Fiiliiptieb 2:17 - Yiesu Lɑbɑmɑnn Muɑl Ni

¹⁷ L i tie k n yit n mɑnfuol sɑlk k pukn fɑlɑ nbɑ k n ponŋ dii k l nɑɑn *mɑlunŋ nɑ, nɑn tuonɑ nbɑ k n tuun pɑɑnu ni ɑ yin tien yɑdɑ, n pɑl bo sii pien k n biɑ sii mɔk pɑlpienn nɑn i kul ɑ.

Fiiliiptieb 2:17 Iomraidhean Croise

Tuonɑ 20:24

Ŋɑɑn n k yi n mɑnfuol k l tie siɑl, k mɑɑn min ŋɑnin luon k n tun tuonɑ nbɑ k Yonmdɑɑnɔ Yiesu tul’n nɑ e k gbenn k l tuonɑ tie k mii muɑntl lɑbɑmɑnn nbɑ wɑnt Yennu ninkpɑbɑɔnŋ po e.

Tuonɑ 21:13

Ŋɑɑn k u ji din jiin ɑ: «Bee tien k i mɔ k luon k i biil n pɑl i? N k tien siil nɑn bɑɑ sɑɑ lol’n Selusɑɑlenm nɑ pɑɑk kuukuɑ kɑɑ, ŋɑɑn n ponŋ tien siil nɑn k n kpo Yonmdɑɑnɔ Yiesu sɑnn pɑɑk.»

Luonmtieb 12:1

L pɑɑk, n nɑɑ wɑɑs, Yennu ninbɑtinu pɑɑk e te k n boi’i ɑ yin jii i gbɑnɑnt k tul’ɔ, k lii tie mɑnnu nbɑ fo, kii wɑɑ ŋuɑ kuukuɑ, k l sɑɑ mɑnŋ’ɔ. Ŋɑnn e tie Yenjiɑntu nɑn bɑlmɔni.

Luonmtieb 15:16

k te k n tie Yiesu Klistu tuontunnɔ, k tul bin nbɑ k tie Suifnbɑ nɑ. Mɑɑ muɑntl Yennu lɑbɑmɑnn nɑ, n tuun Yennu tuonn e, ɑ bin nbɑ k tie Suif nbɑ i tie mɑnnu nbɑ pent Yennu pɑl, k Foŋɑnm ni b jɑnŋ nɑn bii tie Yennu tiɑɔnŋ niib.

2 Kuolent-tieb 12:15

L sii mɑn’n bonciɑnn mi i jii n mɔktuk kul nɑn n pɑnŋ kul sonm’i. Mi i luon’i bonciɑnn ɑ, yinm sii luon’n wɑɑnm-nnɑ ee?

2 Kuolent-tieb 4:12

Ŋɑnn e, kuun mɑnŋ be k tuun t ni ŋɑɑn mɑnfuol be i ni.

2 Kuolent-tieb 6:10

Niib tien’t pɑlbiil, ŋɑɑn k t mɔk pɑlpienn nbɑ kɑɑ pɑɑk e yuo kul ɑ. T tie tɑli e, ŋɑɑn tinm e te k niib bonciɑnn tie mɔktɑ. T k mɔk siɑl, ŋɑɑn t set mɔk mɔktuk kul ɑ.

2 Kuolent-tieb 7:4

N k mɔk bilsuk i pɑɑk. N mɔk yugontl nɑn’i. T fɑldinu kul ni, n mɔk pɑlcienn yuo kul k n pɑl biɑ pien bonciɑnn.

Fiiliiptieb 1:20

N pɑl ni lonm nɑn n dindɑnn tie k n dɑɑ dint n mɔnŋ fei e, ŋɑɑn n sii mɔk pɑlcienn mɔtɑɑnɑ nɑn lɑɑ tuu tie bɑnnu nbɑ nɑ, k mi i lek i kpo ɑmi mɑɑ be, ŋɑɑn n binbenŋ kul sɑɑ dont Klistu sɑnn.

Fiiliiptieb 2:18

L biɑ ŋɑn k i pɑlɑ n penn k yii biɑ kii mɔk pɑlpienn nɑn’n.

Fiiliiptieb 2:30

k mɑɑn u dɑɑn pel kuun ɑ, tuonɑ nbɑ k u tuun k tien Klistu nɑ pɑɑk, k u biɑ dɑɑn yit u mɔnŋ sɑlk, ɑ wun tul’n sonml nbɑ k i dɑɑn k fit tul’n nɑ.

Fiiliiptieb 4:18

N gɑɑl i piini nɑ munn ɑ k l cul ɑ. Epɑɑflodiit nbɑ tul’n i piini mɑnŋ nɑ, n ji mɔk lin nbɑ kul k n luon. I piini tie nɑn mɑnnu nbɑ k l nublu mɑn k tul Yennu k u gɑɑl’l nɑ e.

Kuoluostieb 1:24

K mɔtɑɑnɑ n mɔk pɑlpienn fɑlɑ nbɑ k n di i pɑɑk nɑ ni, k mɑɑn mɑɑ di fɑlɑ mɑnŋ biɑnŋ nbɑ, n tontl Klistu fɑlɑ dinu nbɑ tenn u gbɑnɑnt pɑɑk nɑ e. Gbɑnɑnt mɑnŋ e tie u mɔtɑɑɔk niib nɑ.

1 Tesɑɑluoniiktieb 2:8

Tɑɑ din luon’i bonciɑnn nɑ, t din k tien siil ɑ t tul’i lɑbɑmɑnn nbɑ nyii Yennu buol nɑ kuukuɑ kɑɑ, ŋɑɑn t biɑ din luon k tin tul’i t mɔnŋ mɔnŋ mɑnfuol e, k mɑɑn i mɑntk tien t nilonkɑb k l yɑbt ɑ.

2 Tiimuote 4:6

Ŋɑɑn min ŋɑnin, yuo bɑɑl nɑn bin jii’n k tien *mɑlunŋ ɑ. N kuun yuo bɑɑl ɑ.

1 Piɑl 2:5

Ii mun i tie nɑn tɑnɑ nbɑ fo k bin jii’i k mɑɑ Foŋɑnm ŋɑɑk. K yii tie Yennu tiɑɔnŋ mɑnntieb, kii mɑnn *mɑlunŋ nɑn Foŋɑnm nbɑ luon bɑnnu nbɑ, k Yiesu *Klistu pɑɑk, Yennu sɑɑ gɑɑl i mɑlunŋ ɑ.

1 Sɑn 3:16

Gotl mɑn, Yiesu nbɑ din gɑɑl t pɑɑk k kpo nɑ e wɑnt’t lonm nbɑ tie lin nbɑ, k l kpɑɑ tɑlɑs k tii gɑɑn t nɑɑ wɑɑs pɑɑk kii kpenn.