Fiiliiptieb 1:20 - Yiesu Lɑbɑmɑnn Muɑl Ni

²⁰ N pɑl ni lonm nɑn n dindɑnn tie k n dɑɑ dint n mɔnŋ fei e, ŋɑɑn n sii mɔk pɑlcienn mɔtɑɑnɑ nɑn lɑɑ tuu tie bɑnnu nbɑ nɑ, k mi i lek i kpo ɑmi mɑɑ be, ŋɑɑn n binbenŋ kul sɑɑ dont Klistu sɑnn.

Fiiliiptieb 1:20 Iomraidhean Croise

Lɑbɑmɑnn nbɑ k Sɑn diɑn 21:19

Yiesu nbɑ yet lin nbɑ mɑnŋ, l din wɑnt biɑnŋ nbɑ k Piɑl tɑn sɑɑ kpo k te k Yennu sɑnn n lɑ dontl. L puolpo k Yiesu yet’ɔ ɑ: «Ii wɑɑ’n.»

Tuonɑ 20:24

Ŋɑɑn n k yi n mɑnfuol k l tie siɑl, k mɑɑn min ŋɑnin luon k n tun tuonɑ nbɑ k Yonmdɑɑnɔ Yiesu tul’n nɑ e k gbenn k l tuonɑ tie k mii muɑntl lɑbɑmɑnn nbɑ wɑnt Yennu ninkpɑbɑɔnŋ po e.

Tuonɑ 21:13

Ŋɑɑn k u ji din jiin ɑ: «Bee tien k i mɔ k luon k i biil n pɑl i? N k tien siil nɑn bɑɑ sɑɑ lol’n Selusɑɑlenm nɑ pɑɑk kuukuɑ kɑɑ, ŋɑɑn n ponŋ tien siil nɑn k n kpo Yonmdɑɑnɔ Yiesu sɑnn pɑɑk.»

Tuonɑ 4:31

K bin nbɑ tien Yiesu yɑdɑ nɑ nbɑ gbenn Yenmiɑlu nɑ yuo nbɑ, k siɑn nbɑ po k b tikl nɑ ji jek, k b kul ɑ gbie nɑn Foŋɑnm, k ji piin piɑk Yennu mɑɑn nɑn pɑlcienn.

Luonmtieb 12:1

L pɑɑk, n nɑɑ wɑɑs, Yennu ninbɑtinu pɑɑk e te k n boi’i ɑ yin jii i gbɑnɑnt k tul’ɔ, k lii tie mɑnnu nbɑ fo, kii wɑɑ ŋuɑ kuukuɑ, k l sɑɑ mɑnŋ’ɔ. Ŋɑnn e tie Yenjiɑntu nɑn bɑlmɔni.

Luonmtieb 5:5

k dindɑnn mɑnŋ ni t tɑn kɑn di fei, k mɑɑn Yennu jii lonm nbɑ k u mɔk nɑ k tien t pɑlɑ ni, Foŋɑnm nbɑ k u tul’t nɑ ni.

Luonmtieb 6:13

Dɑɑ cɑbt biit k l mɔk i gbɑnɑnt yɑɑk k tuun nɑn’n bonbiil, ŋɑɑn jiin i mɔnŋ k tul Yennu, ŋɑɑn kii tie nɑn i nyii kuun ni e k kuɑ mɑnfuol ni nɑ. Jiin i gbɑnɑnt kul k tul Yennu ɑ lii tuun lin nbɑ tuok.

Luonmtieb 6:19

Yinm nisɑɑli nbɑ k fit bɑnt Yennu mɑɑn yiɑn nɑ pɑɑk e k n yɑɑ n pɑk nisɑɑlk yɑn k wɑnn’i u lɑbɑɑl. Yɑɑ din jii i mɔnŋ k tien biit dɑɑbɑ k l nɔb nɑ, mɔtɑɑnɑ jiin mɑn i mɔnŋ kii tuun yentinu tuonɑ kii tie niŋɑnm.

Luonmtieb 8:19

*Dulnyɑ bonɑ kul nbɑ k Yennu nɑn nɑ, guu nɑn ninmɔnn e nɑn yuo nbɑ k Yennu tɑn sɑɑ nyinn u wɑɑs yienin ni,

Luonmtieb 9:33

tɑnn nbɑ k b diɑn l po Yennu lolkpel kɑdɑɑɔk ni ɑ: «Gotl, min Yennu bil tɑnn *Siiɔn duo ni, lin nbɑ sɑɑ te k niib n gbiɑt k bɑɑ. L tie tɑnjɑgbounŋ o, k b sɑɑ bilnt l pɑɑk k bɑɑ, ŋɑɑn wun nbɑ tien’ɔ yɑdɑ, u kɑn di fei.»

1 Kuolent-tieb 15:31

N nɑɑ wɑɑs, n tuokt kuun dɑɑl kul. Yudɑnt nbɑ k n mɔk nɑ, tɑɑ be nɑn t Yonmdɑɑnɔ Klistu bɑnnu nbɑ nɑ pɑɑk e te k n piɑk nnɑ.

1 Kuolent-tieb 6:20

Yennu e dɑɑ’i, k u pɑ i pɑɑk ɑ. L pɑɑk, i jii i gbɑnɑnt kii tuun lin nbɑ sii dont u sɑnn.

1 Kuolent-tieb 7:34

L pɑɑk, u niɑɔnŋ bɔkt munle e. Puokɑlɑnkɑɑnn ɑmi sɑpɑɑmɔ bɑkɑ mun be Yonmdɑɑnɔ tuonɑ ni e nɑn wɑɑ sɑɑ tien biɑnŋ nbɑ k u gbɑnɑnt nɑn u siek ii tɑnŋ ii tie Yennu yɑl fɑnu, ŋɑɑn puo nbɑ kun juɑ ŋɑnin bɑkɑ be tingbounŋ nɑ bonɑ ni e, k u goli wɑɑ sɑɑ tun lin nbɑ k penn u sɔlɔ pɑl.

2 Kuolent-tieb 10:8

Fei k mɔk’n, l i tie k n fuɑ bɑlɑ k l yɑb, yiikuo nbɑ k Yonmdɑɑnɔ tul’t nɑ pɑɑk. U din tul’t yiikuo nɑ ɑ tin sonm’i k dɑɑ biil’i ni.

2 Kuolent-tieb 3:12

Tɑɑ mɔk dindɑnn mɑnŋ nbɑ nɑ pɑɑk e te k t mɔk pɑlcienn.

2 Kuolent-tieb 4:10

Yiesu kuun nɑ be t gbɑnɑnt ni yuo kul, ɑ lin te k u mɑnfuol nɑ n mun nyi pɑɑnu t gbɑnɑnt ni.

2 Kuolent-tieb 5:15

Ŋuɑ e din gɑɑl suɑ kul pɑɑk k kpo, ɑ bin nbɑ fo nɑ, b dɑɑ be k tien b mɔnŋ kɑɑ, ŋɑɑn k bii be k tul wun nbɑ din gɑɑl b pɑɑk k kpo k biɑ fiil kuun ni nɑ e.

2 Kuolent-tieb 7:14

U buol ni, n din yet nɑn n mɔk pɑlpienn i pɑɑk, ŋɑɑn l k mɔk’n fei. T tun k piɑk’i bɑlmɔni e, k lin nbɑ wɑnt e nɑ: n mɔk mɔni nɑn mii fɑɑ pɑlbiil i pɑɑk Tiit buol.

2 Kuolent-tieb 7:4

N k mɔk bilsuk i pɑɑk. N mɔk yugontl nɑn’i. T fɑldinu kul ni, n mɔk pɑlcienn yuo kul k n pɑl biɑ pien bonciɑnn.

Fiiliiptieb 1:14

N sɑlk ni benu nɑ tul t nɑɑ wɑɑs bonciɑnn yugontl Yonmdɑɑnɔ sɔnu ni, k l puki yuo kul, k b muɑntl Yennu mɑɑn nɑn pɑlcienn, k jɑŋmɑɑni ji kɑɑ.

Fiiliiptieb 2:17

L i tie k n yit n mɑnfuol sɑlk k pukn fɑlɑ nbɑ k n ponŋ dii k l nɑɑn *mɑlunŋ nɑ, nɑn tuonɑ nbɑ k n tuun pɑɑnu ni ɑ yin tien yɑdɑ, n pɑl bo sii pien k n biɑ sii mɔk pɑlpienn nɑn i kul ɑ.

Kuoluostieb 1:24

K mɔtɑɑnɑ n mɔk pɑlpienn fɑlɑ nbɑ k n di i pɑɑk nɑ ni, k mɑɑn mɑɑ di fɑlɑ mɑnŋ biɑnŋ nbɑ, n tontl Klistu fɑlɑ dinu nbɑ tenn u gbɑnɑnt pɑɑk nɑ e. Gbɑnɑnt mɑnŋ e tie u mɔtɑɑɔk niib nɑ.

1 Tesɑɑluoniiktieb 5:23

Yennu nbɑ tien’t mɑnu nɑ tiɑɔnŋ n te k yii tie u yɑb cɑin, kii diɑ i sei nɑn i mɑnfuol nɑn i gbɑnɑnt mun, k l dɑɑ mɔk biit t Yonmdɑɑnɔ Yiesu Klistu jenu mɑnŋ po.

1 Piɑl 4:16

Ŋɑɑn fi i di fɑlɑ fɑɑ tie Klistuyuɑ nɑ pɑɑk, ɑ dɑɑ tiin fei, ŋɑɑn dont Yennu, bɑɑ pul’ɑ Klistu sɑnn nɑ pɑɑk.

1 Sɑn 2:28

Tɔn, n wɑɑs, ii biɑl Klistu ni mɑn k tii mɔk pɑlcienn yuo nbɑ k u sɑɑ dɔkt t pɑɑk, k t dɑɑ di fei u buol yuo nbɑ k u tɑn sɑɑ jen nɑ.