Fiiliiptieb 1:9 - Yiesu Lɑbɑmɑnn Muɑl Ni

⁹ N mei Yennu mɑɑ i lonm ii tun kii puki yuo kul, k yii biɑ kii mɔk bɑlmɔni bɑnnu nɑn subni,

Fiiliiptieb 1:9 Iomraidhean Croise

1 Kuolent-tieb 14:20

N nɑɑ wɑɑs, yuo nbɑ k i duki, i dɑɑ tie wɑɑs. L i tie k l tie, k tun bonbiil i e, yii tie nɑn sɑnpɑnti nɑ mɑn, ŋɑɑn l i tie k i yɑɑ yin dukn dudukt yii tie sɑɑkɑb.

2 Kuolent-tieb 8:7

Tɔn, i mɔk bont kul ɑ. I tien Yiesu yɑdɑ, k biɑ fit piɑk fɑnu k biɑ mi bonciɑnn, k biɑ tuun tuonn nɑn ninmɔnn k biɑ luon’t bonciɑnn. Yɑɑ tuun lin nbɑ nɑ kul bonciɑnn nɑ, t luon k yii tuun bulcint tuonn mɑnŋ mun bonciɑnn.

Efestieb 5:17

L pɑɑk, i dɑɑ tie jɑtt kɑɑ, ŋɑɑn kii tuun bɑnnu nbɑ k Yonmdɑɑnɔ luon.

Kuoluostieb 1:9

Lin nbɑ nɑ pɑɑk, tɑɑ dɑɑn gbɑt i po, t k nyik Yenmiɑlu i pɑɑk. T mei Yennu ɑ wun te k i bɑnn wɑɑ luon biɑnŋ nbɑ. Foŋɑnm yɑn nɑn u subni nbɑ k u tul’i nɑ pɑɑk e, sɑɑ te k i set bɑnn Yennu ninkpɑbɑɔnŋ nɑn bɑlmɔni.

Kuoluostieb 3:10

k ji liɑ binbenpɑɑnŋ e. Binbenpɑɑnŋ nɑ e k Yennu nbɑ tie l nɑntuɑ nɑ pɑntl yuo kul ɑ, k l nɑɑn u mɔnŋ binbenŋ, ɑ wun te k yin bɑnn’ɔ setk nɑn mɔni.

1 Tesɑɑluoniiktieb 3:12

Yonmdɑɑnɔ n te k yɑɑ luon i lieb nɑn suɑ kul biɑnŋ nbɑ n yɑbt bonciɑnn nɑn tɑɑ mun luon’i biɑnŋ nbɑ nɑ.

1 Tesɑɑluoniiktieb 4:1

Tɔn, t nɑɑ wɑɑs, i din tumi t penŋ biɑnŋ nbɑ k i sii tuun k pent Yennu pɑl ni, k nnɑ e k i ji tuun. Mɔtɑɑnɑ, t bɑln’mi e k kpɑɑn’i Yonmdɑɑnɔ Yiesu sɑnn ni, ɑ ii ŋɑnmt kii tuun nnɑ mɑn,

2 Tesɑɑluoniiktieb 1:3

T nɑɑ wɑɑs, l kpɑɑ tɑlɑs e nɑn tii tien Yennu niipuouk yuo kul i pɑɑk. T i tuun nnɑ, l ŋɑn, k mɑɑn i yɑdɑ mɑntk puki bonciɑnn, k yɑɑ mɔk lonm nbɑ k tien i lieb nɑ puki.

Fiilemɔn 1:6

N mei Yennu ɑ tinm nɑn fin nbɑ tɑɑn k tien Klistu yɑdɑ nɑ pɑɑk sɑɑ te k tin bɑnn fɑnu piisn nbɑ k t mɔk tɑɑ tɑɑ Klistu po nɑ pɑɑk.

Hebluonbɑ 5:14

Ŋɑɑn jeŋmɑnkɑt tie sɑɑkɑb yɑl e, k ŋɑnm e fit bɑnt lin nbɑ tie bonbiil nɑn lin nbɑ tie bonŋɑnn, bɑɑ tuu dukn l po b pɑlɑ ni nɑ.

1 Piɑl 1:22

Mɔtɑɑnɑ yɑɑ sɑɑk bɑlmɔni lɑbɑɑl k i ji nyii biit sɔnu ni, ɑ yin fit kii luon i nɑɑ wɑɑs nɑn bɑlmɔni nɑ, ii luon i lieb mɑn nɑn i pɑlɑ kul ɑ.

2 Piɑl 3:18

I ŋɑɑn k t Yonmdɑɑnɔ Yiesu Klistu nbɑ tie t Fietuɑ nɑ, ninkpɑbɑɔnŋ ii be i binbenŋ ni kii puki, k yin mun ŋɑɑn k yɑɑ bɑnn’ɔ bɑnnu nbɑ nɑ n pukn. Ŋuɑ e yen dontl mɔtɑɑnɑ nɑn yuo nbɑ kɑɑ gbennu. * Amenn.