Fiiliiptieb 1:27 - Yiesu Lɑbɑmɑnn Muɑl Ni

²⁷ Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Fiiliiptieb 1:27 Iomraidhean Croise

Mɑɑtieo 12:25

Yiesu nbɑ din bɑnn bɑɑ duki lin nbɑ nɑ, k u yet’b ɑ: «Nɑɑn niib i ŋmɑt kɔn k tuokt b lieb, b nɑɑn mɑnŋ sɑɑ biil ɑ. K doyenu kuɑ niib ɑmi ŋɑyenŋ kuɑ niib i ŋmɑt kɔn nɑn lieb, l kɑn set.

Tuonɑ 2:46

Dɑɑl kul b biɑ lek tuu tɑɑn lieb e Yennu jɑɑnti ŋɑsɑɑkɑk ni, k b lɑknt bɑɑ jedikpɑguul b mɔnŋ ŋei ni, k sɑɑ di jiet nɑn lieb nɑn pɑlpienn, k ninfɔksɑi kɑɑ nɑn b lieb.

Tuonɑ 24:24

Ŋɑnn e k dɑɑ ŋɑnŋɑ nnɑ tɑn gɑl, k Feliiks tɑn bɑɑl u buut buol nɑn u ŋɑɑpuo Dlusiil, k u tie Suif, k Feliiks te k b yiin Pɔul k bɑɑl nɑn’ɔ. K ŋuɑ Feliiks gbiintl, k Pɔul piɑk biɑnŋ nbɑ k nilɔ sɑɑ tien Yiesu *Klistu yɑdɑ.

Tuonɑ 4:32

L yuo nɑ k Yiesuweilɑ mɑnŋ kul ɑ tɑɑn lieb nɑn dudukyent kuukuɑ. B suɑ din k yɑɑ ɑ u yen siɑl u mɔnŋ, ŋɑɑn b din centl b bonɑ k tien b lieb e.

Luonmtieb 1:16

Fei k mɔk’n nɑn k n muɑnt lɑbɑmɑnn mɑnŋ, k mɑɑn l tie Yennu yiikuo nbɑ fiel wun nbɑ kul tien yɑdɑ nɑ e. Sinsinn l tie *Suifnbɑ yɑl e, k mun biɑ tie bin nbɑ k tie Suifnbɑ nɑ kul yɑl.

Luonmtieb 1:5

Ŋuɑ pɑɑk e k Yennu ninbɑtinu be t pɑɑk k te k t tie u tuomiinbɑ ɑ tin jii u sɑnn k sɑɑn nibuolu kul buol ni, k te k bii sɑɑk u mɔb kii tie’u yɑdɑ,

Luonmtieb 1:9

N wɑɑ Yennu nɑn n pɑl kul, k muɑntl u Bijɑ lɑbɑmɑnn nɑ. Ŋuɑ e tie n siɑlɑɑdɑɑnɔ k mi nɑn yuo kul n duki i kul ɑ po,

Luonmtieb 10:8

Yennu yet ɑ bee? L yet ɑ: «Mɑɑn nɑ kpiɑ’ɑ. L be ɑ mɔb ni nɑn ɑ pɑl ni.» Lɑbɑmɑnn mɑnŋ tie yɑdɑ lɑbɑɑl nbɑ k t muɑntl nɑ.

Luonmtieb 15:16

k te k n tie Yiesu Klistu tuontunnɔ, k tul bin nbɑ k tie Suifnbɑ nɑ. Mɑɑ muɑntl Yennu lɑbɑmɑnn nɑ, n tuun Yennu tuonn e, ɑ bin nbɑ k tie Suif nbɑ i tie mɑnnu nbɑ pent Yennu pɑl, k Foŋɑnm ni b jɑnŋ nɑn bii tie Yennu tiɑɔnŋ niib.

Luonmtieb 15:29

N mi nɑn mi i bɑɑl i buol, n sɑɑ bɑɑl nɑn Klistu yetŋɑnm k tul’i

1 Kuolent-tieb 1:10

N nɑɑ wɑɑs, n bɑln’mi e, t Yonmdɑɑnɔ Yiesu Klistu sɑnn ni, ɑ yin tɑɑn mɔb, k bɔktu dɑɑ be i sinsuuk ni, k yii tɑɑ mɔyenm kuɑ nɑn dudukyenn kuɑ.

1 Kuolent-tieb 15:58

L pɑɑk, n nɑɑ wɑɑs, ii be mɑn nɑn pɑnŋ k dɑɑ bɑɑ i yɑdɑ ni. I jii i mɔnŋ kii tuun Yonmdɑɑnɔ tuonɑ nɑn ninmɔnn, k mɑɑn i mi nɑn tuonɑ nbɑ k i tuun k tien Yonmdɑɑnɔ nɑ, l tɑn kɑn bɑɑ yɑnn.

2 Kuolent-tieb 13:11

Mɔtɑɑnɑ lɑɑ, n nɑɑ wɑɑs, yinm nbɑ tie Klistuweilɑ nɑ, ii be mɑn pɑlmɑnn ni. Ii luon mɑn bɑnnu nbɑ sɑɑ te k i dɑɑ mɔk biit, kii cien i lieb pɑlɑ, kii biɑ kii gbiɑ i lieb mɑɑn pɑɑk. Ii be mɑn mɑnu ni, k Yennu nbɑ tie lonm nɑn mɑnu Yennu nɑ ii be nɑn’i.

2 Kuolent-tieb 4:4

k te k b k tien *Klistu yɑdɑ, k yennu nbɑ tie yenbiiuk tingbounŋ nɑ ni nɑ, te k b subni nɑ k lɑɑt. Ŋɑnn e te k b k lɑɑt yentu nbɑ nyi Yiesu lɑbɑmɑnn nɑ ni nɑ. L yentu tie Klistu *yudɑnt yentu e, ŋuɑ nbɑ tie Yennu nɑɑɔnŋ nɑ.

2 Kuolent-tieb 9:13

Yɑɑ sonmt’b bɑnnu nbɑ nɑ sɑɑ wɑnn’b yɑɑ tie nibuolu nbɑ. L pɑɑk, niib bonciɑnn sɑɑ pɑk Yennu yɑɑ gɑɑl *Klistu lɑbɑmɑnn k sɑk’l nɑ pɑɑk. B biɑ sɑɑ pɑk Yennu, i nuu nbɑ tiɑn k i centl nɑn’m nɑn niib kul yɑɑ mɔk lin nbɑ nɑ pɑɑk.

Gɑɑlɑɑt-tieb 1:7

Setk nɑn mɔni, lɑbɑmɑnliɑ kɑɑ, ŋɑɑn nisiɑb be k yɑbi b mɔnŋ pɑɑk ɑ bin ŋmɑt i dudukt, k biɑ lebt k biil Klistu lɑbɑmɑnn nɑ.

Efestieb 1:13

I mun din kpɑnt tien Klistuyɑb yuo nbɑ k i din gbɑt lɑbɑmɑnn nbɑ tie bɑlmɔni k biɑ tien’i fielu nɑ. Yɑɑ din tien Klistu yɑdɑ nɑ, k Yennu din tul’i dɔuk nbɑ tie Foŋɑnm nɑn wɑɑ din senn mɔsonn biɑnŋ nbɑ nɑ.

Efestieb 1:15

L pɑɑk, yuo nbɑ k n din gbɑt i yɑdɑ nɑn Yonmdɑɑnɔ Yiesu po nɑ, nɑn yɑɑ luon Yennu niib biɑnŋ nbɑ nɑ po mɔkmɔk nɑn dinnɑ,

Efestieb 4:1

Min nbɑ be dɑnsɑlk tuonɑ nbɑ k n tuun k tien Yonmdɑɑnɔ pɑɑk, n bɑln’mi e ɑ i ŋɑɑn k i binbenŋ i tie fɑnu nɑn Yennu nbɑ din luon k lii tie biɑnŋ nbɑ nɑ yuo nbɑ k u din yiin’i nɑ.

Fiiliiptieb 1:5

k mɑɑn yɑɑ sonmt’n biɑnŋ nbɑ lɑbɑmɑnn tuonɑ mɑnŋ pinpiik ni wɑɑ nɑn mɔtɑɑnɑ nɑ pɑɑk.

Fiiliiptieb 2:12

N yɔnimɔni, mɑɑ din be i buol ni k i din sɑk n mɔb yuo kul nɑ, k mi i lek i kɑɑ i buol ni, l biɑ kpɑɑ tɑlɑs k yin sɑk n mɔb. I yɑbl k tont i fielu tuonn nɑn yentinu nɑn gbɑnɑnjijekt mɑn.

Fiiliiptieb 2:24

Yonmdɑɑnɔ pɑɑk, n mɔk yɑdɑ nɑn l ji kɑn wei k n mɔnŋ sɑɑ bɑɑl i buol ni.

Fiiliiptieb 3:18

N ponŋ din yet’i lin nbɑ nɑ po nɑn tɑɑl munŋɑ nɑ yuo nbɑ gɑl nɑ wɑɑ, ŋɑɑn n biɑ ŋɑnmt yien’i e mɔtɑɑnɑ nɑn nyin-nyuut, nisiɑb be k b binbenŋ jii’b tien’m Klistu dɑpunpunn pɑɑk kuun nɑ dɑtɑi e.

Fiiliiptieb 3:20

Ŋɑɑn tinm ŋɑnin tie *Yendɔunŋ ni wɑɑs e, k jekl k guu t Fietuɑ, wun nbɑ tie Yonmdɑɑnɔ Yiesu Klistu, ɑ wun nyi Yendɔunŋ ni bɑɑl.

Fiiliiptieb 4:1

L pɑɑk, n nɑɑ wɑɑs, yinm nbɑ k n luon’i, k luon k n lɑ’i nɑ, yinm e te k n mɔk pɑlpienn nɑn yugontl. N nɑɑ wɑlonkɑi, setl fɑnu mɑn Yennu sɔnu ni, Yonmdɑɑnɔ tuɑnn.

Kuoluostieb 1:10

Nnɑ e k i sɑɑ fit kii be binbenŋ nbɑ k Yonmdɑɑnɔ luon. Ii tuun mɑn yuo kul lin nbɑ ŋɑn u po, kii tuun tuonŋɑnɑ buolu buolu kul. I i tuun nnɑ i tɑn sɑɑ ŋɑnm bɑnn Yennu fɑnu wɑɑ.

Kuoluostieb 1:4

K mɑɑn t gbɑt yɑɑ tien Yiesu Klistu yɑdɑ biɑnŋ nbɑ nɑ wɑɑ. T biɑ gbɑt yɑɑ luon Yennu niib biɑnŋ nbɑ wɑɑ.

1 Tesɑɑluoniiktieb 3:6

Mɔtɑɑnɑ Tiimuote ponŋ jen ɑ, k tul’t lɑbɑɑl nbɑ penn t pɑlɑ ni k jikt sɑɑ i yɑdɑ nɑn i lonm po. U yet’t ɑ i kpɑn tun tiɑn t po e fɑnu, k luon yin lɑ’t nɑn tɑɑ luon tin lɑ’i biɑnŋ nbɑ nɑ.

1 Tesɑɑluoniiktieb 4:1

Tɔn, t nɑɑ wɑɑs, i din tumi t penŋ biɑnŋ nbɑ k i sii tuun k pent Yennu pɑl ni, k nnɑ e k i ji tuun. Mɔtɑɑnɑ, t bɑln’mi e k kpɑɑn’i Yonmdɑɑnɔ Yiesu sɑnn ni, ɑ ii ŋɑnmt kii tuun nnɑ mɑn,

1 Tiimuote 1:11

Bɑlmɔni wɑnnu mɑnŋ nyii Klistu lɑbɑmɑnn nbɑ k Yennu din tul’n ɑ n muɑnt nɑ ni e, lɑbɑmɑnn mɑnŋ piɑk Yennu nbɑ ŋɑn nɑn dontl kul, k tie wun nbɑ tul’t bonŋɑnɑ kul nɑ po.

1 Tiimuote 1:19

kii diɑ ɑ yɑdɑ nɑn tuntŋɑnn nbɑ k suɑ k fit tɑɑl’ɑ l pɑɑk. Nisiɑb yet lin nbɑ nɑ, k ŋɑɑn k b yɑdɑ biil.

2 Tiimuote 4:7

N gbɑɑ gbigbɑɑŋɑnɑ wɑɑ. N tin n nɑntɑɑl nɑ k gbenn ɑ. N lek diɑ bɑlmɔni wɑnnu.

Tiit 2:10

k dɑɑ jɑɑn b siɑl, ŋɑɑn kii tie dɑnm nbɑ sɑɑk b yonmdɑnm mɔi yuo kul k ŋɑn e sɑɑ te k niib n tul wɑnnu nbɑ piɑk t Fietuɑ Yennu po nɑ bɑɑkl.

Fiilemɔn 1:5

k mɑɑn n ponŋ gbiɑ fɑɑ tien Yonmdɑɑnɔ Yiesu yɑdɑ k luon u yɑb kul biɑnŋ nbɑ.

Sɑɑk 3:18

Bin nbɑ tie mɑnu dɑnm nɑ tuu bul mɑnu e niib sinsuuk ni, k tɑn jɑɑn binbenŋɑnŋ nbɑ gbuot Yennu nunm.

2 Piɑl 3:11

K bont nɑ kul nbɑ tɑn sɑɑ di muu nnɑ nɑ, i dukn suɑ l ŋɑn k yii tie nibuol bee mɑn i? L ŋɑn k yii be binbenŋ nbɑ gbuot Yennu nunm kii biɑ kii tiin’ɔ,

2 Piɑl 3:14

N yuɑsnbɑ, yɑɑ guu bonɑ mɑnŋ nɑ pɑɑk, i yɑbl i mɔnŋ pɑɑk kii be binbenŋ nbɑ k Yennu luon, k dɑɑ mɔk biit u buol, k mɑnu i be yinm nɑn ŋuɑ sinsuuk ni.

Suud 1:3

N yuɑsnbɑ, n ninbinn dɑɑn mɔn nɑn k n diɑn kɑdɑɑɔk k tul’i k sɑɑn gɑɑn fielu nbɑ tie t kul yɑl nɑ po. Ŋɑɑn mɔtɑɑnɑ l ji kpɑɑ tɑlɑs k n diɑn k cie i pɑlɑ. I yɑbl i mɔnŋ kii diɑ yɑdɑ nbɑ k Yennu din tul u niib kul tɑɑl yonm kuɑ nɑ.