Fiiliiptieb 4:18 - Yiesu Lɑbɑmɑnn Muɑl Ni

¹⁸ N gɑɑl i piini nɑ munn ɑ k l cul ɑ. Epɑɑflodiit nbɑ tul’n i piini mɑnŋ nɑ, n ji mɔk lin nbɑ kul k n luon. I piini tie nɑn mɑnnu nbɑ k l nublu mɑn k tul Yennu k u gɑɑl’l nɑ e.

Fiiliiptieb 4:18 Iomraidhean Croise

Tuonɑ 10:4

Kɔlnɑi nbɑ din got lɑ mɑlɑkɑ mɑnŋ nɑ, k jɑŋmɑɑni suol’ɔ, k u yet ɑ: «N Yonmdɑɑnɔ, bee?» K mɑlɑkɑ mɑnŋ jiin ɑ: «Yennu gɑɑl ɑ miɑlu wɑɑ, k biɑ gɑɑl ɑ ninkpɑbɑɔnŋ tuonɑ nbɑ k ɑ tuun k tien tɑlɑs-dɑnm, k biɑ tiɑn ɑ po.

Luonmtieb 12:1

L pɑɑk, n nɑɑ wɑɑs, Yennu ninbɑtinu pɑɑk e te k n boi’i ɑ yin jii i gbɑnɑnt k tul’ɔ, k lii tie mɑnnu nbɑ fo, kii wɑɑ ŋuɑ kuukuɑ, k l sɑɑ mɑnŋ’ɔ. Ŋɑnn e tie Yenjiɑntu nɑn bɑlmɔni.

2 Kuolent-tieb 11:8

N din tuo e, k Klistu mɔtɑɑɔk nisiɑb pɑ’n, k goli’n k n tuun k tien’i.

2 Kuolent-tieb 9:12

Yɑɑ sonmt Yennu niib bɑnnu nbɑ nɑ, l k tie nyuɑt k tul’b nɑn bɑɑ k mɔk lin nbɑ nɑ kuukuɑ kɑɑ, ŋɑɑn l biɑ te k niib sɑɑ tul Yennu niipuouk bonciɑnn.

Efestieb 5:2

k ŋɑɑn k lonm i diɑ’i nɑn *Klistu nbɑ din luon’t bonciɑnn k gɑɑl t pɑɑk k kpo k l nɑɑn nɑn mɑnnu nbɑ k l nublu mɑn k tul Yennu nɑ.

Fiiliiptieb 4:12

N mi kɔnŋl ni binbenŋ nɑn jɑnŋl ni binbenŋ. N ponŋ tumi l kul ɑ. L pɑɑk, mi i be siɑn nbɑ kul k l tie kon, ɑmi gbuol, l i lek i yɑb ɑmi l i kii yɑb, ŋɑɑn n nunm gbuot lin nbɑ k n mɔk e yuo kul ɑ.

2 Tesɑɑluoniiktieb 1:3

T nɑɑ wɑɑs, l kpɑɑ tɑlɑs e nɑn tii tien Yennu niipuouk yuo kul i pɑɑk. T i tuun nnɑ, l ŋɑn, k mɑɑn i yɑdɑ mɑntk puki bonciɑnn, k yɑɑ mɔk lonm nbɑ k tien i lieb nɑ puki.

Hebluonbɑ 13:16

I dɑɑ nyikt tuonŋɑnɑ tumu, kii centl yɑɑ mɔk lin nbɑ nɑn i lieb, k mɑɑn l mɑnbuolu e pent Yennu pɑl ni.

1 Piɑl 2:5

Ii mun i tie nɑn tɑnɑ nbɑ fo k bin jii’i k mɑɑ Foŋɑnm ŋɑɑk. K yii tie Yennu tiɑɔnŋ mɑnntieb, kii mɑnn *mɑlunŋ nɑn Foŋɑnm nbɑ luon bɑnnu nbɑ, k Yiesu *Klistu pɑɑk, Yennu sɑɑ gɑɑl i mɑlunŋ ɑ.