Efestieb 5:28 - Yiesu Lɑbɑmɑnn Muɑl Ni

²⁸ L ŋɑn k jɑb i luon b puob nɑn bɑɑ luon b mɔnŋ gbɑnɑnt biɑnŋ nbɑ nɑ e. Wun nbɑ luon u puo, luon u mɔnŋ e.

Efestieb 5:28 Iomraidhean Croise

Mɑɑtieo 19:5

ŋɑɑn din yet ɑ, Lin nbɑ nɑ pɑɑk e k juɑ tuu sɑɑ nyik u bɑɑ nɑn u nɑɑ, ŋɑɑn k ŋuɑ nɑn u ŋɑɑpuo n kuɑn lieb, k b niib bɑnle n tɑɑn tien gbɑnɑn-yent kuɑ.›

Efestieb 5:25

Jɑb, ii luon i puob nɑn Klistu nbɑ luon u mɔtɑɑɔk niib k gɑɑl b pɑɑk k kpo biɑnŋ nbɑ nɑ.

Efestieb 5:29

Suɑ k mi yet u mɔnŋ gbɑnɑnt, ŋɑɑn u goli u gbɑnɑnt e fɑnu k dint u mɔnŋ nɑn Klistu nbɑ tuun biɑnŋ nbɑ tien u mɔtɑɑɔk niib nɑ.

Efestieb 5:31

nɑn Yennu lolkpel kɑdɑɑɔk nbɑ yet biɑnŋ nbɑ nɑ ɑ: «Lin nbɑ nɑ pɑɑk k l ŋɑn k juɑ n nyik u bɑɑ nɑn u nɑɑ, ŋɑɑn jii u mɔnŋ k tɑɑn nɑn u ŋɑɑpuo k bin ji tien yonm.»

Efestieb 5:33

Ŋɑɑn l biɑ wɑnt yinm e ɑ l ŋɑn k juɑ kul ɑ i luon u puo nɑn wɑɑ luon u mɔnŋ biɑnŋ nbɑ nɑ, k puo kul ɑ i mun i bɑɑkt u sɔlɔ.

1 Piɑl 3:7

Puosɔlb, yinm nɑn i puob binbenŋ ni, ii diɑ i puob fɑnu kii mi nɑn b tie tɑli e i buol, kii tien’m nibɑɑkl, k mɑɑn yinm nɑn ŋɑnm kul tɑn sɑɑ gɑɑl Yennu piinŋɑnn nbɑ tie mɑnfuol. Ii tuun nnɑ mɑn k siɑl dɑɑ jeni i Yenmiɑlu.