Efestieb 5:6 - Yiesu Lɑbɑmɑnn Muɑl Ni

⁶ I dɑɑ te k suɑ n jii jɑt-wɑnnu k kpɑnn’i ni, k mɑɑn l tuonbiit tumu pɑɑk e te k Yennu wutuol bɑɑt mɔyetdɑnm pɑɑk.

Efestieb 5:6 Iomraidhean Croise

Mɑɑtieo 24:24

k mɑɑn l yuo mɑnŋ, fɑɑk Klistunbɑ nɑn fɑɑk sɔkniinbɑ tɑn sɑɑ nyi k tuun nyinɑ nɑn bɑktnɔunŋ tuonjɑɑnɑ ɑ bin kpɑnn niib. K l i tɑnŋ i fit, b tɑn sɑɑ kpɑnn Yennu nigɑnnkɑb tiɑɔnŋ ɑ.

Mɑɑtieo 24:4

K u jiin k yet’b ɑ: «Ii mi mɑn k suɑ n tɑn kpɑnn’i,

Mɑɑlk 13:22

k mɑɑn fɑɑk Klistunbɑ nɑn fɑɑk sɔkniinbɑ tɑn sɑɑ bɑɑl k tuun nyinɑ nɑn bɑktnɔunŋ tuonɑ, ɑ bin kpɑnn Yennu nigɑnnkɑb, l i bo i sɑɑ fit.

Mɑɑlk 13:5

K u yet’b ɑ: «Ii cek mɑn, k dɑɑ te k suɑ n kpɑnn’i mɑn.

Luonmtieb 1:18

Yennu wɑnn nifosɑɑli ɑ u donn wutuol b pɑɑk, k mɑɑn b tuun biit k k wɑɑ u sɔnu, k b biit sɔni mɑnŋ te k niib k bɑnt u bɑlmɔni.

Kuoluostieb 2:18

I yɑbl k dɑɑ te k suɑ n bɑɑl k kpɑnn’i k fɑt i nyɑnnu nɑ: bin nbɑ mɔk fɑɑk sikn-n-mɔnŋ nɑn bin nbɑ jiɑntl mɑlɑkɑɑnbɑ, nɑn bin nbɑ duu yelnti pɑɑk nɑ. Ŋɑnm e dont b mɔnŋ nɑn nisɑɑli dudukt.

Kuoluostieb 2:4

L pɑɑk e te k n yien’i, i dɑɑ te k suɑ n jii mɔmɑnt k kpɑnn’i,

Kuoluostieb 2:8

I dɑɑ te k suɑ diɑ nisɑɑlk yɑn nɑn kpinkpɑnn-yɑnɑ k kpɑnn’i. L dudukt nyii nisɑɑli tuonɑ ni nɑn tingbounŋ nnɑ nɑlnbiit buol e. L k nyii Klistu buol ni kɑɑ,

Kuoluostieb 3:6

K mɑɑn biit nɑ buolu pɑɑk e k Yennu wutuol tɑn sɑɑ do bin nbɑ k sɑk u mɔb nɑ pɑɑk.

2 Tesɑɑluoniiktieb 2:3

I dɑɑ te k suɑ kpɑnn’i nɑn wɑɑn ɑ, k mɑɑn l dɑɑl kɑn bɑɑl sie k mɔyetuk yuo bɑɑl sinsinn, k *Klistu dɑtɑɑk nbɑ k Yennu sɑɑ biil’ɔ muu ni nɑ, n nyi pɑɑnu.

Hebluonbɑ 13:9

I dɑɑ ŋɑɑnt k wɑnnsɑɑnɑ buolu buolu n te k i bot, k i tɑn sɑɑ mɑnn tut sɔnŋɑnu mɑnŋ. L ŋɑn k Yennu ninbɑtinu n tul nilɔ pɑnŋ u pɑl ni. Jiet *senni weiu kɑn tul’ɔ pɑnŋ. Nisiɑb nbɑ diɑ jiet *senni nɑ k lɑɑt somsiɑl l ni.

Hebluonbɑ 3:19

Ŋɑnn t lɑ nɑn b din k fit kuɑ k mɑɑn b yɑdɑkɑɑln pɑɑk.

1 Piɑl 2:8

L biɑ diɑn ɑ: «Tɑnn mɑnŋ e k niib gbiɑtl, tɑnpiiuk mɑnŋ e lubn niib.» Bɑɑ k sɑk Yennu mɑɑn pɑɑk e k b gbiɑtl nɑn wɑɑ din senn’b biɑnŋ nbɑ nɑ.

1 Sɑn 4:1

N yuɑsnbɑ, i dɑɑ tie nisiɑb kul nbɑ yɑɑ ɑ b mɔk Foŋɑnm nɑ mɑɑn yɑdɑ, ŋɑɑn biknt’b mɑn, k got lɑɑn sei mɑnŋ nyii Yennu buol ni ɑmi siɑl buol e? K mɑɑn fɑɑk sɔkniinbɑ yɑt gbie tingbounŋ nɑ wɑɑ.