Fiiliiptieb 1:15 - Yiesu Lɑbɑmɑnn Muɑl Ni

¹⁵ Siɑb muɑntl Klistu mɑɑn mɑnŋ k mɑɑn b tie punpondɑnm nɑn kunkɔnkɔnnɑ e, ŋɑɑn k siɑb mun muɑntl nɑn b pɑlɑ ni nɑn bɑlmɔni lonm.

Fiiliiptieb 1:15 Iomraidhean Croise

Mɑɑtieo 23:5

Lin nbɑ kul k b tuun nɑ, b tuun ɑ niib n lɑ’b e. B tuu nyinn Yennu lolkpel kɑdɑɑɔk ni kinkɑlnboyennɑ e, k diɑn, k tien tien kunkoni ni, k lol lol b yulɑ nɑn b kpinkpɑnt pɑɑk. B biɑ tuu te k bin nyɑl b liɑtbɑɑnt mɔgbɑnɑ nɑn l kpinkpɑnt k l fɔk fɔk, k biɑ yɑln yɑln e.

Tuonɑ 10:36

I mi nɑn Yennu din tul Islɑɑeltieb u mɑɑn nbɑ wɑnt lɑbɑmɑnn nɑ po, ɑ Yiesu *Klistu ni e k tinm nɑn Yennu mɑnŋ nɑn lieb. Ŋuɑ Yiesu Klistu e tie t kul Yonmdɑɑnɔ.

Tuonɑ 11:20

Ŋɑɑn Yiesuweilɑ siɑb nbɑ din tie Siipltieb, nɑn Siilenntieb nɑ, sɑɑn Antiɑɔs, k sɑɑ muɑntl Yonmdɑɑnɔ Yiesu lɑbɑmɑnn k tien bin nbɑ k tie Suifnbɑ,

Tuonɑ 5:42

K dɑɑl kul k b sɑɑ Yennu jɑɑnti ŋɑsɑɑkɑk ni, ŋɑɑn biɑ lin niib ŋei ni, k wɑnt niib ɑ Yiesu tie *Klistu e k biɑ muɑntl u lɑbɑmɑnn nɑ, k k nyikt.

Tuonɑ 8:35

K Fiiliip piin siɑn nbɑ k kɑlɑcijɑɑnn mɑnŋ lii nɑ k sɑɑ, k piɑk Yiesu lɑbɑmɑnn.

Tuonɑ 8:5

k Fiiliip nyii k sik Sɑɑmɑɑli tinŋ digbɑnsɑɑkɑl ni, k sɑɑ muɑnt Klistu po k tul lenŋ niib.

Tuonɑ 9:20

k din sɑɑn yiɑn ɑ, Suifnbɑ jɑɑnti diet ni, k muɑntl Yiesu po, ɑ Yiesu kpɑn set tie Yennu Bijɑ e.

Luonmtieb 2:8

Ŋɑɑn bin nbɑ mɔk kunkɔnɑ, k k sɑk lin nbɑ tie bɑlmɔni nɑ, ŋɑɑn wɑɑ bonbiil sɔnu, ŋɑnm e k Yennu wutuol sɑɑ do b pɑɑk k wun bu b buut.

1 Kuolent-tieb 1:23

ŋɑɑn tinm ŋɑnin muɑntl k wɑnt’b ɑ Klistu din kpo dɑpunpunn pɑɑk e, k mɑɑn mɑnŋ mɔk fei Suifnbɑ nunm ni, k biɑ tie jɑtmɑɑn k tien bin nbɑ k tie Suifnbɑ.

1 Kuolent-tieb 13:3

Mi i jii n mɔktuk kul k tul nɑndɑnm, k lek jii n gbɑnɑnt cɑb k b juo muu gbɑɑ, ŋɑɑn k k mɔk lonm, n k mɔk nyuɑt.

2 Kuolent-tieb 1:19

K mɑɑn Yiesu Klistu nbɑ tie Yennu Bijɑ nɑ, wun nbɑ k min nɑn Siilɑɑs nɑn Tiimuote din muɑnt u po k tul’i nɑ, u k tie: «Nnn» nɑn: «Aɑi» kɑɑ, ŋɑɑn u tie Yennu «Nnn» e.

2 Kuolent-tieb 11:13

L nibuolu tie fɑɑk tuomiinbɑ e, k kpɑnn’i b tuonɑ ni, k nɑnt b mɔnŋ nɑn Klistu tuomiinbɑ ŋɑɑn b k tie u tuomiinbɑ kɑɑ.

2 Kuolent-tieb 12:20

N yɑn put i pɑɑk e nɑn mɑɑ tɑn sɑɑ bɑɑl i buol ni k kɑn lɑ’i k i be nɑn mɑɑ luon yii be biɑnŋ nbɑ nɑ, k i mun kɑn lɑ’n k n be nɑn yɑɑ luon mii be biɑnŋ nbɑ nɑ. N mɔk jijiet nɑn n sɑɑ lɑ’i k i kɔn nɑn i lieb, k mɔk *funfunn nɑn i lieb, k dont wutuol i lieb pɑɑk, k mɔk nɑɑniɑɔk nɑn lieb, k suki i lieb, k biil i lieb, k mɔk jɑpɑɑt k tie kɑlnbɑɑni k tie kpilkpil.

2 Kuolent-tieb 4:5

T k muɑntl t mɔnŋ mɔnŋ po kɑɑ, ŋɑɑn t muɑntl Yiesu Klistu po e, ɑ ŋuɑ e tie Yonmdɑɑnɔ nɑ, ŋɑɑn wɑnt nɑn tinm e tie u tuontunnɑ k tien’i Yiesu pɑɑk.

Gɑɑlɑɑt-tieb 2:4

L mɑɑn din kɑn bɑɑl, ŋɑɑn nisiɑb nbɑ fɑ fɑɑk b mɔnŋ pɑɑk, ɑ b mun tie Klistuweilɑ nɑ din kuɑ t sinsuuk ni wuol ni, ɑ bin piki k bɑnn tɑɑ mɔk yent-n-mɔnŋ Yiesu *Klistu ni biɑnŋ nbɑ k biɑ luon tii tie Muois *senni dɑɑbɑ nɑ.

Fiiliiptieb 2:3

I dɑɑ tuun bonsiɑl k l nyi *funfunn nɑn kɑlnbɑɑni ni, ŋɑɑn ii mɔk sikn-n-mɔnŋ nɑn i lieb, kii duki i lieb po k gɑl yɑɑ duki i mɔnŋ po biɑnŋ nbɑ.

1 Tiimuote 3:16

Nn, l tie mɔni e, bɑktnɔunŋ minu nbɑ k yɑdɑ tien tinm nɑ yɑb: Klistu din bɑɑl k tie nisɑɑlk e, k tie bɑlmɔndɑɑnɔ, Foŋɑnm e din wɑnn nnɑ. Mɑlɑkɑɑnbɑ din lɑ’u wɑɑ, k niib din muɑnt u lɑbɑɑl k tul nibuolu kul, k b tien’ɔ yɑdɑ tingbounŋ nɑ ni, k **Yendɔunŋ ni k Yennu tul’ɔ *yudɑnt.