Fiiliiptieb 2:8 - Yiesu Lɑbɑmɑnn Muɑl Ni

⁸ k u din sikn u mɔnŋ, k kpo, k set sɑk k kpo dɑpunpunn pɑɑk.

Fiiliiptieb 2:8 Iomraidhean Croise

Mɑɑtieo 17:2

L yuo nɑ k b lɑ k u lebt, k u nunm po kpint nyili nɑn yennu nɑ, k u tiɑt penn k nyilk nɑn yentu nɑ.

Mɑɑtieo 26:39

Ŋɑnn e k u cɑt k sɑɑn wɑɑnm-nnɑ b tuɑnn po, k gbɑɑn tinŋ ni, ŋɑɑn mei Yennu k yien ɑ: «N Bɑɑ, l i bo i sɑɑ fit, fɑn ŋɑɑn k fɑlɑ nbɑ bɑɑt n pɑɑk nɑ n yɑkl’n. Ŋɑɑn ŋɑɑnt k ɑ lonm o n tun, k l dɑɑ tie n lonm u.»

Mɑɑtieo 26:42

K Yiesu din ŋmɑt tɑɑl munle ni k sɑɑ mei Yennu k yien ɑ: «N Bɑɑ, l i tie k fɑlɑ nbɑ bɑɑt n pɑɑk nɑ kɑn fit gɑl’n ŋɑnn sie k n dii’l, ŋɑɑnt k ɑ lonm n tun.»

Lɑbɑmɑnn nbɑ k Luk diɑn 9:29

Wɑɑ din mei Yennu nɑ k u nunm po tɑn kpint, k u tiɑt penn k nyilk.

Lɑbɑmɑnn nbɑ k Sɑn diɑn 10:18

Suɑ kɑɑ k sɑɑ nyinn n mɑnfuol mɑnŋ, ŋɑɑn n mɔnŋ mɔnŋ e yɑɑ n nyinn’l, k mɑɑn n mɔk yiikuo k sɑɑ nyinn’l, k biɑ mɔk yiikuo k tɑn sɑɑ lɑ’l. Nnɑ e k n Bɑɑ yet’n ɑ n tun.»

Lɑbɑmɑnn nbɑ k Sɑn diɑn 14:31

ŋɑɑn l tie k tingbounŋ nɑ ŋɑɑtieb n bɑnn nɑn n luon n Bɑɑ nɑn mɔni, k n mun tuun lin nbɑ k u yet’n ɑ n tun. «Fiit mɑn k tin yɑɑt mɑn.»

Lɑbɑmɑnn nbɑ k Sɑn diɑn 15:10

L i tie k i sɑɑk n mɔb, n lonm sii be i ni, nɑn mɑɑ sɑɑk n Bɑɑ mɔb, k u lonm mun be n ni nɑ.»

Lɑbɑmɑnn nbɑ k Sɑn diɑn 4:34

K Yiesu jiin’m: «Min yɑɑ jiet tie mɑn cɔln wun nbɑ tun’n nɑ lonm e, k biɑ tun tuonn nbɑ k u tul’n nɑ gbenn.»

Tuonɑ 8:33

U din sikn u mɔnŋ, k b yet bin bu u buut bonŋɑnn. Ŋmee sɑɑ fit pɑk siɑl k jiin u yɑɑbuonɑ po? K mɑɑn b gbenn u mɑnfuol tingbounŋ nnɑ wɑɑ.»

Luonmtieb 5:19

Niyenɔ kuɑ nbɑ k b yi’u Adɑn nɑ mɔyetuk pɑɑk e te k niib bonciɑnn tien biitdɑnm. L mun tie nnɑ e nɑn niyenɔ kuɑ nbɑ k b yi’u Klistu nɑ mɔsɑku pɑɑk k niib bonciɑnn tien niŋɑnm Yennu buol.

2 Kuolent-tieb 8:9

K mɑɑn, i mi t Yonmdɑɑnɔ Yiesu Klistu ninkpɑbɑɔnŋ nbɑ tie bɑnnu nbɑ. U din tie mɔktɔ e, ŋɑɑn k i pɑɑk k u din kpɑnt tɑlk, ɑ u tɑlɑs mɑnŋ n te k yin tien mɔktɑ.

Gɑɑlɑɑt-tieb 3:13

Klistu tiɑɔnŋ o din gɑɑl t pɑɑk, k din be mɔtonm mɑnŋ ni k nyinn’t l mɔtonm ni, k mɑɑn l diɑn Yennu lolkpel kɑdɑɑɔk ni ɑ: «Wun nbɑ k b kpɑɑ’u dɑpunpunn pɑɑk nɑ, Yennu mɔtonm be u pɑɑk.»

Tiit 2:14

Ŋuɑ e din gɑɑl t pɑɑk k kpo, ɑ wun fɑt’t biit kul dɑɑbs ni, k te k tii tie niib nbɑ be binbenŋ nbɑ gbuot Yennu nunm nɑ ni, k biɑ kii tie u tiɑɔnŋ yɑb, k biɑ kii tie niib nbɑ nunm mɔn nɑn tuonŋɑnɑ tumu.

Hebluonbɑ 12:2

Ŋɑɑnt k tin kpɑn kpɑɑ t ninbinɑ Yiesu pɑɑk. Ŋuɑ e k t yɑdɑ gɑɑ u pɑɑk l pinpiik ni wɑɑ nɑn l juontu ni nɑ. U din dii fɑlɑ dɑpunpunn pɑɑk nɑn suklu k k tin fei, k mɑɑn u din mi pɑlpienn nbɑ guu’u nɑ po, k mɔtɑɑnɑ u ji kɑl Yennu nɑɑngbounŋ nɑ niidiitu po. Nɑ din k te k u nyik u yɑblu, k mɑɑn pɑlpienn nbɑ din bɑɑt u pɑɑk nɑ pɑɑk, u din k dukn k l mɔk’ɔ fei nɑn wun kpo l dɑpunpunn pɑɑk, ŋɑnn e te k u ji kɑl Yennu nɑɑngbounŋ pɑɑk u niidiitu po mɔtɑɑnɑ.

Hebluonbɑ 12:4

L i tie k i kɔn nɑn biit, i dɑɑ k kɔn tieee k l sɑɑ jɑnŋ nɑn kuun.

1 Piɑl 2:24

Ŋuɑ Klistu mɔnŋ mɔnŋ e din jii t biit u gbɑnɑnt ni, k b kpɑɑ’u dɑpunpunn pɑɑk, ɑ t dɑɑ tie biit tuontunnɑ ŋɑɑn kii be Yennu nbɑ luon bɑnnu nbɑ. U dɑni pɑɑk e k i lɑ lɑɑfiɑ.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.