Fiiliiptieb 1:5 - Yiesu Lɑbɑmɑnn Muɑl Ni

⁵ k mɑɑn yɑɑ sonmt’n biɑnŋ nbɑ lɑbɑmɑnn tuonɑ mɑnŋ pinpiik ni wɑɑ nɑn mɔtɑɑnɑ nɑ pɑɑk.

Fiiliiptieb 1:5 Iomraidhean Croise

Tuonɑ 2:42

K b ŋɑnmt k lek tumi k bɑnt tuomiinbɑ mɑnŋ wɑnnu, k jii b yuo k tɑɑn diɑ lieb nɑn mɔtɑɑɔk, k lɑknt k centl pɑɑnu, k biɑ tiki mei Yennu

Luonmtieb 11:17

Suifnbɑ nɑ tie nɑn ŋɑɑk ni tiik nbɑ k b yi oliifie nbɑ ŋɑn nɑ e, k b kɔnn tiik nɑ yiinsiɑ. Fin nbɑ k tie Suif nɑ, ɑ tie nɑn muuk ni oliifie yiinu nɑ e k b tukn’ɑ b yiɑl ni ŋɑɑk ni oliifie pɑɑk, k mɔtɑɑnɑ ɑ gɑɑn bonŋɑnn nbɑ nyi ŋɑɑk ni oliifie nɑ jiinɑ nɑ ni e.

Luonmtieb 12:13

Pɑɑtl mɑn lin nbɑ k i mɔk nɑ k tul Yennu niib nbɑ k mɔk, kii gɑɑn sɑɑnm kii cɑntl’b i ŋei ni.

Luonmtieb 15:26

k mɑɑn Yiesuweilɑ nbɑ be Mɑɑseduɑnn nɑn Akɑɑyi tini ni nɑ, lol ɑ bin lɑkn likli k tul Yennu niib nbɑ tie nɑndɑnm k be Selusɑɑlenm nɑ.

1 Kuolent-tieb 1:9

Yennu i yɑɑ u sɑɑ tun lin nbɑ, u tuun ŋɑnn e. Ŋuɑ e yiin’i ɑ yinm nɑn u Bijɑ t Yonmdɑɑnɔ Yiesu Klistu i mɔk mɔtɑɑɔk nɑn lieb.

2 Kuolent-tieb 8:1

T nɑɑ wɑɑs, t luon k i bɑnn lin nbɑ k Yennu ninkpɑbɑɔnŋ tun *Klistu mɔtɑɑɔk niib nbɑ be Mɑɑseduɑnn nɑ sinsuuk ni nɑ po e.

Efestieb 3:6

U wuol ni lɑbɑɑl tie nɑ e: lɑbɑmɑnn pɑɑk e k bin nbɑ k tie Suifnbɑ nɑn Suifnbɑ nɑ ji fit tɑɑn lɑ bonŋɑnɑ nbɑ k Yennu senn k tul u niib nɑ. B bɑnle ji tɑɑn tie gbɑnɑn-yent kuɑ k mɔsonn nbɑ k Yennu din senn Yiesu Klistu ni ji tie b yɑl.

Fiiliiptieb 1:12

N nɑɑ wɑɑs, n luon k yin bɑnn nɑn lin nbɑ kul nbɑ tien’n nɑ, sonm lɑbɑmɑnn mɑnŋ ɑ lin sɑɑn tuɑnn e nɑn bɑlmɔni.

Fiiliiptieb 1:16

Bin nbɑ tuun nɑn lonm nɑ, b mi nɑn Yennu lukt’n ɑ n wɑnn nɑn lɑbɑmɑnn tie bɑlmɔni e.

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Fiiliiptieb 1:7

Mi i duki i po nnɑ, l ŋɑn, k mɑɑn n yɑn be i ni, yinm nbɑ k Yennu tin’i ninbɑɑɔk nɑn wɑɑ tin’n biɑnŋ nbɑ, mɑɑ dɑɑn yen n mɔnŋ k gbɑɑ lɑbɑmɑnn mɑnŋ pɑɑk, ɑ n senn’l nɑ wɑɑ, k tɑn bɑɑl yuo nbɑ k n ji be dɑnsɑlk ni nɑ.

Fiiliiptieb 2:12

N yɔnimɔni, mɑɑ din be i buol ni k i din sɑk n mɔb yuo kul nɑ, k mi i lek i kɑɑ i buol ni, l biɑ kpɑɑ tɑlɑs k yin sɑk n mɔb. I yɑbl k tont i fielu tuonn nɑn yentinu nɑn gbɑnɑnjijekt mɑn.

Fiiliiptieb 2:22

I mɔnŋ mi wɑɑ tun biɑnŋ nbɑ k wɑnn u kotl biɑnŋ nbɑ nɑ, k i biɑ mi nɑn u din tuun nɑn’n nɑn bik nbɑ tuun nɑn u bɑɑ biɑnŋ nbɑ nɑ lɑbɑmɑnn tuonɑ nɑ ni.

Fiiliiptieb 4:3

K fin nbɑ mun tie n wei-nɑn-luɑ nɑn bɑlmɔni, n luon k fin sonm puob bɑnle mɑnŋ, k mɑɑn ŋɑnm nɑn Klemɑn nɑn bin nbɑ kul tie n tuontunlieb k b sɑnɑ be mɑnfuol kɑdɑɑɔk ni nɑ din lɑkn tun nɑn’n bonciɑnn lɑbɑmɑnn mɑnŋ muɑntu ni.

Fiilemɔn 1:17

L pɑɑk, l i tie k ɑ duki ɑ n tie ɑ yuɑk i e, fɑn gɑɑl’ɔ nɑn fɑɑ bo sɑɑ gɑɑl’n biɑnŋ nbɑ nɑ.

Hebluonbɑ 3:14

K mɑɑn t tie Klistu tɔk-nɑn-lieb e, l i tie k t duu u pɑɑk nɑn tɑɑ din duu u pɑɑk sinsinn biɑnŋ nbɑ nɑ.

2 Piɑl 1:1

Min Siimɔn Piɑl, wun nbɑ tie Yiesu *Klistu tuontunnɔ nɑn u *tuomi nɑ e dɑ kɑdɑɑɔk nɑ k tien bin nbɑ lɑ yɑdɑ Yennu nbɑ tuun lin nbɑ ŋɑn nɑn t Fietuɑ Yiesu Klistu nɑ buol nɑ, k b yɑdɑ mɑnŋ mun ŋɑn k tul Yennu nɑn t yɑl nbɑ ŋɑn bɑnnu nbɑ nɑ.

1 Sɑn 1:3

Lin nbɑ k t lɑ k biɑ gbɑt nɑ, t mun muɑntl k tien’i, ɑ yin ji fit tɑɑn nɑn’t mɔtɑɑɔk ni. Bɑlmɔni e setk, t mɔtɑɑɔk ni, t tɑɑnt nɑn Bɑɑ Yennu nɑn u Bijɑ Yiesu *Klistu.

1 Sɑn 1:7

Ŋɑɑn l i tie k t wɑɑ yentu sɔnu yuo kul, nɑn Yennu nbɑ be yentu ni biɑnŋ nbɑ nɑ, ŋɑnn t mɔk mɔtɑɑɔk nɑn t lieb, k u Bijɑ Yiesu sɔn e wu t pɑlɑ ni k t ji k mɔk biit.