Efestieb 4:31 - Yiesu Lɑbɑmɑnn Muɑl Ni

³¹ I nyik tonu binbenŋ kul, nɑn wutuol. Suɑ ji dɑɑ mɔk kunkɔnciɑɔnŋ nɑn u luɑ, suɑ dɑɑ suki u luɑ, k biɑ nyik nɑnŋ dudukt kul ɑ i ni.

Efestieb 4:31 Iomraidhean Croise

Tuonɑ 21:30

L pɑɑk, k duo nɑ niib kul din fiil, k niib kul ɑ ciɑl, k bɑɑl kpil Pɔul, k suol’ɔ k piit nyinn’ɔ Yennu jɑɑnti ŋɑsɑɑkɑk nɑ ni. L tɑɑkpɑɑk ni nɑ, k siɑb luon ŋɑɑk nɑ tɑnmɔi.

Luonmtieb 3:14

Mɔpolɑ nɑn mɑbiit kuukuɑ e nyi b mɔi ni.

1 Kuolent-tieb 14:20

N nɑɑ wɑɑs, yuo nbɑ k i duki, i dɑɑ tie wɑɑs. L i tie k l tie, k tun bonbiil i e, yii tie nɑn sɑnpɑnti nɑ mɑn, ŋɑɑn l i tie k i yɑɑ yin dukn dudukt yii tie sɑɑkɑb.

1 Kuolent-tieb 5:8

L pɑɑk, ŋɑɑnt tin di jɑɑnm nɑn pɑɑnu nbɑ k mɔk dɑtinŋ, pɑɑnu nbɑ k mɔk jɑknt k biɑ tie bɑlmɔni yɑl nɑ, ŋɑɑn nyik dɑtinkpel nbɑ tie biit nɑn bonbiil yɑl nɑ.

2 Kuolent-tieb 12:20

N yɑn put i pɑɑk e nɑn mɑɑ tɑn sɑɑ bɑɑl i buol ni k kɑn lɑ’i k i be nɑn mɑɑ luon yii be biɑnŋ nbɑ nɑ, k i mun kɑn lɑ’n k n be nɑn yɑɑ luon mii be biɑnŋ nbɑ nɑ. N mɔk jijiet nɑn n sɑɑ lɑ’i k i kɔn nɑn i lieb, k mɔk *funfunn nɑn i lieb, k dont wutuol i lieb pɑɑk, k mɔk nɑɑniɑɔk nɑn lieb, k suki i lieb, k biil i lieb, k mɔk jɑpɑɑt k tie kɑlnbɑɑni k tie kpilkpil.

Gɑɑlɑɑt-tieb 5:20

nɑn pɑtmɑnnu, nɑn nyɔkdinu, nɑn dɑtɑɑl, nɑn kunkɔnɑ, nɑn funfunbiiuk, nɑn wutuol, nɑn nɑɑniɑɔk, nɑn bɔktu, nɑn kɑn gbɑt lieb mɑɑn

Efestieb 4:22

L pɑɑk, yɑbt i mɔnŋ mɑn k nyik i binbenkpelk nbɑ din te k i tuun lin nbɑ k i din tuu tuun nɑ. Binbenkpelk mɑnŋ nɑn niɑnbiiuk din te k i tɔkn sɔnu nbɑ sɑɑ biil’i.

Efestieb 4:25

L pɑɑk, ŋɑɑnt k i nyik fɑɑk, ŋɑɑn suɑ kul i piɑk bɑlmɔni kii tien u luɑ, k mɑɑn t tie gbɑnɑn-yent kuɑ e.

Efestieb 4:26

L i tie k ɑ donn wutuol, ŋɑɑn ɑ dɑɑ tuun tuonbiit. A dɑɑ te k l do nɑn yenbɑɑk.

Kuoluostieb 3:19

Puosɔlb, ii luon i puob mɑn, k dɑɑ diɑ nibisn benu k be nɑn’m.

Kuoluostieb 3:8

Ŋɑɑn mɔtɑɑnɑ i ji fiɑn lin nbɑ kul tie wutuol nɑn lin nbɑ sɑɑ bien nilɔ pɑl nɑn tonu k lu. I dɑɑ te k siɑl ɑ sukt nɑn mɔbonbiit nyi i mɔi ni.

1 Tiimuote 3:11

Nnɑ e mun, b puob sii tie bin nbɑ jɑnŋ nɑn niib n bɑɑk’b, k dɑɑ tie bonbiil-pɑklɑ, ŋɑɑn kii be suon nnɑ kii tie bin nbɑ luon bɑlmɔni e.

1 Tiimuote 3:3

k dɑɑ yib dɑɑn, k dɑɑ tie kunkɔnkɔnnuk ŋɑɑn kii be suon nnɑ, k dɑɑ luon mɔniɑɔk, k biɑ dɑɑ mɔk niɑnciɑɔnŋ nɑn likli.

1 Tiimuote 5:13

Lin nbɑ pukn, bɑɑ k mɔk tuonn nɑ, k b lin k luɑn ŋei, l k tie bɑɑ k mɔk tuonn kuukuɑ pɑɑk kɑɑ, ŋɑɑn b biɑ lin k piɑk mɑyɑnɑ k kuɑ lin nbɑ k lɑ’b ni, k piɑk bɑlkpiennɑ.

2 Tiimuote 2:23

A lɔkt jɑtmɔniɑt, k mɑɑn ɑ mi nɑn l juontl nɑn kunkɔnɑ e.

2 Tiimuote 3:3

B tɑn kii mɔk lonm nɑn niib, b tɑn kii tiin niib ninbɑɑɔk, k piɑk mɑbiit k tien lieb, k b binbenŋ tie yɑnɑ yɑnɑ nnɑ, k b nɑɑn bonsusuot, k nɑn tuonŋɑnɑ.

Tiit 1:7

k mɑɑn Klistu mɔtɑɑɔk niib yudɑɑnɔ sii tuun Yennu tuonɑ e. L pɑɑk, l kpɑɑ tɑlɑs nɑn u dɑɑ tie dɑɑnɔ nbɑ k b fit tɑɑl’ɔ, k dɑɑ mɔk jɑpɑɑt, ɑmi wun nbɑ dont wutuol yiɑn yiɑn, ɑmi wun nbɑ nyu dɑɑn k yib, ɑmi wun nbɑ luon kunkɔnɑ, ɑmi wun nbɑ luon likli fɑɑk sɔni ni.

Tiit 2:3

A biɑ kpɑɑn puokpelɑ, ɑ bii be bɑnnu nbɑ k niib ii mi nɑn b tie Yennu yɑb e, k dɑɑ tie sɑnjɑɑnjɑnnɑ, k biɑ dɑɑ nyu dɑɑn k yib, ŋɑɑn bii wɑnt kpɑɑni nbɑ ŋɑn.

Sɑɑk 1:19

N nɑɑ wɑɑs, n luon yin bɑnn nɑ e. Ii gbiintl yiɑn, ŋɑɑn kii mi biɑnŋ nbɑ k i piɑk, k biɑ dɑɑ dont wutuol yiɑn yiɑn,

Sɑɑk 3:14

Ŋɑɑn l i tie k i mɔk funfunbiiuk nɑn dont-n-mɔnŋ i pɑlɑ ni, i dɑɑ fuɑ bɑlɑ, k dɑɑ fɑ fɑɑk, k dɑɑ noi bɑlmɔni.

Sɑɑk 4:11

N nɑɑ wɑɑs, i dɑɑ piɑk mɑbiit lieb pɑɑk. Wun nbɑ piɑk mɑbiit u nɑɑ bik pɑɑk ɑmi bu u buut nɑ, l tie *senni e k u piɑk mɑbiit l pɑɑk k bu l buut. K mɑɑn l i tie k ɑ bu senni nɑ buut i e, ɑ k tie wun nbɑ sɑɑk’l kɑɑ, ŋɑɑn ɑ tie l bɑlbuulɔ e.

1 Piɑl 2:1

L pɑɑk, i nyik bonbiil kul tumu mɑn, nɑn fɑɑk kul, nɑn kpinkpɑnni, nɑn *funfunn, nɑn sɑnjɑɑɔnŋ.

1 Sɑn 3:12

L k ŋɑn k tii tuun nɑn Kɑɑen nbɑ din tuun biɑnŋ nbɑ nɑ. Ŋuɑ din tie pol yuɑ e, k din kpii u wɑɑlɔ. Biɑ pɑɑk e te k u din kpii’u? U tiɑɔnŋ tuonɑ din bi ŋɑɑn k u wɑɑlɔ yɑl ŋɑn.

1 Sɑn 3:15

Wun nbɑ mun nɑn u nɑɑ bik nɑ, tie nikpiiluk o, k i mi nɑn mɑnfuol nbɑ kɑɑ gbennu kɑɑ u ni.

Fiitu 12:10

L yuo k n gbɑt kunkɔsɑɑkɑl sɑnpɑɑpo k l yien ɑ: «Mɔtɑɑnɑ, Yonmdɑɑnɔ Yennu fielu nɑn u yiikuo nɑn u nɑɑn nɑn u *Klistu yiikuo bɑɑl nɑ, k mɑɑn wun nbɑ tuu tɑɑl t nɑɑ wɑɑs Yennu tuɑnn, yennu nɑn nyiɑɔk nɑ, b ji nyinn’ɔ k lu’u wɑɑ.