Efestieb 5:21 - Yiesu Lɑbɑmɑnn Muɑl Ni

²¹ Yɑɑ bɑɑkt Klistu nɑ, i sikn i mɔnŋ k tul i lieb mɑn.

Efestieb 5:21 Iomraidhean Croise

1 Kuolent-tieb 16:16

ii toki nibuolu nɑ binbenŋ nɑn b tuontunlieb kul nbɑ tɑɑn b po k tuun fɑnu nɑ.

2 Kuolent-tieb 5:11

Ŋɑɑnt mɑn k tii cɔln Yennu nɑn t pɑl kul, k mɑɑn t mi l pɑɑk nbɑ tie lin nbɑ. L pɑɑk e te k t luon k niib n gbɑt l pɑɑk: Yennu mi t binbenŋ nbɑ tie biɑnŋ nbɑ, k t mun mɔk dindɑnn nɑn i mi i pɑlɑ ni t binbenŋ nbɑ tie biɑnŋ nbɑ.

2 Kuolent-tieb 7:1

N yɔnimɔni, Yennu nbɑ senn mɔsonɑ k tul’t nɑ pɑɑk, ŋɑɑnt mɑn k t nyik lin nbɑ kul bɑɑt nɑn jɑknt t gbɑnɑnt nɑn t sei ni ŋɑɑn kii tie Yennu niib cɑin kii bɑɑkt’ɔ.

Gɑɑlɑɑt-tieb 5:13

N nɑɑ wɑɑs, Yennu yiin’i ɑ yii mɔk yent-n-mɔnŋ e, ŋɑɑn i dɑɑ te k i yent-n-mɔnŋ n ŋɑɑn k i nisɑɑlk lonm n nyɑnn’i. Ŋɑɑn i ŋɑɑn k i lonm n te k i sonm i lieb mɑn.

Efestieb 5:22

Puob, i sikn i mɔnŋ k tul i sɔlb, nɑn yɑɑ sikn i mɔnŋ k tul Yonmdɑɑnɔ nɑ,

Efestieb 5:24

Ŋɑnn, l ŋɑn k puob n sikn b mɔnŋ k tul b sɔlb mɔbonɑ kul ni, nɑn Klistu mɔtɑɑɔk niib nbɑ sikn b mɔnŋ k tul’ɔ nɑ.

Fiiliiptieb 2:3

I dɑɑ tuun bonsiɑl k l nyi *funfunn nɑn kɑlnbɑɑni ni, ŋɑɑn ii mɔk sikn-n-mɔnŋ nɑn i lieb, kii duki i lieb po k gɑl yɑɑ duki i mɔnŋ po biɑnŋ nbɑ.

1 Tiimuote 2:11

Puob ii ŋmin kii gɑɑn wɑnnu nɑn cɔlnt kul ɑ.

1 Tiimuote 3:4

L kpɑɑ tɑlɑs e k wun fit kii diɑ u mɔnŋ ŋɑɑtieb fɑnu, k te k u wɑɑs n sɑk u mɔb nɑn cɔlnt.

Hebluonbɑ 13:17

Ii sɑɑk i yudɑnm mɔi k sikn i mɔnŋ k tul’b. B bɑkɑ be i benu ni, k mɑɑn b tɑn sɑɑ wɑnn Yennu b tuonɑ nbɑ k b din tuun nɑ. Ii sɑɑk b mɔi k bii fit kii tuun b tuonn nɑn pɑlpienn k pɑlbiil dɑɑ be lenŋ k mɑɑn nnɑ k mɔk nyuɑt k tul’i ni.

1 Piɑl 2:13

Yonmdɑɑnɔ pɑɑk, ii sɑɑk mɑn yiikuo-dɑnm mɔi kii sɑɑk kpɑnbɑl nbɑ mɔk yiikuo kul mɔb,

1 Piɑl 2:17

Ii tien suɑ kul nibɑɑkl, kii luon bin nbɑ tie i nɑɑ wɑɑs Klistu ni nɑ, kii tiin Yennu, kii tien kpɑnbɑl nbɑ mɔk yiikuo kul nɑ nibɑɑkl.

1 Piɑl 5:5

Nnɑ e mun, yinm nbɑ tie nɑɑsinm nɑn sɑpɑɑnm, ii sɑɑk sɑɑkɑb mɔi, k i kul ɑ n liɑ liɑtl nbɑ tie sikn-n-mɔnŋ, k mɑɑn l diɑn Yennu lolkpel kɑdɑɑɔk ni ɑ: «Yennu kɔn nɑn kɑlnbɑɑndɑnm e, ŋɑɑn goli bin nbɑ sikn b mɔnŋ nɑn bulcint.»