Efestieb 5:20 - Yiesu Lɑbɑmɑnn Muɑl Ni

²⁰ Yuo kul ii tien Bɑɑ Yennu niipuouk bonsiɑl kul pɑɑk, t Yonmdɑɑnɔ Yiesu Klistu sɑnn ni.

Efestieb 5:20 Iomraidhean Croise

Lɑbɑmɑnn nbɑ k Sɑn diɑn 15:16

Yinm kɑɑ gɑnn’n, ŋɑɑn min e gɑnn’i, k tul’i tuonɑ mɑɑ ii sɑɑ kii luon luɑnɑ bonciɑnn, luɑnɑ nbɑ sii be mɔkmɔk nɑn mɔkmɔk, ɑ n Bɑɑ Yennu n tul’i lin nbɑ k i miɑl’ɔ n sɑnn ni.

Tuonɑ 5:41

Ŋɑnn mɑnŋ e k tuomiinbɑ mɑnŋ nyii tituk kɑɑnu nɑ ni nɑn pɑlpienn, Yennu nbɑ lɑ k b jɑnŋ nɑn fei dinu, Yiesu sɑnn pɑɑk nɑ.

Luonmtieb 1:8

Sinsinn, n tien Yennu niipuouk, Yiesu Klistu sɑnn ni, i kul ɑ pɑɑk, k mɑɑn tingbounŋ nɑ tieb kul gbiɑ i yɑdɑ po.

1 Kuolent-tieb 1:4

N tien Yennu niipuouk yuo kul i pɑɑk nɑn wɑɑ tin’i ninbɑɑɔk Yiesu Klistu ni nɑ.

1 Kuolent-tieb 15:24

L puolpo k l juontu tɑn sɑɑ bɑɑl, k u tɑn sɑɑ nyɑnn nɑɑndinu kul, nɑn yent nɑn yiikuo kul, ŋɑɑn jii nɑɑn nɑ k tul u Bɑɑ Yennu.

Efestieb 5:4

L biɑ k ŋɑn k boncuncontuonɑ mɑɑn ɑmi jɑknt mɑɑn ɑmi bɑlyɑnɑ ii nyi i mɔi ni, ŋɑɑn ii tien Yennu niipuouk mɑn.

Fiiliiptieb 1:3

N tien Yennu niipuouk yuo nbɑ kul k n tuu tiɑl i po.

Fiiliiptieb 4:6

I dɑɑ biil i pɑlɑ bonsiɑl pɑɑk. Yinm i mei Yennu lin nbɑ kpɑɑ tɑlɑs tul’i pɑɑk. Ii mei Yennu, kii tien’ɔ niipuouk i pɑlɑ ni yuo kul ɑ kii yien’ɔ i lonm nbɑ tie lin nbɑ.

Kuoluostieb 3:17

Lin nbɑ kul k i tie, ii tie mɑn Yonmdɑɑnɔ Yiesu Klistu sɑnn ni. Lin nbɑ kul k i yien, ii yien mɑn Yonmdɑɑnɔ Yiesu Klistu sɑnn ni, kii tien Bɑɑ Yennu niipuouk Yiesu tuonɑ pɑɑk.

1 Tesɑɑluoniiktieb 3:9

Tɑɑ mɔk pɑlpienn Yennu tuɑnn i pɑɑk nɑ, nlee k t sɑɑ fit tul’ɔ niipuouk k lin jɑnŋ i?

1 Tesɑɑluoniiktieb 5:18

kii tien Yennu niipuouk bonsiɑl kul ni, k mɑɑn ŋɑnn e tie Yennu nbɑ luon biɑnŋ nbɑ, yɑɑ be Yiesu Klistu ni nɑ.

2 Tesɑɑluoniiktieb 1:3

T nɑɑ wɑɑs, l kpɑɑ tɑlɑs e nɑn tii tien Yennu niipuouk yuo kul i pɑɑk. T i tuun nnɑ, l ŋɑn, k mɑɑn i yɑdɑ mɑntk puki bonciɑnn, k yɑɑ mɔk lonm nbɑ k tien i lieb nɑ puki.

2 Tesɑɑluoniiktieb 2:13

T nɑɑ wɑɑs, yinm nbɑ k Yonmdɑɑnɔ luon’i nɑ, l kpɑɑ tɑlɑs k t pɑk Yennu yuo kul i pɑɑk, k mɑɑn Yennu din lukt’i pinpiik ni e wɑɑ, ɑ yin lɑ fielu Foŋɑnm nbɑ tien’i Yennu tiɑɔnŋ yɑb nɑn yɑɑ tien lɑbɑmɑnn yɑdɑ nɑ pɑɑk.

Hebluonbɑ 13:15

Ŋɑɑnt k tii dontl Yennu sɑnn yuo kul Yiesu sɑnn ni, k lii nɑɑn nɑn mɑlunŋ nɑ k tul’ɔ, k pɑku nbɑ nyi t mɔi ni nɑ dɑɑ mɔk gbennu.

1 Piɑl 2:5

Ii mun i tie nɑn tɑnɑ nbɑ fo k bin jii’i k mɑɑ Foŋɑnm ŋɑɑk. K yii tie Yennu tiɑɔnŋ mɑnntieb, kii mɑnn *mɑlunŋ nɑn Foŋɑnm nbɑ luon bɑnnu nbɑ, k Yiesu *Klistu pɑɑk, Yennu sɑɑ gɑɑl i mɑlunŋ ɑ.

1 Piɑl 4:11

Wun nbɑ yɑɑ piini tie wuu muɑntl lɑbɑmɑnn nɑ, wuu muɑntl lin nbɑ k Yennu tien’ɔ nɑ e, k wun nbɑ yɑɑ piini tie wuu sonmt niib, wuu sonmt’b nɑn u pɑnŋ kul nbɑ k Yennu tien’ɔ nɑ, ɑ Yennu n lɑ pɑku bonsiɑl kul ni Yiesu Klistu pɑɑk. Ŋuɑ Yiesu yen pɑku nɑn pɑnŋ kul yuo nbɑ kɑɑ gbennu. * Amenn.