Fiiliiptieb 2:1 - Yiesu Lɑbɑmɑnn Muɑl Ni

¹ L i tie k yɑɑ be *Klistu ni biɑnŋ nbɑ nɑ e pukn i pɑnŋ, k l i tie k i lɑ pɑlcienn u lonm ni, k l i tie k i mɔk mɔtɑɑɔk nɑn Foŋɑnm, l i tie k i mɔk bulcint k biɑ mɔk lonm nɑn lieb,

Fiiliiptieb 2:1 Iomraidhean Croise

Lɑbɑmɑnn nbɑ k Luk diɑn 2:25

L yuo nɑ k jɑsuɑ nnɑ din be Selusɑɑlenm, k u sɑnn din tie Siimeɔn. U din be binbenŋ nbɑ gbuot Yennu nunm k din bɑɑkt Yennu bonciɑnn, k guu yuo nbɑ k Yennu sɑɑ fiel Islɑɑeltieb, k Foŋɑnm din be nɑn’ɔ.

Lɑbɑmɑnn nbɑ k Sɑn diɑn 14:18

«N kɑn nyik’i, k i tie kpiebi. N sɑɑ jen i penŋ nɑ.

Lɑbɑmɑnn nbɑ k Sɑn diɑn 14:27

«N tien’i mɑnu e. N pi’i piini nbɑ tie n mɑnu e. N k tul’i nɑn tingbounŋ ŋɑɑtieb nbɑ tuu tul b lieb bɑnnu nbɑ nɑ kɑɑ. I dɑɑ mɔk pɑlbiil. I biɑ dɑɑ tiin jɑŋmɑɑni.

Lɑbɑmɑnn nbɑ k Sɑn diɑn 17:13

Ŋɑɑn mɔtɑɑnɑ n bɑɑt ɑ penŋ e, k mɑɑ dɑɑ be tingbounŋ nɑ ni nɑ, n piɑk lin nbɑ nɑ k tien’m, ɑ bin ji fit lɑ n pɑlpienn nɑ k sɑɑ yɑkl.

Tuonɑ 2:46

Dɑɑl kul b biɑ lek tuu tɑɑn lieb e Yennu jɑɑnti ŋɑsɑɑkɑk ni, k b lɑknt bɑɑ jedikpɑguul b mɔnŋ ŋei ni, k sɑɑ di jiet nɑn lieb nɑn pɑlpienn, k ninfɔksɑi kɑɑ nɑn b lieb.

Tuonɑ 4:32

L yuo nɑ k Yiesuweilɑ mɑnŋ kul ɑ tɑɑn lieb nɑn dudukyent kuukuɑ. B suɑ din k yɑɑ ɑ u yen siɑl u mɔnŋ, ŋɑɑn b din centl b bonɑ k tien b lieb e.

Luonmtieb 5:5

k dindɑnn mɑnŋ ni t tɑn kɑn di fei, k mɑɑn Yennu jii lonm nbɑ k u mɔk nɑ k tien t pɑlɑ ni, Foŋɑnm nbɑ k u tul’t nɑ ni.

Luonmtieb 8:26

Nnɑ e mun k Foŋɑnm nɑ bɑɑl ɑ wun sonm tinm nbɑ k mɔk pɑnŋ nɑ k mɑɑn t k mi biɑnŋ nbɑ k t sii mei Yennu. Ŋɑɑn Foŋɑnm mɔnŋ e mei Yennu k tien’t k kuli bɑnnu nbɑ k t mɔbonɑ kɑn fit wɑnn l pɑɑk.

1 Kuolent-tieb 12:13

Nnɑ e k t kul ɑ, *Suifnbɑ ɑmi bin nbɑ k tie Suifnbɑ, dɑɑbɑ ɑmi bin nbɑ yen b mɔnŋ, Foŋɑnm kuɑ wul t kul Yennu nyunwulu ɑ tii tie gbɑnɑn-yent k t kul ɑ biɑ nyuu Foŋɑnm mɑnŋ e.

1 Kuolent-tieb 15:31

N nɑɑ wɑɑs, n tuokt kuun dɑɑl kul. Yudɑnt nbɑ k n mɔk nɑ, tɑɑ be nɑn t Yonmdɑɑnɔ Klistu bɑnnu nbɑ nɑ pɑɑk e te k n piɑk nnɑ.

1 Kuolent-tieb 3:16

I k mi nɑn i tie Yennu jɑɑnti ŋɑsɑɑkɑk e, k Foŋɑnm be i ni ii?

2 Kuolent-tieb 2:14

Ŋɑɑn Yennu yen niipuouk, k mɑɑn t tie Klistu dɑɑbɑ k wɑɑ u puolpo yuo kul, k u lin k wɑnt nɑn nyɑnnu tie u yɑl e. Yennu jii’t ɑ tin fiit Klistu k wɑnn suɑ kul mun, k u lɑbɑmɑnn tie nɑn tulɑɑli nbɑ nubl mɑn l kul po biɑnŋ nbɑ nɑ e.

Gɑɑlɑɑt-tieb 4:6

Yɑɑ tie u wɑɑs nɑ pɑɑk e, k u tun u Bijɑ mɑnŋ Siek t pɑlɑ ni, k u yikn ɑ: «Abbɑ! n Bɑɑ.»

Gɑɑlɑɑt-tieb 5:22

Ŋɑɑn Foŋɑnm te k nilɔ mɔk lonm, nɑn pɑlpienn, nɑn mɑnu, nɑn suklu, nɑn bulcint, nɑn ŋɑnm, nɑn yɑdɑ,

Efestieb 4:4

Gbɑnɑn-yent kuɑ e be, k Foŋɑn-yenɔ kuɑ mun be, nnɑ e k dindɑn-yenn kuɑ mun be k Yennu yiin’i l ni.

Fiiliiptieb 1:8

Yennu e tie n siɑlɑɑdɑɑnɔ nɑn n yɑn set be i ni nɑn Yiesu Klistu tiɑɔnŋ nbɑ luon’i biɑnŋ nbɑ nɑ.

Fiiliiptieb 3:3

Tinm e mɔk mɔmɔnm *punpotu, k mɑɑn Foŋɑnm ni e k t jiɑntl Yennu k mɔk yugontl tɑɑ be *Klistu ni nɑ, k k tien lin nbɑ k b tien nilɔ gbɑnɑnt ni nɑ yɑdɑ.

Kuoluostieb 2:2

N yɑɑ i pɑlɑ n cie e, k yin lɑkn tɑɑn lieb nɑn lonm, kii mɔk dindɑnn kul nbɑ bɑɑt nɑn bɑlmɔni minu. Nnɑ e kii sii mi Yennu wuol ni lɑbɑɑl nbɑ tie *Klistu tiɑɔnŋ nɑ.

Kuoluostieb 3:12

I tie Yennu nigɑnnkɑb e. U din luon’i k din lukt’i, ɑ ii tie u tiɑɔnŋ niib. L pɑɑk, ii tiin lieb ninbɑɑɔk bonciɑnn mɑn, kii mɔk bulcint, kii centl lin nbɑ k i mɔk nɑ nɑn’m kii tie sikn-n-mɔnŋ dɑnm, kii luon mɑnu, kii mɔk pɑlmɑɑsl.

Hebluonbɑ 6:18

L pɑɑk, bonɑ ŋɑnle be k kɑɑ lebtu k Yennu biɑ kɑn fit fɑɑl fɑɑk l pɑɑk. Ŋɑnn mɑnŋ pɑɑk, tinm nbɑ lɑ gungulbuol u buol ni nɑ, t mɔk pɑlcienn nbɑ sɑɑ te k tin tin k suol dindɑnn nbɑ k Yennu din senn’t mɔsonn nɑ nɑn pɑnŋ.

1 Piɑl 1:2

Yennu, Bɑɑ nɑ, din dɔnŋ lol k lukt’i, ɑ yii tie u yɑb Foŋɑnm yiikuo pɑɑk kii sɑɑk Yiesu Klistu mɔb k u sɔn n wuul i pɑl ni. Yennu ii mɔk ninkpɑbɑɔnŋ nɑn’i k biɑ tul’i mɑnu nbɑ kɑɑ pɑɑk.

1 Sɑn 3:24

Wun nbɑ sɑɑk Yennu senni nɑ be u ni k Yennu mun biɑ be u ni. Wɑɑ din tul’t Foŋɑnm nɑ pɑɑk k t mi nɑn u be t ni.

1 Sɑn 4:12

Suɑ k mi lɑ Yennu, ŋɑɑn t i luon lieb i e, Yennu be t ni, k u lonm tuun t ni nɑn bɑlmɔni.

1 Sɑn 4:16

K t mɔnŋ mɔnŋ mun bɑnn Yennu nbɑ luon’t biɑnŋ nbɑ, k biɑ tien yɑdɑ nɑn u set luon’t. Yennu tie lonm e, k dɑɑnɔ nbɑ be lonm nɑ ni, ŋuɑ e be Yennu ni, k Yennu mun biɑ be u ni.