Fiiliiptieb 3:20 - Yiesu Lɑbɑmɑnn Muɑl Ni

²⁰ Ŋɑɑn tinm ŋɑnin tie *Yendɔunŋ ni wɑɑs e, k jekl k guu t Fietuɑ, wun nbɑ tie Yonmdɑɑnɔ Yiesu Klistu, ɑ wun nyi Yendɔunŋ ni bɑɑl.

Fiiliiptieb 3:20 Iomraidhean Croise

Mɑɑtieo 19:21

K Yiesu jiin’ɔ ɑ: «L i tie k ɑ luon k ɑ binbenŋ i tie fɑnu nɑn bɑlmɔni, fii sɑɑ k sɑɑ kɔi fɑɑ mɔk lin nbɑ k jii l likli mɑnŋ k tul tɑlɑs-dɑnm, k ɑ tɑn sɑɑ lɑ mɔktuk sɑnpɑɑpo. L puolpo k ɑ jen nɑ kii wɑɑ’n.»

Lɑbɑmɑnn nbɑ k Luk diɑn 12:21

«Tɔn, wun nbɑ kul tiki mɔktuk k tien u mɔnŋ, ŋɑɑn k mɔk mɔktuk Yennu buol, l mun sii tie nnɑ e k tul’ɔ.»

Lɑbɑmɑnn nbɑ k Luk diɑn 14:14

k ɑ sii mɔk pɑlpienn. B i kii fit jiin’ɑ ŋɑɑn ɑ sɑɑ gɑɑl ɑ jiinu Yennu buol ni, dɑɑl nbɑ k Yennu tɑn sɑɑ fiin bin nbɑ tie niŋɑnm u buol ni kuun ni.»

Tuonɑ 1:11

k boi’b ɑ: «Yinm Gɑɑliile tieb, bee k i sie nnɑ k goli sɑnpɑɑpo nnɑ? Yiesu nɑ nbɑ nyii i buol ni k duo Yendɔunŋ ni biɑnŋ nbɑ nɑ, u biɑ tɑn sɑɑ nyi Yendɔunŋ mɑnŋ ni k jen sik nɑn yɑɑ goli’ɔ k u do sɑnpɑɑpo biɑnŋ nbɑ nɑ e.»

1 Kuolent-tieb 1:7

L pɑɑk Yennu piini nɑn yenn kuɑ dɑɑ puɑl’i, yinm nbɑ guu yuo nbɑ k t Yonmdɑɑnɔ Yiesu Klistu tɑn sɑɑ jen nɑ.

1 Kuolent-tieb 15:48

Tingbounŋ nɑ tieb tie nɑn juɑ nbɑ nyii tɑnt ni nɑ e, k bin nbɑ tie Yendɔunŋ ni yɑb tie nɑn juɑ nbɑ nyii Yendɔunŋ ni nɑ.

2 Kuolent-tieb 4:18

Ŋɑnn t k kpɑɑ t ninbinɑ lin nbɑ k t lɑɑt nɑ pɑɑk ŋɑɑn lin nbɑ k t k lɑɑt nɑ pɑɑk e, k mɑɑn lin nbɑ k t lɑɑt nɑ kɑn wei k l tɑn sɑɑ gɑl, ŋɑɑn lin nbɑ k t k lɑɑt nɑ ŋɑnin tɑn sii be nɑn yuo nbɑ kɑɑ gbennu.

2 Kuolent-tieb 5:8

T mɔk pɑlcienn k sunmɑn tin nyi gbɑnɑnt nɑ ni e, k kun Yonmdɑɑnɔ buol ni.

Gɑɑlɑɑt-tieb 4:26

Ŋɑɑn sɑnpɑɑpo Selusɑɑlenm nɑ tie yent-n-mɔnŋ duo, k biɑ tie t nɑɑ.

Efestieb 2:19

Mɔtɑɑnɑ, yinm nbɑ k tie Suifnbɑ ji k tie nibuolgɑnu kuo sɑɑnm kɑɑ, ŋɑɑn yinm nɑn Yennu niib tie tin-yenŋ kuɑ wɑɑs e, k ji tie Yennu ŋɑɑtieb.

Efestieb 2:6

Tɑɑ be Yiesu Klistu ni nɑ pɑɑk k Yennu din lɑkn fiin tinm nɑn ŋuɑ kuun ni, ɑ t tɑn lɑkn kii tie nɑɑn *Yendɔunŋ ni.

Fiiliiptieb 1:10

ɑ yin fit gɑnn lin nbɑ ŋɑn kii be k dɑɑ mɔk jɑknt k biɑ dɑɑ mɔk biit mɔkmɔk nɑn Klistu dɑɑl mɑnŋ,

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Kuoluostieb 1:5

Yuo nbɑ k bɑlmɔni nbɑ tie lɑbɑmɑnn din sint k bɑɑl i buol nɑ, i din gbɑt dindɑnn nbɑ be l lɑbɑmɑnn ni wɑɑ. I din jii i yɑdɑ nɑn i lonm k tien l dindɑnn ni. Yennu bekl l dindɑnn *Yendɔunŋ ni k guun’i.

1 Tesɑɑluoniiktieb 1:10

I guu u Bijɑ Yiesu nbɑ sɑɑ nyi *Yendɔunŋ ni nɑ jennu e, wun nbɑ k u din fiin’ɔ kuun ni, wun nbɑ fɑt’t Yennu wutuol nbɑ tɑn sɑɑ bɑɑl nɑ ni nɑ.

1 Tesɑɑluoniiktieb 4:16

k mɑɑn Yonmdɑɑnɔ tiɑɔnŋ tɑn sɑɑ nyi *Yendɔunŋ ni k sik nɑn tintiɑnpɑɑli, nɑn mɑlɑkɑ sɑɑkuɑ kunkɔl e, nɑn Yennu kɑtkɑɑk mɔni, k Klistuweilɑ nbɑ din kpo nɑ tɑn sɑɑ fiil sinsinn.

2 Tiimuote 4:8

Yuo nbɑ bɑɑt, n tɑn sɑɑ gɑɑl nyɑnnu nyuɑt ɑ. L nyuɑt tie fielu nɑɑn foklk nbɑ k Yonmdɑɑnɔ nbɑ tie bɑlbuŋɑnɔ nɑ tɑn sɑɑ tul’n bɑlbudɑɑl, k u kɑn tul min kuukuɑ, ŋɑɑn u tɑn sɑɑ tul bin nbɑ kul nbɑ luon bin lɑ u jennu nɑ.

Tiit 2:13

Nnɑ e k t sii guu mɑnu nbɑ k t dɑɑn nɑ, dɑɑl nbɑ k Yiesu Klistu, wun nbɑ tie t Yenjɑɑnn nɑn t Fietuɑ nɑ, tɑn sɑɑ dɔkt yentsɑɑkɑl ni nɑ.

Hebluonbɑ 12:22

Ŋɑɑn yinm ŋɑnin bɑɑl juɑl nbɑ yɑɑ sɑnn yi *Siiɔn, lin nbɑ tie Yennu nbɑ fo nɑ duo nbɑ tie Yendɔunŋ ni Selusɑɑlenm, siɑn nbɑ k mɑlɑkɑɑnbɑ tusɑ tusɑ lɑkn nɑn pɑlpienn.

Hebluonbɑ 9:28

Nnɑ e mun, Klistu din jii u mɔnŋ k mɑnn mɑlunŋ yonm kuɑ k nyinn nifosɑɑli bonciɑnn biit nɑ. U tɑn sɑɑ jen ɑ, ŋɑɑn l k tie u tɑn sɑɑ nyinn niib biit kɑɑ, ŋɑɑn u tɑn sɑɑ tul bin nbɑ guu’u nɑ fielu.

Fiitu 1:7

Gotl mɑn, ŋuɑ e be sɑnpɑgbɑnt ni k bɑɑt nɑ. Suɑ kul ninbinɑ tɑn sɑɑ lɑ’u nɑn bin nbɑ din ŋmuu’u nɑ, k tingbounŋ nɑ nibuolu kul tɑn sɑɑ bui u pɑɑk. L sɑɑ tien nnɑ wɑɑ. Amenn