Fiiliiptieb 1:7 - Yiesu Lɑbɑmɑnn Muɑl Ni

⁷ Mi i duki i po nnɑ, l ŋɑn, k mɑɑn n yɑn be i ni, yinm nbɑ k Yennu tin’i ninbɑɑɔk nɑn wɑɑ tin’n biɑnŋ nbɑ, mɑɑ dɑɑn yen n mɔnŋ k gbɑɑ lɑbɑmɑnn mɑnŋ pɑɑk, ɑ n senn’l nɑ wɑɑ, k tɑn bɑɑl yuo nbɑ k n ji be dɑnsɑlk ni nɑ.

Fiiliiptieb 1:7 Iomraidhean Croise

Tuonɑ 20:23

Ŋɑɑn mɑɑ mi lin nbɑ kuukuɑ tie nnɑ e. Mɑɑ lin duo kul nɑ ni, Foŋɑnm e tuu wɑnt’n nɑn ninmɔnn ɑ dɑnsɑlk nɑn fɑlɑ tɑn sii tie n yɑl e.

Tuonɑ 21:33

K sejenm yudɑɑnɔ nɑ sɑɑn suol Pɔul, ŋɑɑn tul mɔb ɑ bin bɑɑn’ɔ jɑlt ŋɑnle, ŋɑɑn boi Pɔul nbɑ tie wun nbɑ nɑn wɑɑ biil lin nbɑ nɑ.

1 Kuolent-tieb 13:7

Wun nbɑ mɔk lonm nyikt cɑbt bont kul, k mɔk yɑdɑ nɑn bont kul, k dɑɑn bont kul, k tuot bont kul.

1 Kuolent-tieb 9:23

Lɑbɑmɑnn nɑ pɑɑk e k n tie lin nbɑ nɑ kul ɑ n tɑn lɑ nyuɑt.

2 Kuolent-tieb 3:2

Yinm e tie t *siɑlɑ kɑdɑɑɔk k tɑɑb t pɑlɑ ni ɑ suɑ kul n lii k bɑnn.

2 Kuolent-tieb 7:3

N k diɑn nnɑ ɑ n yet ɑ i k mɔk mɔni kɑɑ. T lek luon’i, nɑn mɑɑ ponŋ yet’i biɑnŋ nbɑ nɑ. T i lek i kpo ɑmi tɑɑ be mɑnfuol ni, ŋɑɑn t lek sii luon’i.

Gɑɑlɑɑt-tieb 5:6

K mɑɑn t i be Yiesu Klistu ni, t i lek i pot t punɑ ɑmi t i kii pot, l k siɑn. Lin nbɑ siɑn tie t yɑdɑ nɑn Klistu nbɑ te k b lɑɑt nɑn t mɔk lonm nɑn lieb nɑ e.

Efestieb 3:1

Lin nbɑ nɑ pɑɑk e k min Pɔul wun nbɑ be dɑnsɑlk mɑɑ tuun *Klistu tuonn k tien yinm nbɑ k tie *Suifnbɑ nɑ pɑɑk, n mei Yennu.

Efestieb 4:1

Min nbɑ be dɑnsɑlk tuonɑ nbɑ k n tuun k tien Yonmdɑɑnɔ pɑɑk, n bɑln’mi e ɑ i ŋɑɑn k i binbenŋ i tie fɑnu nɑn Yennu nbɑ din luon k lii tie biɑnŋ nbɑ nɑ yuo nbɑ k u din yiin’i nɑ.

Efestieb 6:20

Mɑɑ lek be dɑnsɑlk ni nɑ, ŋɑɑn n biɑ tie lɑbɑmɑnn mɑnŋ muɑnt-tuɑ e, ɑ mɑn fit k wɑnn niib lɑbɑmɑnn mɑnŋ. Ii mei Yennu mɑn k mii piɑk lɑbɑmɑnn mɑnŋ nɑn pɑlcienn nɑn lɑɑ kpɑɑ tɑlɑs biɑnŋ nbɑ nɑ.

Fiiliiptieb 1:12

N nɑɑ wɑɑs, n luon k yin bɑnn nɑn lin nbɑ kul nbɑ tien’n nɑ, sonm lɑbɑmɑnn mɑnŋ ɑ lin sɑɑn tuɑnn e nɑn bɑlmɔni.

Fiiliiptieb 1:13

L pɑɑk, kpɑnbɑl ŋɑguulɑ nɑn nilieb nbɑ be nnɑ nɑ kul bɑnn nɑn mɑɑ tie Klistu tuontunnɔ nɑ pɑɑk e k n be dɑnsɑlk nɑ.

Fiiliiptieb 1:14

N sɑlk ni benu nɑ tul t nɑɑ wɑɑs bonciɑnn yugontl Yonmdɑɑnɔ sɔnu ni, k l puki yuo kul, k b muɑntl Yennu mɑɑn nɑn pɑlcienn, k jɑŋmɑɑni ji kɑɑ.

Fiiliiptieb 1:5

k mɑɑn yɑɑ sonmt’n biɑnŋ nbɑ lɑbɑmɑnn tuonɑ mɑnŋ pinpiik ni wɑɑ nɑn mɔtɑɑnɑ nɑ pɑɑk.

Fiiliiptieb 2:22

I mɔnŋ mi wɑɑ tun biɑnŋ nbɑ k wɑnn u kotl biɑnŋ nbɑ nɑ, k i biɑ mi nɑn u din tuun nɑn’n nɑn bik nbɑ tuun nɑn u bɑɑ biɑnŋ nbɑ nɑ lɑbɑmɑnn tuonɑ nɑ ni.

Fiiliiptieb 4:14

Ŋɑɑn i dɑɑn tun fɑnu bonciɑnn nɑn yɑɑ dɑɑn sonm’n n fɑlɑ dinu ni nɑ.

Fiiliiptieb 4:15

Yinm Fiiliiptieb mi fɑnu nɑn mɑɑ din nyii Mɑɑseduɑnn yuo nbɑ k b din piin k muɑnt lɑbɑmɑnn nɑ, i jɑɑnti kuukuɑ e din sonmt’n, yinm kuukuɑ e din tɑɑ n po k lɑɑt n nyuɑt nɑn n bɑɑk.

Fiiliiptieb 4:3

K fin nbɑ mun tie n wei-nɑn-luɑ nɑn bɑlmɔni, n luon k fin sonm puob bɑnle mɑnŋ, k mɑɑn ŋɑnm nɑn Klemɑn nɑn bin nbɑ kul tie n tuontunlieb k b sɑnɑ be mɑnfuol kɑdɑɑɔk ni nɑ din lɑkn tun nɑn’n bonciɑnn lɑbɑmɑnn mɑnŋ muɑntu ni.

Kuoluostieb 4:18

N diɑn lin nbɑ nɑ nɑn n tiɑɔnŋ nuu e: Min Pɔul fuont’i. I dɑɑ tɑnmt nɑn n be dɑnsɑlk e. Yennu ii mɔk ninkpɑbɑɔnŋ nɑn’i.

Kuoluostieb 4:3

kii biɑ kii mei’ɔ kii tien’t ɑ wun luot gɑnn k tul’t k tin fit fiit *Klistu wuol ni mɑɑn nbɑ te k n be dɑnsɑlk nɑ.

1 Tesɑɑluoniiktieb 5:5

k mɑɑn i kul tie yentu wɑɑs e. T k tie nyiɑɔk yɑb kɑɑ, k biɑ k tie bunbɔnn yɑb kɑɑ.

2 Tiimuote 1:8

L pɑɑk, din t Yonmdɑɑnɔ *siɑlɑ k dɑɑ tiin fei. A biɑ dɑɑ tiin fei nɑn mɑɑ be dɑnsɑlk u pɑɑk nɑ, ŋɑɑn sɑk fɑldinu nɑn’n u lɑbɑmɑnn mɑnŋ pɑɑk, nɑn Yennu nbɑ tul’ɑ pɑnŋ biɑnŋ nbɑ nɑ.

2 Tiimuote 2:9

Lɑbɑmɑnn mɑnŋ pɑɑk, k n be nɑn jɑlt k di fɑlɑ nɑn biitdɑɑnɔ nɑ. Yennu mɑɑn mɑnŋ ŋɑnin k be jɑlt ni.

Fiilemɔn 1:13

N bo sii luon k mii diɑ’u n buol ni nnɑ nɑ k wuu tuun ɑ sienu ni kii sonmt’n mɑɑ be dɑnsɑlk ni Klistu lɑbɑmɑnn pɑɑk nɑ.

Hebluonbɑ 3:1

N nɑɑ wɑɑs nbɑ tie Yennu yɑb k biɑ be bin nbɑ k Yennu lukt’b nɑ ni, ii goli mɑn Yiesu, wun nbɑ k Yennu din tun’ɔ ɑ wun tɑn tien *mɑnntɔyudɑɑnɔ t Yenjiɑntu sɔnu ni nɑ.

1 Piɑl 4:13

Yɑɑ di fɑlɑ nɑn Klistu nbɑ din dii fɑlɑ bɑnnu nbɑ nɑ, ii mɔk pɑlpienn mɑn, k yuo nbɑ k u *yudɑnt tɑn sɑɑ nyi pɑɑnu nɑ, i tɑn sɑɑ lɑ pɑlpienn nbɑ kɑɑ pɑɑk.

1 Piɑl 5:1

*Sɑɑkɑb nbɑ be i sinsuuk ni, n kpɑɑn’i e, min nbɑ mun tie sɑɑkuɑ nɑ, k n ninbinn din lɑ *Klistu nbɑ din dii fɑlɑ biɑnŋ nbɑ, k biɑ tɑn sɑɑ lɑkn k lɑ *yudɑnt nɑn’ɔ yuo nbɑ k l tɑn sɑɑ nyi pɑɑnu nɑ.

2 Piɑl 1:13

Ŋɑɑn n dukn nɑn l ŋɑn k n ŋɑnm tiɑl’i k fiin i dudukt mɑɑ dɑɑ be n mɑnfuol ni nɑ.

1 Sɑn 3:14

T mi nɑn t nyii kuun ni ŋɑɑn kuɑ mɑnfuol ni e, k mɑɑn t luon t nɑɑ wɑɑs. Wun nbɑ k mɔk lonm u pɑl ni nɑ be kuun ni e.