Fiiliiptieb 3:14 - Yiesu Lɑbɑmɑnn Muɑl Ni

¹⁴ N tiin nɑn pɑnŋ mɑɑ n gɑɑl nyuɑt nbɑ be sɑnpɑɑpo k Yennu yiin’t ɑ tin gɑɑl Klistu ni.

Fiiliiptieb 3:14 Iomraidhean Croise

Lɑbɑmɑnn nbɑ k Luk diɑn 16:16

«Yennu *senni nɑn u sɔkniinbɑ diɑni din mɔk yiikuo mɔkmɔk nɑn Sɑn nbɑ din tɑn bɑɑl. Lɑɑ nyii Sɑn bɑɑlu yuo ni e wɑɑ, k b muɑntl lɑbɑmɑnn k jikt sɑɑ Yennu nɑɑn po, k suɑ kul muksl u mɔnŋ ɑ wun kuɑ Yennu nɑɑn mɑnŋ ni.

Luonmtieb 11:29

k mɑɑn Yennu k gɑɑn lin nbɑ k u tul k biɑ k lebtl u dudukt bin nbɑ k u yiin’m nɑ pɑɑk.

1 Kuolent-tieb 9:24

I k mi nɑn l i tie nɑntɑɑl, nɑntɑtinnɑ kul tuu tiin e, ŋɑɑn yenɔ kuɑ e tuu tɑn di k gɑɑl piini ii? L pɑɑk, yɑbt mɑn k tin bɑnnu nbɑ k i sɑɑ di k gɑɑl piini mɑnŋ.

2 Kuolent-tieb 4:17

L pɑɑk, fɑlmintk nbɑ k t di k l kɑn wei nɑ, l tɑn sɑɑ bɑɑl nɑn dontl nbɑ yɑb k kɑɑ gbennu k tul’t, k dontl mɑnŋ biɑ tɑn sii yɑb k gɑl t fɑldinu nɑ bonciɑnn.

Fiiliiptieb 3:3

Tinm e mɔk mɔmɔnm *punpotu, k mɑɑn Foŋɑnm ni e k t jiɑntl Yennu k mɔk yugontl tɑɑ be *Klistu ni nɑ, k k tien lin nbɑ k b tien nilɔ gbɑnɑnt ni nɑ yɑdɑ.

Kuoluostieb 2:18

I yɑbl k dɑɑ te k suɑ n bɑɑl k kpɑnn’i k fɑt i nyɑnnu nɑ: bin nbɑ mɔk fɑɑk sikn-n-mɔnŋ nɑn bin nbɑ jiɑntl mɑlɑkɑɑnbɑ, nɑn bin nbɑ duu yelnti pɑɑk nɑ. Ŋɑnm e dont b mɔnŋ nɑn nisɑɑli dudukt.

1 Tesɑɑluoniiktieb 2:12

k cien k biɑ mɑɑnt i pɑlɑ, k tun kpɑɑn’i ɑ ii mɔk binbensiɑk nbɑ sɑɑ gbuo Yennu nunm, wun nbɑ yiin’i ɑ yin kuɑ u tiɑɔnŋ nɑɑn ni k gɑɑl u dontl.

2 Tiimuote 1:9

Ŋuɑ e fiel’t k yiin’t ɑ tii tie u yɑb, k l k tie t tuonɑ pɑɑk kɑɑ ŋɑɑn u din lol k fiel’t u ninkpɑbɑɔnŋ pɑɑk e. U din tul’t ninkpɑbɑɔnŋ mɑnŋ Yiesu Klistu ni, yuo nbɑ k u dɑɑ din k nɑn *dulnyɑ nɑ.

Hebluonbɑ 3:1

N nɑɑ wɑɑs nbɑ tie Yennu yɑb k biɑ be bin nbɑ k Yennu lukt’b nɑ ni, ii goli mɑn Yiesu, wun nbɑ k Yennu din tun’ɔ ɑ wun tɑn tien *mɑnntɔyudɑɑnɔ t Yenjiɑntu sɔnu ni nɑ.

Hebluonbɑ 6:1

L pɑɑk, ŋɑɑnt mɑn k tin tumi lin nbɑ tie sɑɑkɑb yɑl *Klistu ni k sɑɑn tuɑnn po. Ŋɑɑn t ji dɑɑ goli sinsinn tumiu nɑ kɑɑ. T ji k ŋɑnm fɔkn fiɑkl nbɑ sɑɑ te k nilɔ n nyik tuonɑ nbɑ sɑɑ biil’ɔ nɑ kɑɑ, kuo wɑɑ sɑɑ tien Yennu yɑdɑ bɑnnu nbɑ nɑ kɑɑ.

1 Piɑl 1:13

L pɑɑk, i tien i dudukt siil, k suol i mɔnŋ, kii mɔk dindɑnn nɑn bɑlmɔni, ɑ i tɑn sɑɑ lɑ ninbɑtinu nɑ yuo nbɑ k Yiesu Klistu tɑn sɑɑ nyi pɑɑnu nɑ.

1 Piɑl 5:10

I fɑlɑ nɑ dinu kɑn wei, k Yennu nbɑ tin’i ninbɑɑɔk k biɑ yiin’i ɑ yin lɑ dontl nbɑ kɑɑ gbennu Klistu ni nɑ, sɑɑ ŋɑnm i binbenŋ, k cie i yɑdɑ, k pukn’i pɑnŋ, k senn’i fiɑkl nbɑ wɑki nɑ pɑɑk.

2 Piɑl 1:3

Yennu yiikuo e tul’t lin nbɑ kul kpɑɑ tɑlɑs ɑ tii mɔk’l kii fit kii be mɑnfuol ni nɑn binbenŋ nbɑ gbuot Yennu nunm nɑ. T lɑ l kul, Yennu nbɑ te k t bɑnn wun nbɑ yiin’t ɑ t mun ii mɔk u dontl nɑn u bulcint nɑ pɑɑk e.

Fiitu 3:21

Wun nbɑ nyɑnn nyɑnnu nɑ, n sɑɑ tul’ɔ yiikuo k wun tɑn lɑkn kɑl nɑn’n n nɑɑngbounŋ nɑ pɑɑk nɑn mɑɑ nyɑnn nyɑnnu kul k lɑkn kɑl nɑn n Bɑɑ u nɑɑngbounŋ nɑ pɑɑk biɑnŋ nbɑ nɑ.’»