Efestieb 4:28 - Yiesu Lɑbɑmɑnn Muɑl Ni

²⁸ Wun nbɑ tuu jɑɑn, wun ji nyik jɑmu, ŋɑɑn tun tuonn nɑn u nii, k fit u mɔnŋ kii mɔk lin nbɑ k u sɑɑ sonm tɑlɑs-dɑnm.

Efestieb 4:28 Iomraidhean Croise

Lɑbɑmɑnn nbɑ k Luk diɑn 19:8

K Sɑɑse fiil k set k yet Yonmdɑɑnɔ ɑ: «N Yonmdɑɑnɔ, gotl, n sɑɑ bɔkt n mɔktuk kul k tul tɑlɑs-dɑnm l bonjinn. L i tie k n mi dii suɑ fobt, n sɑɑ jiin’ɔ tɑɑl munnɑ.»

Lɑbɑmɑnn nbɑ k Luk diɑn 3:8

Ii tuun mɑn lin nbɑ sɑɑ wɑnn nɑn i set mɔ kuɑŋɑɑn k lebt binbenŋ. I dɑɑ yien i pɑlɑ ni nɑn Ablɑɑhɑɑnm tie i yejɑ. N yien’i e, Yennu sɑɑ fit k fiin tɑnɑ nbɑ nɑ k lin kpɑnt Ablɑɑhɑɑnm yɑɑbuonɑ.

Lɑbɑmɑnn nbɑ k Sɑn diɑn 12:6

Wɑɑ din yet nnɑ mɑnŋ, l din k tie ɑ u bɑkɑ be tɑlɑs-dɑnm nɑ ni kɑɑ, ŋɑɑn u din tie nɑn-yukɔ e. ŋuɑ e din tie wun nbɑ diɑ likli pɑkl k tuu jɑɑn.

Lɑbɑmɑnn nbɑ k Sɑn diɑn 13:29

K mɑɑn Suudɑ nbɑ din tuu diɑ likli pɑkl nɑ, b siɑb din duki mi ɑ Yiesu tun’ɔ ɑ wun sɑɑn sɑɑ dɑɑ jɑɑnm nɑ jiet e, ɑmi u yet’ɔ ɑ wun sɑɑn tul tɑlɑs-dɑnm e likli.

Luonmtieb 12:13

Pɑɑtl mɑn lin nbɑ k i mɔk nɑ k tul Yennu niib nbɑ k mɔk, kii gɑɑn sɑɑnm kii cɑntl’b i ŋei ni.

1 Kuolent-tieb 4:12

T ninŋi e k t tuun k di k tɑn bɑk. Bii sukl’t, t tuu yɑt yetŋɑnm e. Bii dinn’t biɑk, t tuu gɑɑl e.

2 Kuolent-tieb 8:12

L i tie k suɑ luon wun tul siɑl i e, Yennu sɑɑ gɑɑl’l k mɑɑn u goli lin nbɑ k l dɑɑnɔ mɔk e, ŋɑɑn k k goli lin nbɑ k u k mɔk.

2 Kuolent-tieb 8:2

B din lɑ fɑlɑ bonciɑnn b biknu ni, b pɑlpienn din yɑb hɑli nɑn bin wɑnn b bulcint nɑn bɑɑ lek tie tɑlɑs-dɑnm nɑ wɑɑ.

Gɑɑlɑɑt-tieb 6:10

L pɑɑk, l i tie k l bɑɑl nɑn t fit tun siɑl, ŋɑɑnt k tin tun lin nbɑ ŋɑn k tul suɑ kul ɑ, ŋɑɑn mɑntk kii tuun kii tien bin nbɑ tie Klistuyɑb.

1 Tiimuote 6:18

A kpɑɑn’m, ɑ bii tuun tuonŋɑnɑ, k b tuonŋɑnɑ mɑnŋ ii yɑb, k b nii i yɑɑ nɑn piini tulu.

Tiit 3:14

L kpɑɑ tɑlɑs k t niib ii mi bɑɑ sii tuun tuonŋɑnɑ bonciɑnn bɑnnu nbɑ, kii sonmt niib b fɑlɑ ni, k dɑɑ be binbenŋ nbɑ kɑɑ nyuɑt.

Tiit 3:8

Bɑli nɑ tie bɑlmɔni e. N luon k ɑ jii ɑ dudukt kul kii wɑnt’b lin nbɑ nɑ, k bin nbɑ tien Yennu yɑdɑ nɑ n jii b yuo kii tuun tuonŋɑnɑ nɑn ninmɔnn. Ŋɑnn e ŋɑn k mɔk nyuɑt k tul suɑ kul ɑ.