑɑs din tɑn mei Yennu k yiin *yɑni k piɑk’ɔ, k dɑnsɑl-lei nɑ ji gbiintl’b.

Tuonɑ 5:41

Ŋɑnn mɑnŋ e k tuomiinbɑ mɑnŋ nyii tituk kɑɑnu nɑ ni nɑn pɑlpienn, Yennu nbɑ lɑ k b jɑnŋ nɑn fei dinu, Yiesu sɑnn pɑɑk nɑ.

Luonmtieb 12:12

Ii mɔk pɑlpienn i dindɑnn pɑɑk mɑn, kii mɔk mintl i fɑldinu sinsuuk ni, ŋɑɑn kii mei Yennu yuo kul.

2 Kuolent-tieb 6:10

Niib tien’t pɑlbiil, ŋɑɑn k t mɔk pɑlpienn nbɑ kɑɑ pɑɑk e yuo kul ɑ. T tie tɑli e, ŋɑɑn tinm e te k niib bonciɑnn tie mɔktɑ. T k mɔk siɑl, ŋɑɑn t set mɔk mɔktuk kul ɑ.

Gɑɑlɑɑt-tieb 1:8

L i lek i tie *Yendɔunŋ ni *mɑlɑkɑ ɑmi tinm i muɑnt lɑbɑmɑnsiɑl k l be l kuukuɑ k k tie tɑɑ ponŋ din muɑnt lin nbɑ tul’i nɑ, mɔpol ii be t kul ɑ pɑɑk!

Fiiliiptieb 2:18

L biɑ ŋɑn k i pɑlɑ n penn k yii biɑ kii mɔk pɑlpienn nɑn’n.

Fiiliiptieb 3:1

L gbennu ni lɑɑ, n nɑɑ wɑɑs, ii mɔk pɑlpienn yinm nɑn Yonmdɑɑnɔ benu ni. L k yiɑl’n kɑɑ nɑn mɑɑ ŋɑnm diɑn lin nbɑ k n ponŋ dɑɑn diɑn tul’i sinsinn nɑ. Mi i tuun nnɑ, l sɑɑ fit nyinn’i muksuk ni.

1 Piɑl 4:13

Yɑɑ di fɑlɑ nɑn Klistu nbɑ din dii fɑlɑ bɑnnu nbɑ nɑ, ii mɔk pɑlpienn mɑn, k yuo nbɑ k u *yudɑnt tɑn sɑɑ nyi pɑɑnu nɑ, i tɑn sɑɑ lɑ pɑlpienn nbɑ kɑɑ pɑɑk.