Fiiliiptieb 1:6 - Yiesu Lɑbɑmɑnn Muɑl Ni

⁶ L pɑɑk, n k mɔk bilsuk nɑn Yennu nbɑ din piin tuonŋɑnn i ni nɑ, u sii diɑ’l nnɑ mɔkmɔk nɑn yuo nbɑ k u tɑn sɑɑ gbenn tuonŋɑnn mɑnŋ Yiesu Klistu jennu dɑɑl.

Fiiliiptieb 1:6 Iomraidhean Croise

Lɑbɑmɑnn nbɑ k Sɑn diɑn 6:29

K Yiesu jiin’m ɑ: «Tuonn nɑ e k Yennu luon k yii tuun, ɑ yin tien wun nbɑ k u tun’ɔ nɑ yɑdɑ.»

Tuonɑ 11:18

Bɑɑ din gbɑt nnɑ mɑnŋ yuo nbɑ, k b ji nyik b kpɑyɑkt nɑ, ŋɑɑn donn Yennu sɑnn, k yien ɑ: «Yennu te bin nbɑ k tie Suifnbɑ mun fit mɔ kuɑŋɑɑn k lebt binbenŋ k lɑ mɑnfuol nbɑ kɑɑ gbennu.»

Tuonɑ 16:14

Puob nbɑ din gbɑt t mɑɑn mɑnŋ, b yenɔ sɑnn din tie Liidi. U din nyii Tiɑtiil e k din tie cincenmunŋ nbɑ k l dɑɑɔk pɑɑl nɑ kuɑt-tuɑ, k biɑ din jiɑntl Yennu. K Yonmdɑɑnɔ din luot u pɑl ni ɑ wun gbiint Pɔul mɑɑn nbɑ k u piɑk nɑ fɑnu.

1 Kuolent-tieb 1:8

Ŋuɑ e sɑɑ tul’i pɑnŋ nɑn Yonmdɑɑnɔ Yiesu Klistu jenu dɑɑl mɑnŋ k suɑ tɑn dɑɑ fit tɑɑl’i.

2 Kuolent-tieb 1:15

Mɑɑ bɑnn lin nbɑ nɑ pɑɑk e te k n dɑɑn lol ɑ n sɑɑ gɔn’i sinsinn, ɑ k yin lɑ sonml tɑɑl munle,

2 Kuolent-tieb 2:3

Gotl lin nbɑ te k n din diɑn kɑdɑɑɔk nɑn mɑɑ din diɑn bɑnnu nbɑ nɑ, n k luon k n bɑɑl k tɑn lɑ pɑlbiil yinm nbɑ bo sɑɑ penn n pɑl ni nɑ buol ni. Setk nɑn mɔni, n tien yɑdɑ nɑn mi i mɔk pɑlpienn, i mun mɔk pɑlpienn.

2 Kuolent-tieb 7:16

N set mɔk pɑlpienn bonciɑnn nɑn mɑɑ sɑɑ fit kii duu i pɑɑk nɑ.

2 Kuolent-tieb 9:4

Nnɑ i kɑɑ, k Mɑɑseduɑnn tinŋ ni niib mɑnŋ tɑn ciɑn’n k bɑɑl i buol ni, k suɑ k i dɑɑ k tien siil, l sɑɑ din’n fei wɑɑ, k l kii tie min kuukuɑ kɑɑ sɑɑ di fei, t kul ɑ e sɑɑ di fei, k mɑɑn t dɑɑn pɑk’i b buol ni wɑɑ.

Gɑɑlɑɑt-tieb 5:10

Ŋɑɑn Yonmdɑɑnɔ pɑɑk, n biɑ mɔk yɑdɑ ɑ i sii mɔk dudukyent nɑn’n, ŋɑɑn Yennu sɑɑ dɑt dɑɑnɔ nbɑ ŋmɑt i dudukt nɑ tubl ɑ, wɑɑ lek tie wun nbɑ kul.

Efestieb 4:12

U tun lin nbɑ nɑ ɑ bin nbɑ tie Yennu niib kul ɑ n fit jɑnŋ u tuonɑ mɑnŋ e, k te k Klistu gbɑnɑnt n tɑnt,

Fiiliiptieb 1:10

ɑ yin fit gɑnn lin nbɑ ŋɑn kii be k dɑɑ mɔk jɑknt k biɑ dɑɑ mɔk biit mɔkmɔk nɑn Klistu dɑɑl mɑnŋ,

Fiiliiptieb 1:29

K mɑɑn Yennu cɑb’i ɑ yin tun k tul Klistu k l k tie yɑɑ tien’ɔ yɑdɑ nɑ kuukuɑ pɑɑk kɑɑ, ŋɑɑn l biɑ tie yɑɑ di fɑlɑ u pɑɑk nɑ.

Fiiliiptieb 2:12

N yɔnimɔni, mɑɑ din be i buol ni k i din sɑk n mɔb yuo kul nɑ, k mi i lek i kɑɑ i buol ni, l biɑ kpɑɑ tɑlɑs k yin sɑk n mɔb. I yɑbl k tont i fielu tuonn nɑn yentinu nɑn gbɑnɑnjijekt mɑn.

Fiiliiptieb 2:13

k mɑɑn Yennu yuɑ tuun nɑn’i e, ɑ yin fit kii luon kii biɑk kii tuun u lonm tuonɑ.

Fiiliiptieb 2:16

ŋɑɑn yet’b mɑnfuol lɑbɑɑl. L i tie k i tuun nnɑ, n tɑn sii mɔk yɑɑk nɑn mii mɔk yugontl i pɑɑk Klistu jennu dɑɑl mɑnŋ, k mɑɑn l tɑn sɑɑ wɑnn nɑn n fɑlɑ nɑn n tuonɑ din k tie yɑnn.

Kuoluostieb 2:12

k mɑɑn i Yennu nyunwulu ni nɑ, b din pii’i nɑn Klistu e, k i biɑ fiil kuun ni nɑn’ɔ. Lin nbɑ nɑ kul din tien k mɑɑn i din tien yɑdɑ Yennu pɑnŋ nbɑ din fiin’ɔ kuun ni nɑ ni e.

1 Tesɑɑluoniiktieb 1:3

T Bɑɑ Yennu tuɑnn po, t tiɑn biɑnŋ nbɑ k i tien yɑdɑ k tuun tuonɑ, nɑn i lonm nbɑ te k i tuun lin nbɑ nɑn biɑnŋ nbɑ k i dindɑnn cie nɑn t Yonmdɑɑnɔ Yiesu *Klistu.

2 Tesɑɑluoniiktieb 1:11

L pɑɑk e k t mei Yennu yuo kul k tien’i. T mei’ɔ, ɑ wun te k yin jɑnŋ nɑn binbenŋ nbɑ k u yiin’i, ɑ i be lenŋ nɑ ni e. T mei’ɔ, ɑ wun jii u yiikuo k te k yii tuun tuonŋɑnɑ kul nbɑ k i luon, ɑ yii tuun nɑ, k gbenn tuonɑ kul nbɑ k i tuun i yɑdɑ pɑɑk nɑ.

2 Tesɑɑluoniiktieb 3:4

Yonmdɑɑnɔ pɑɑk, k t mi nɑn i tuun tɑɑ din yet’i lin nbɑ nɑ, kii biɑ sii tuun nnɑ yuo kul ɑ.

Fiilemɔn 1:21

Mɑɑ dɑ kɑdɑɑɔk mɑnŋ k tien’ɑ nɑ, n k mɔk bilsuk nɑn ɑ sɑɑ sɑk tun k lin gɑl mɑɑ bɑln’mɑ lin nbɑ nɑ kul nɑ.

Hebluonbɑ 10:35

L pɑɑk, i dɑɑ nyikt l dindɑnn, k mɑɑn l bɑɑt nɑn nyɔciɑɔnŋ o.

Hebluonbɑ 12:2

Ŋɑɑnt k tin kpɑn kpɑɑ t ninbinɑ Yiesu pɑɑk. Ŋuɑ e k t yɑdɑ gɑɑ u pɑɑk l pinpiik ni wɑɑ nɑn l juontu ni nɑ. U din dii fɑlɑ dɑpunpunn pɑɑk nɑn suklu k k tin fei, k mɑɑn u din mi pɑlpienn nbɑ guu’u nɑ po, k mɔtɑɑnɑ u ji kɑl Yennu nɑɑngbounŋ nɑ niidiitu po. Nɑ din k te k u nyik u yɑblu, k mɑɑn pɑlpienn nbɑ din bɑɑt u pɑɑk nɑ pɑɑk, u din k dukn k l mɔk’ɔ fei nɑn wun kpo l dɑpunpunn pɑɑk, ŋɑnn e te k u ji kɑl Yennu nɑɑngbounŋ pɑɑk u niidiitu po mɔtɑɑnɑ.

1 Piɑl 5:10

I fɑlɑ nɑ dinu kɑn wei, k Yennu nbɑ tin’i ninbɑɑɔk k biɑ yiin’i ɑ yin lɑ dontl nbɑ kɑɑ gbennu Klistu ni nɑ, sɑɑ ŋɑnm i binbenŋ, k cie i yɑdɑ, k pukn’i pɑnŋ, k senn’i fiɑkl nbɑ wɑki nɑ pɑɑk.

2 Piɑl 3:10

Ŋɑɑn Yonmdɑɑnɔ dɑɑl mɑnŋ bɑɑlu tɑn sii tie nɑn nɑn-yukɔ bɑɑlu nɑ e. L dɑɑl mɑnŋ, k sɑnpɑɑk sɑɑ bot nɑn fujɑɑnn, k muu nbɑ di bonciɑnn tɑn sɑɑ di sɑnpɑɑpo bonsiɑl kul, k tingbounŋ nɑ nɑn bonsiɑl kul nbɑ be lenŋ tɑn sɑɑ di muu e k gbenn.