Fiiliiptieb 4:1 - Yiesu Lɑbɑmɑnn Muɑl Ni

¹ L pɑɑk, n nɑɑ wɑɑs, yinm nbɑ k n luon’i, k luon k n lɑ’i nɑ, yinm e te k n mɔk pɑlpienn nɑn yugontl. N nɑɑ wɑlonkɑi, setl fɑnu mɑn Yennu sɔnu ni, Yonmdɑɑnɔ tuɑnn.

Fiiliiptieb 4:1 Iomraidhean Croise

Mɑɑtieo 10:22

K suɑ kul tɑn sii nɑn’i k mɑɑn yɑɑ wɑɑ’n nɑ pɑɑk, ŋɑɑn wun nbɑ tɑn gubn nɑn fɑlɑ yuo nɑ juontu tɑn sɑɑ lɑ fielu wɑɑ.

Lɑbɑmɑnn nbɑ k Sɑn diɑn 8:31

Ŋɑnn e k Yiesu yet Suifnbɑ nbɑ tien’ɔ yɑdɑ nɑ: «L i tie k i sɑɑk n mɑɑn, i set tie n *puolpoweitieb nɑn bɑlmɔni e,

Tuonɑ 11:23

Wɑɑ din sɑɑ bɑɑl lenŋ yuo nbɑ k lɑ Yennu nbɑ tul’b yetŋɑnm biɑnŋ nbɑ, k u lɑ pɑlpienn bonciɑnn, k din cie b pɑlɑ, k kpɑɑn b kul kpɑɑni ɑ bin jii b mɔnŋ k tul Yonmdɑɑnɔ fɑnnu.

Tuonɑ 14:22

B cien Yiesuweilɑ pɑlɑ doi mɑnŋ ni, k yien’m ɑ bii kpɑnŋ i diɑ b yɑdɑ mɑnŋ nnɑ, k wɑnt’b ɑ: «Sie k t fɑbl k dii fɑlɑ bonciɑnn ɑ k tɑn kuɑ Yennu nɑɑn ni.»

Tuonɑ 2:42

K b ŋɑnmt k lek tumi k bɑnt tuomiinbɑ mɑnŋ wɑnnu, k jii b yuo k tɑɑn diɑ lieb nɑn mɔtɑɑɔk, k lɑknt k centl pɑɑnu, k biɑ tiki mei Yennu

Luonmtieb 2:7

Bin nbɑ ninbinɑ mɔn nɑn bii tuun tuonŋɑnɑ k lɑ pɑku nɑn bɑɑkl nɑn mɑnfuol nbɑ kɑɑ gbennu nɑ, ŋɑnm e k Yennu sɑɑ tul’b mɑnfuol nbɑ kɑɑ gbennu mɑnŋ.

1 Kuolent-tieb 15:58

L pɑɑk, n nɑɑ wɑɑs, ii be mɑn nɑn pɑnŋ k dɑɑ bɑɑ i yɑdɑ ni. I jii i mɔnŋ kii tuun Yonmdɑɑnɔ tuonɑ nɑn ninmɔnn, k mɑɑn i mi nɑn tuonɑ nbɑ k i tuun k tien Yonmdɑɑnɔ nɑ, l tɑn kɑn bɑɑ yɑnn.

1 Kuolent-tieb 16:13

Ii guu mɑn kii be fɑnu i yɑdɑ ni, kii mɔk pɑl nɑn pɑnŋ.

Gɑɑlɑɑt-tieb 5:1

Yiesu *Klistu ponŋ fɑt tinm ɑ, k tii mɔk yent-n-mɔnŋ e. L pɑɑk, i dɑɑ te k siɑl ji diɑ’i k i tie l dɑɑbl.

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Fiiliiptieb 1:8

Yennu e tie n siɑlɑɑdɑɑnɔ nɑn n yɑn set be i ni nɑn Yiesu Klistu tiɑɔnŋ nbɑ luon’i biɑnŋ nbɑ nɑ.

Fiiliiptieb 2:16

ŋɑɑn yet’b mɑnfuol lɑbɑɑl. L i tie k i tuun nnɑ, n tɑn sii mɔk yɑɑk nɑn mii mɔk yugontl i pɑɑk Klistu jennu dɑɑl mɑnŋ, k mɑɑn l tɑn sɑɑ wɑnn nɑn n fɑlɑ nɑn n tuonɑ din k tie yɑnn.

Fiiliiptieb 2:26

U set luon wun lɑ i kul ɑ. U pɑl dɑɑn biil bonciɑnn, k mɑɑn i dɑɑn ponŋ gbɑt nɑn u yiɑl e.

Kuoluostieb 4:12

Epɑɑflɑɑs, wun nbɑ mun biɑ tie i duo ni nilɔ k biɑ tie Yiesu Klistu tuontunnɔ nɑ, fuont’i. U mei Yennu nɑn ninmɔnn yuo kul k tien’i, ɑ Yennu n te k yin set kenken, kii tie nisubltieb nbɑ tuun Yennu lonm nɑ.

1 Tesɑɑluoniiktieb 3:13

Nnɑ e k u sɑɑ cie i pɑlɑ k yii tie niŋɑnm, k suɑ kɑɑ k sɑɑ fit tɑɑl’i t Bɑɑ Yennu tuɑnn ni, yuo nbɑ k t Yonmdɑɑnɔ Yiesu tɑn sɑɑ jen nɑn u yɑb kul ɑ nɑ.

2 Tesɑɑluoniiktieb 2:15

T nɑɑ wɑɑs, l pɑɑk, setl mɑn cib, k diɑ wɑnnu nbɑ k t din wɑnn’i t mɑɑn ni, nɑn t kɑdɑɑɔk ni nɑ.

2 Tiimuote 2:1

N bik, fin ŋɑnin n jii ninkpɑbɑɔnŋ nbɑ k t lɑ Yiesu *Klistu buol ni nɑ kii cien ɑ pɑl.

Hebluonbɑ 10:23

Ŋɑɑnt k tii diɑ dindɑnn nbɑ k t fiit wɑnn nɑ fɑnu mɑn, k dɑɑ bils, k mɑɑn wun nbɑ din senn mɔsonn k tul’t nɑ k ŋmɑt puol.

Hebluonbɑ 3:14

K mɑɑn t tie Klistu tɔk-nɑn-lieb e, l i tie k t duu u pɑɑk nɑn tɑɑ din duu u pɑɑk sinsinn biɑnŋ nbɑ nɑ.

Hebluonbɑ 4:14

L pɑɑk, ŋɑɑnt mɑn k tii diɑ t yɑdɑ nbɑ k t fiit wɑnn nɑ kenken, k mɑɑn t mɔk mɑnntɔ-yudɑɑn-jɑɑnn, k ŋuɑ e tie Yennu Bijɑ Yiesu, wun nbɑ ponŋ gɑl sɑɑn Yennu tiɑɔnŋ buol ni nɑ.

2 Piɑl 3:17

N yuɑsnbɑ, i ji mi b po. L pɑɑk, i guu i mɔnŋ, k dɑɑ wɑɑ biitdɑnm fɑɑk sɔni mɑnŋ, k yɑbl k dɑɑ bɑɑ.