Fiiliiptieb 4:12 - Yiesu Lɑbɑmɑnn Muɑl Ni

¹² N mi kɔnŋl ni binbenŋ nɑn jɑnŋl ni binbenŋ. N ponŋ tumi l kul ɑ. L pɑɑk, mi i be siɑn nbɑ kul k l tie kon, ɑmi gbuol, l i lek i yɑb ɑmi l i kii yɑb, ŋɑɑn n nunm gbuot lin nbɑ k n mɔk e yuo kul ɑ.

Fiiliiptieb 4:12 Iomraidhean Croise

Mɑɑtieo 11:29

Ii sɑk n weiu mɑn, kii tumi n wɑnnu, k i sɑɑ lɑ fuon k tul i sei, k mɑɑn n tie sikn-n-mɔnŋ dɑɑnɔ e, k n pɑl mei.

Mɑɑtieo 13:52

K u yet’b ɑ: «L pɑɑk, Yennu *senniwɑntuɑ nbɑ kul tumi Yennu nɑɑn po wɑnnu nɑ, u tie nɑn ŋɑɑdɑɑnɔ nbɑ nyint bonkpelɑ nɑn bonpɑɑnɑ u mɔktuk ni nɑ e.»

2 Kuolent-tieb 10:1

Min Pɔul tiɑɔnŋ o tien’i mɔb nɑ, min nbɑ k b yien ɑ n mɔk sikn-n-mɔnŋ, l i tie k n be i buol ni, ŋɑɑn mɔk pɑnŋ yuo nbɑ k n fɔk nɑn’i nɑ. *Klistu nbɑ din mɑn k din k tie wutodɑɑnɔ nɑ pɑɑk, n bɑln’mi e,

2 Kuolent-tieb 10:10

Nisiɑb yien ɑ: «Pɔul kɑdɑɑt nɑɑn nɑn pɑndɑɑnsuɑ yɑl nɑ e, ŋɑɑn k u i tɑnŋ i bɑɑl t buol ni yuo nbɑ, u tuu tie tɑlk e, k u mɔbonɑ nɑ ji k mɔk pɑnŋ.»

2 Kuolent-tieb 11:27

N din set tuun tuonɑ nɑn ninmɔnn, k lɑɑt fɑlɑ, k k guɑnt nyiɑɔk yuo nɑn yuo. Kon nɑn nyun-nyuklu din tuu suol’n, k n kɔnŋt jiet, k wɑɑt so’n, k n bongbɑbkɑl k jɑnŋt’n.

2 Kuolent-tieb 11:7

Yuo nbɑ k n din muɑntl Yennu lɑbɑmɑnn k tien’i nɑ, n din k gɑɑl i bonsiɑl l pɑɑk. N din sikn n mɔnŋ e ɑ n donn’i. Mɑɑ din tun nnɑ mɑnŋ, n mɔk biit e l pɑɑk ii?

2 Kuolent-tieb 11:9

Mɑɑ din be i buol ni yuo nbɑ k k mɔk siɑl nɑ, ŋɑɑn n lek din k muks’i ɑ yin sonm’n nɑn siɑl. T nɑɑ wɑɑs nbɑ din nyii Mɑɑseduɑnn din bɑɑl nɑn bonsiɑl nbɑ k n din luon nɑ. Mɑɑ lek din be biɑnŋ nbɑ l yuo nɑ, n biɑ lek sii be nnɑ e. N kɑn muks’i ɑ yin sonm’n nɑn bonsiɑl.