Fiiliiptieb 3:3 - Yiesu Lɑbɑmɑnn Muɑl Ni

³ Tinm e mɔk mɔmɔnm *punpotu, k mɑɑn Foŋɑnm ni e k t jiɑntl Yennu k mɔk yugontl tɑɑ be *Klistu ni nɑ, k k tien lin nbɑ k b tien nilɔ gbɑnɑnt ni nɑ yɑdɑ.

Fiiliiptieb 3:3 Iomraidhean Croise

Luonmtieb 1:9

N wɑɑ Yennu nɑn n pɑl kul, k muɑntl u Bijɑ lɑbɑmɑnn nɑ. Ŋuɑ e tie n siɑlɑɑdɑɑnɔ k mi nɑn yuo kul n duki i kul ɑ po,

Luonmtieb 15:17

Mɑɑ tɑɑ nɑn Yiesu Klistu nɑ, n sɑɑ fit kii mɔk yugontl tuonn nbɑ k n tuun k tien Yennu nɑ pɑɑk.

Luonmtieb 7:6

Mɔtɑɑnɑ ŋɑnin, senni nɑ k diɑ’t k mɑɑn t din kpo e k senni nɑ ji k mɔk t yiikuo. L pɑɑk, t ji fit tuun k tien Yennu nɑn binbenpɑɑnŋ nbɑ nyii Foŋɑnm buol ni. T ji k tuun nɑn binbenkpelk nbɑ k senni nbɑ diɑn lolkpel kɑdɑɑɔk ni mɔk l yiikuo nɑ kɑɑ.

Luonmtieb 8:15

K mɑɑn Foŋɑnm nbɑ k u tul’i nɑ, u k te k i tie dɑɑbɑ nɑn jɑŋmɑɑndɑnm kɑɑ, ŋɑɑn u te k i tie Yennu wɑɑs e, k yi Yennu ɑ: «Abbɑ! n Bɑɑ.»

Luonmtieb 8:39

lin nbɑ be sɑnpɑɑpo ɑmi tinpuɑl ni ɑmi. Siɑl kɑɑ nɑɔnŋ kul ni k sɑɑ fit bɔkt tinm nɑn Yennu lonm nbɑ k t lɑ t Yonmdɑɑnɔ Yiesu Klistu ni nɑ.

Luonmtieb 9:6

N k yien ɑ Yennu mɔsonn nɑ ji kɑn tun kɑɑ, k mɑɑn Islɑɑel yɑɑbuonɑ kul kɑɑ tie Islɑɑeltieb nɑn bɑlmɔni.

2 Kuolent-tieb 11:18

Niib bonciɑnn nbɑ wɑnt b mɔnŋ tingbounŋ nɑ bonɑ pɑɑk nɑ, n mun sɑɑ wɑnn n mɔnŋ ɑ.

Gɑɑlɑɑt-tieb 5:25

L i tie k t be Foŋɑnm ni, ŋɑɑnt mɑn k wuu ŋmɑktl’t t binbenŋ ni.

Gɑɑlɑɑt-tieb 6:16

N mei Yennu mɑɑ mɑnu nɑn ninbɑtinu i be bin nbɑ kul wɑɑ wɑnnu mɑnŋ nɑn Yennu niib kul ɑ nɑ pɑɑk.

Efestieb 6:18

Ii tuun lin nbɑ nɑ kul miɑlu ni kii boi Yennu u sonml po. Ii mei Yennu mɑn yuo kul nɑn Foŋɑnm nbɑ wɑnn’i bɑnnu nbɑ. I cekn i mɔnŋ nɑn gbɑnkul kii mei Yennu yuo kul u niib kul pɑɑk.

Fiiliiptieb 1:1

Min Pɔul nɑn Tiimuote, tinm nbɑ tie Yiesu *Klistu tuontunnɑ nɑ e diɑn kɑdɑɑɔk nɑ k tien bin nbɑ tie Yennu niib Yiesu Klistu ni k be Fiiliip nɑ, nɑn b jɑɑnti ni yudɑnm nɑn b * sonmtieb.

Fiiliiptieb 3:12

N k yɑɑ ɑ n ponŋ nyɑnn k yent binbenŋ mɑnŋ ɑmi n ji k mɔk biit kɑɑ, ŋɑɑn n gbɑɑ e mɑɑ n nyɑnn k yent binbenŋ mɑnŋ, k mɑɑn Yiesu Klistu ponŋ din fɑt’n ɑ.

Fiiliiptieb 3:14

N tiin nɑn pɑnŋ mɑɑ n gɑɑl nyuɑt nbɑ be sɑnpɑɑpo k Yennu yiin’t ɑ tin gɑɑl Klistu ni.

Kuoluostieb 2:11

Yɑɑ be u ni nɑ pɑɑk, k b pot’i, ŋɑɑn l k tie nisɑɑlk nuu kɑɑ pot’i. Klistu e pot’i, ɑ wun nyinn nisɑɑli dudukt nbɑ be i ni, k niɑn biit tumu nɑ.

Suud 1:20

Ŋɑɑn n yuɑsnbɑ, i cie i pɑlɑ mɑn, i yɑdɑ nbɑ nyii Yennu tiɑɔnŋ buol ni nɑ pɑɑk, kii mei Yennu Foŋɑnm yiikuo ni,