Fiiliiptieb 2:15 - Yiesu Lɑbɑmɑnn Muɑl Ni

¹⁵ ɑ i dɑɑ mɔk biit k biɑ dɑɑ mɔk jɑknt, kii tie Yennu wɑɑs nbɑ k mɔk dɑnŋ, k be nijɑknɑ nɑn biitdɑnm sinsuuk ni nɑ, kii nyili b sinsuuk ni nɑn ŋmɑɑjɑlɑ nbɑ nyili sɑnpɑɑpo biɑnŋ nbɑ nɑ,

Fiiliiptieb 2:15 Iomraidhean Croise

Mɑɑtieo 10:16

«Gotl mɑn, n tuun’i k i sii tie nɑn pei nbɑ be kinkɑtɑ sinsuuk ni nɑ e. Ii cek mɑn nɑn wɑɑlɑbli nɑ, ŋɑɑn kii be suon nnɑ nɑn ŋmɑnɑ nɑ.

Mɑɑtieo 17:17

K Yiesu boi’b ɑ: «Yinm mɔtɑɑnɑ niib nbɑ mɑntk kɑɑ yɑdɑ, k biɑ k wɑɑ Yennu fɑnu nɑ, n sɑɑ wei nɑn’i nlee? Yuo nlee k n sɑɑ di suklu nɑn’i mɑntk i? Bɑɑt mɑn nɑn bik mɑnŋ nnɑ.»

Mɑɑtieo 5:45

Ŋɑnn e sɑɑ te k i set kii tie i Bɑɑ nbɑ be sɑnpɑɑpo nɑ wɑɑs, k mɑɑn ŋuɑ e te k yennu do nifobiit nɑn nifoŋɑnm pɑɑk, k biɑ te k sɑɑk bɑɑ nifobiit nɑn nifoŋɑnm doi ni.

Mɑɑtieo 5:48

L pɑɑk, ii tuun bonŋɑnɑ kii tien niib kul nɑn i Bɑɑ nbɑ be sɑnpɑɑpo k tuun k tien niib kul nɑ.»

Lɑbɑmɑnn nbɑ k Luk diɑn 1:6

B bɑnle din mɔk binbenŋ nbɑ gbuot Yennu nunm, k sɑɑk u mɔb *senni kul nyiknyik.

Lɑbɑmɑnn nbɑ k Luk diɑn 6:35

«L pɑɑk, ii mɔk lonm nɑn i dɑtɑi mɑn, kii tuun bonŋɑnn kii tien’m, kii biɑ kii kpentl kii tien’m k dɑɑ dɑɑn nɑn b sɑɑ jiin ɑ. Nnɑ e k i nyuɑt sii yɑb k i biɑ sii tie Yennu wɑɑs, k mɑɑn ŋuɑ e tuun bonŋɑnn k tien bin nbɑ k tien’ɔ niipuouk, nɑn biitdɑnm.

Lɑbɑmɑnn nbɑ k Sɑn diɑn 5:35

Sɑn mɑnŋ dɑɑn tie nɑn fitl nbɑ k b tuu juo, k l yentu nyɔkt nɑ e, k i dɑɑn jii yuo wɑɑnm-nnɑ k niɑn u yentu mɑnŋ.

Tuonɑ 2:40

L puolpo e k Piɑl pɑk mɑɑn bonciɑnn k kpɑɑn’m k biɑ cie b pɑlɑ ɑ: «Nyint i mɔnŋ mɑn mɔtɑɑnɑ nibiit nɑ sinsuuk ni.»

Tuonɑ 20:30

Nisiɑb tɑn sɑɑ nyi i mɔnŋ mɔnŋ sinsuuk ni gbɑɑ, k fɑ fɑi k jiin bɑlmɔni wɑnnu po, ɑ bin tunn Yiesuweilɑ yɑn k te k bii wɑɑ’b.

Luonmtieb 16:19

Suɑ kul gbɑt i mɔsɑku po, k lin nbɑ nɑ pɑɑk e k n mɔk pɑlpienn nɑn’i. Ŋɑɑn n luon k yii mɔk yɑn k sɑɑn jiin lin nbɑ ŋɑn nɑn lin nbɑ k mɔk jɑknt nɑ po, k dɑɑ sɑɑk bonbiil.

1 Kuolent-tieb 1:8

Ŋuɑ e sɑɑ tul’i pɑnŋ nɑn Yonmdɑɑnɔ Yiesu Klistu jenu dɑɑl mɑnŋ k suɑ tɑn dɑɑ fit tɑɑl’i.

2 Kuolent-tieb 6:17

L pɑɑk k Yonmdɑɑnɔ Yennu biɑ yet ɑ: «Bɔktl i mɔnŋ mɑn k nyi b sinsuuk ni mɑn. I dɑɑ tuun nɑn lin nbɑ mɔk jɑknt, k n sɑɑ gɑɑl’i.

Efestieb 5:27

k jii’b tien’m u mɔnŋ nuu ni nɑn fɑnt, ɑ b fɑnt nɑ dɑɑ mɔk dɑnsiɑk, k biɑ kii tie niŋɑnm k dɑɑ mɔk biit nɑn wɑɑnm-nnɑ wɑɑ.

Fiiliiptieb 1:10

ɑ yin fit gɑnn lin nbɑ ŋɑn kii be k dɑɑ mɔk jɑknt k biɑ dɑɑ mɔk biit mɔkmɔk nɑn Klistu dɑɑl mɑnŋ,

Fiiliiptieb 3:6

N din diɑ Suifnbɑ senni nɑn ninmɔnn hɑli nɑn k n muks Klistu mɔtɑɑɔk niib. Nilɔ i sɑɑ sɑk senni e k fit kii tie niŋɑnɔ Yennu buol ni, min din be k kɑɑ bisiɑt jiin l po.

1 Tesɑɑluoniiktieb 5:23

Yennu nbɑ tien’t mɑnu nɑ tiɑɔnŋ n te k yii tie u yɑb cɑin, kii diɑ i sei nɑn i mɑnfuol nɑn i gbɑnɑnt mun, k l dɑɑ mɔk biit t Yonmdɑɑnɔ Yiesu Klistu jenu mɑnŋ po.

1 Tiimuote 3:10

L kpɑɑ tɑlɑs k Yiesu mɔtɑɑɔk niib n bik’m, k b i kii lɑ lin nbɑ b sɑɑ fit tɑɑl’b l pɑɑk, b sɑɑ fit kii tuun nɑn jɑɑnti niib sonmtieb nɑ.

1 Tiimuote 3:2

L k ŋɑn k yudɑɑnɔ mɑnŋ ii tuun lin nbɑ k niib sɑɑ fit tɑɑl’ɔ l pɑɑk. L kpɑɑ tɑlɑs e k wuu mɔk puo yenɔ kuɑ, kii tie wun nbɑ fit diɑ u mɔnŋ, kii tie wun nbɑ k niib tien’ɔ nibɑɑkl, kii gɑɑn sɑɑnm u ŋɑɑk ni kii cɑntl’b, kii tie wun nbɑ sɑɑ fit tumi niib fɑnu,

1 Tiimuote 5:14

L pɑɑk, min bo sii luon k puopɑɑni nbɑ tie pɑkɔi nɑ n kun jɑb e k mɑl wɑɑs, k got b ŋei fɑnu, k t dɑtɑi dɑɑ lɑɑt yɑɑk k piɑk biit jiint t po,

1 Tiimuote 5:20

Bin nbɑ tuun biit nɑ, ii yɑki nɑn’m, niib ni, k bin nbɑ biɑl nɑ n tin jɑŋmɑɑni.

1 Tiimuote 5:7

Tuln niib wɑnnu nɑ; k suɑ dɑɑ fit tɑɑl’b.

Tiit 1:6

L kpɑɑ tɑlɑs e nɑn sɑɑkuɑ i tie wun nbɑ k b k fit tɑɑl’ɔ. L kpɑɑ tɑlɑs nɑn wuu mɔk puo yenɔ kuɑ. L kpɑɑ tɑlɑs nɑn u wɑɑs n tien Klistu yɑdɑ, k dɑɑ tie wɑɑbiit nɑn tubkɑngbɑtɑ,

Tiit 2:10

k dɑɑ jɑɑn b siɑl, ŋɑɑn kii tie dɑnm nbɑ sɑɑk b yonmdɑnm mɔi yuo kul k ŋɑn e sɑɑ te k niib n tul wɑnnu nbɑ piɑk t Fietuɑ Yennu po nɑ bɑɑkl.

Tiit 2:15

Lin nbɑ nɑ e tie lin nbɑ k ɑ sii wɑnt’b nɑ. Ii cien b pɑlɑ, kii biɑ kii kpɑɑn’m nɑn Yennu nbɑ tul’ɑ yiikuo nɑ. A dɑɑ ŋɑɑnt k b suɑ goli’ɑ yɑnn.

Hebluonbɑ 7:26

L pɑɑk, Yiesu e tie t mɑnntuɑ nbɑ jɑnŋ nɑn t sonml. Ŋuɑ e tie wun nbɑ penn Yennu pɑl ni, k u k mɔk biit, k suɑ k fit tɑɑl’ɔ siɑl pɑɑk. Biit dɑnm be b kuɑ k u mun biɑ be u kuɑ, k Yennu donn’ɔ k kuɑn’ɔ *Yendɔunŋ ni.

1 Piɑl 2:12

ŋɑɑn kii be bɑnnu nbɑ k tingbounŋ niib i lek i tɑɑl’i e, ŋɑɑn b sɑɑ lɑ i tuonŋɑnɑ k dont Yennu sɑnn, dɑɑl nbɑ k u tɑn sɑɑ bɑɑl nɑ.

1 Piɑl 2:9

Ŋɑɑn yinm ŋɑnin tie nigɑnnkɑb e, k biɑ tie mɑnntieb nbɑ tuun k tien kpɑnbɑl, k biɑ tie nibuolu nbɑ tie Yennu yɑb, k biɑ tie u tiɑɔnŋ niib, ɑ yii muɑntl u bulcint po, ŋuɑ nbɑ nyinn’i bunbɔnn ni, k bɑɑl nɑn’i u bɑktnɔunŋ yentu ni.

2 Piɑl 3:14

N yuɑsnbɑ, yɑɑ guu bonɑ mɑnŋ nɑ pɑɑk, i yɑbl i mɔnŋ pɑɑk kii be binbenŋ nbɑ k Yennu luon, k dɑɑ mɔk biit u buol, k mɑnu i be yinm nɑn ŋuɑ sinsuuk ni.

Fiitu 2:5

Tiɑt fɑɑ din tuu be biɑnŋ nbɑ nɑ ŋɑɑn ji tɑn lebt k nyik’l nɑ. Mɔ kuɑŋɑɑn k lebt binbenŋ ŋɑɑn kii tuun tuonɑ nbɑ k ɑ din tuun sinsinn nɑ. L i tie k ɑ k mɔ kuɑŋɑɑn k lebt binbenŋ, n sɑɑ bɑɑl ɑ buol ni k nyinn ɑ fitl lɑɑ tuu be siɑn nbɑ nɑ.

Fiitu 3:9

Gotl, bin nbɑ tie *Sɑɑtɑn mɔtɑɑɔk niib, fɑidɑnm nbɑ yɑɑ ɑ b tie *Suifnbɑ ŋɑɑn k k tie nɑ, n sɑɑ te k bin bɑɑl k tɑn gbɑɑn ɑ tuɑnn po, k bɑnn nɑn n set luon’ɑ.