Fiiliiptieb 2:12 - Yiesu Lɑbɑmɑnn Muɑl Ni

¹² N yɔnimɔni, mɑɑ din be i buol ni k i din sɑk n mɔb yuo kul nɑ, k mi i lek i kɑɑ i buol ni, l biɑ kpɑɑ tɑlɑs k yin sɑk n mɔb. I yɑbl k tont i fielu tuonn nɑn yentinu nɑn gbɑnɑnjijekt mɑn.

Fiiliiptieb 2:12 Iomraidhean Croise

Mɑɑtieo 11:12

Lɑɑ dɑɑn nyii Sɑn nbɑ dɑɑn wuul niib Yennu nyunwulu nɑ mɑnŋ yuo k tɑn tuu mɔtɑɑnɑ, bin nbɑ k b ninbinɑ mɔn nɑn bin tɑn kuɑ Yennu nɑɑn ni diɑ ninmɔnn ɑ bin tɑn kuɑ nɑn pɑnŋ.

Mɑɑtieo 11:29

Ii sɑk n weiu mɑn, kii tumi n wɑnnu, k i sɑɑ lɑ fuon k tul i sei, k mɑɑn n tie sikn-n-mɔnŋ dɑɑnɔ e, k n pɑl mei.

Tuonɑ 16:29

Ŋɑnn e k guulɔ nɑ yɑɑ ɑ bin tuo muu, ŋɑɑn fɑɑl kuɑ dɑnsɑli dieok mɑnŋ ni, k gbɑɑn wuok k jekl Pɔul nɑn Siilɑɑs tuɑnn,

Tuonɑ 9:6

Ŋɑɑn fiit k sɑɑn duo nɑ ni, k b sɑɑ sɑɑ yet’ɑ fɑɑ ji sɑɑ tien biɑnŋ nbɑ.»

Luonmtieb 2:7

Bin nbɑ ninbinɑ mɔn nɑn bii tuun tuonŋɑnɑ k lɑ pɑku nɑn bɑɑkl nɑn mɑnfuol nbɑ kɑɑ gbennu nɑ, ŋɑnm e k Yennu sɑɑ tul’b mɑnfuol nbɑ kɑɑ gbennu mɑnŋ.

1 Kuolent-tieb 15:58

L pɑɑk, n nɑɑ wɑɑs, ii be mɑn nɑn pɑnŋ k dɑɑ bɑɑ i yɑdɑ ni. I jii i mɔnŋ kii tuun Yonmdɑɑnɔ tuonɑ nɑn ninmɔnn, k mɑɑn i mi nɑn tuonɑ nbɑ k i tuun k tien Yonmdɑɑnɔ nɑ, l tɑn kɑn bɑɑ yɑnn.

1 Kuolent-tieb 2:3

L pɑɑk, k n din bɑɑl i buol ni k tie tɑtmɔ, k jɑŋmɑɑni suol’n k n jekl.

1 Kuolent-tieb 4:14

N k dɑ nɑ k tien’i ɑ n dinn’i fei kɑɑ, ŋɑɑn n kpɑɑn’i e, nɑn yɑɑ tie n wɑlonkɑi nɑ,

2 Kuolent-tieb 7:15

Wɑɑ luon’i biɑnŋ nbɑ mɑntk puki yuo nbɑ k u tiɑl bɑnnu nbɑ k i din tien siil ɑ yin sɑk u mɔb, k biɑ din gɑɑl’ɔ sɑɑɔnŋ nɑn jɑŋmɑɑni nɑn gbɑnɑnjijekt nɑ.

Efestieb 6:5

Dɑɑbɑ, ii sɑɑk i cɑnbɑɑnbɑ mɔi mɑn, kii tiin’m jɑŋmɑɑni, kii tuun tuonn kii tien’m nɑn i pɑlɑ kul ɑ nɑn yɑɑ bo sii tuun k tien Klistu biɑnŋ nbɑ nɑ.

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Fiiliiptieb 1:29

K mɑɑn Yennu cɑb’i ɑ yin tun k tul Klistu k l k tie yɑɑ tien’ɔ yɑdɑ nɑ kuukuɑ pɑɑk kɑɑ, ŋɑɑn l biɑ tie yɑɑ di fɑlɑ u pɑɑk nɑ.

Fiiliiptieb 1:5

k mɑɑn yɑɑ sonmt’n biɑnŋ nbɑ lɑbɑmɑnn tuonɑ mɑnŋ pinpiik ni wɑɑ nɑn mɔtɑɑnɑ nɑ pɑɑk.

Fiiliiptieb 1:6

L pɑɑk, n k mɔk bilsuk nɑn Yennu nbɑ din piin tuonŋɑnn i ni nɑ, u sii diɑ’l nnɑ mɔkmɔk nɑn yuo nbɑ k u tɑn sɑɑ gbenn tuonŋɑnn mɑnŋ Yiesu Klistu jennu dɑɑl.

Fiiliiptieb 2:19

N mɔk dindɑnn Yonmdɑɑnɔ Yiesu ni nɑn mɑn tun Tiimuote i buol ni mɔtɑɑnɑ, k gbɑt i lɑbɑɑl k n pɑl ni n duɑl.

Fiiliiptieb 4:1

L pɑɑk, n nɑɑ wɑɑs, yinm nbɑ k n luon’i, k luon k n lɑ’i nɑ, yinm e te k n mɔk pɑlpienn nɑn yugontl. N nɑɑ wɑlonkɑi, setl fɑnu mɑn Yennu sɔnu ni, Yonmdɑɑnɔ tuɑnn.

Fiiliiptieb 4:15

Yinm Fiiliiptieb mi fɑnu nɑn mɑɑ din nyii Mɑɑseduɑnn yuo nbɑ k b din piin k muɑnt lɑbɑmɑnn nɑ, i jɑɑnti kuukuɑ e din sonmt’n, yinm kuukuɑ e din tɑɑ n po k lɑɑt n nyuɑt nɑn n bɑɑk.

1 Tesɑɑluoniiktieb 1:3

T Bɑɑ Yennu tuɑnn po, t tiɑn biɑnŋ nbɑ k i tien yɑdɑ k tuun tuonɑ, nɑn i lonm nbɑ te k i tuun lin nbɑ nɑn biɑnŋ nbɑ k i dindɑnn cie nɑn t Yonmdɑɑnɔ Yiesu *Klistu.

2 Tiimuote 2:10

Ŋɑɑn Yennu nigɑnnkɑb nɑ pɑɑk k n lek di suklu fɑlɑ kul ɑ ni, ɑ bin mun lɑ fielu nbɑ be Yiesu Klistu ni, kii mɔk dontl nbɑ kɑɑ gbennu nɑ.

Hebluonbɑ 12:1

Nibul nɑ kul tie siɑlɑɑdɑnm e k lint’t. L pɑɑk, ŋɑɑnt k tin yɑbl k fok lu lin nbɑ kul sɑɑ guɑl’t *Klistu sɔnu ni, nɑn biit nbɑ sɑɑ suol’t. Ŋɑɑnt k tin di suklu k gbɑɑ gbɑɑl nbɑ yɑɑ lin bɑɑl’t nɑ.

Hebluonbɑ 4:1

Yennu din senn mɔsonn k tul’t, ɑ t sɑɑ fit k kuɑ siɑn nbɑ k u tien t fuon siil nɑ wɑɑ. Ŋɑnn ii mi k i suɑ tɑn sɑɑ kɔnŋ fuon mɑnŋ.

Hebluonbɑ 4:11

L pɑɑk, ŋɑɑnt mɑn k tin yɑbl t mɔnŋ k lɑ fuon mɑnŋ, k t suɑ tɑn dɑɑ bɑɑ nɑn bɑɑ din yet Yennu mɔb k tɑn bɑɑ biɑnŋ nbɑ nɑ.

Hebluonbɑ 5:9

Wɑɑ din tɑn dii fɑlɑ gbenn yuo nbɑ, bin nbɑ kul cɔln’mɔ ji din fit lɑ fielu nbɑ kɑɑ gbennu u buol ni,

1 Piɑl 2:11

N yuɑsnbɑ, yɑɑ tie sɑɑnm k biɑ tie kunsɑnnɑ tingbounŋ nɑ ni nɑ, n kpɑɑn’i e ɑ yi nyik gbɑnɑnt lonbiit nbɑ kɔn nɑn i sei nɑ,

2 Piɑl 3:18

I ŋɑɑn k t Yonmdɑɑnɔ Yiesu Klistu nbɑ tie t Fietuɑ nɑ, ninkpɑbɑɔnŋ ii be i binbenŋ ni kii puki, k yin mun ŋɑɑn k yɑɑ bɑnn’ɔ bɑnnu nbɑ nɑ n pukn. Ŋuɑ e yen dontl mɔtɑɑnɑ nɑn yuo nbɑ kɑɑ gbennu. * Amenn.