Efestieb 4:18 - Yiesu Lɑbɑmɑnn Muɑl Ni

¹⁸ B dudukt be bunbɔnn ni k b k pukn mɑnfuol nbɑ k Yennu yɑɑ wun tul niib nɑ ni, k mɑɑn b k mi siɑl i k biɑ k luon bin bɑnn siɑl.

Efestieb 4:18 Iomraidhean Croise

Mɑɑtieo 13:15

K mɑɑn niib nɑ yɑn dɔkn, b nyɑl b tubɑ, k biɑ mun b ninbinɑ e, k mɑɑn b k luon bin lɑ siɑl, k biɑ k luon bin gbɑt, k biɑ k luon ɑ b yɑn n dɔkt, k biɑ k luon bin ŋmɑt bɑɑl n buol ni, k min Yennu n tul’b lɑɑfiɑ.›

Mɑɑlk 3:5

K u got k lint’b nɑn wutuol, k mɑɑn u pɑl din biil bonciɑnn nɑn bɑɑ tie kɑngbɑtɑ nɑ pɑɑk, k u ŋmɑnt k yet juɑ mɑnŋ ɑ: «Tɑntl ɑ nuu mɑnŋ.» K u tɑnt u nuu mɑnŋ k l lɑ lɑɑfiɑ.

Lɑbɑmɑnn nbɑ k Sɑn diɑn 12:40

«Yennu e tien’m juɑni, k biɑ te k b gbɑl bɑnnu, ɑ k b ninbinɑ dɑɑ lɑɑt, k b yɑn ni dɑɑ bɑnt l pɑɑk, k b dɑɑ fit bɑɑt n buol ni, k mɑn teb’b.»

Tuonɑ 17:30

Yuo nbɑ gɑl nɑ, Yennu din k ŋmɑnn niib tubɑ nɑn bɑɑ din jɑnŋ nɑn tubdɑtu bɑnnu nbɑ, ŋɑɑn mɔtɑɑnɑ u yet suɑ kul, ɑ wun mɔ kuɑŋɑɑn k lebt binbenŋ,

Tuonɑ 3:17

«Tɔn, n nɑɑ wɑɑs, n mi nɑn yinm nɑn i yudɑnm nbɑ dɑɑn te k b kpii Yiesu nɑ, i dɑɑn k bɑnn yɑɑ tun lin nbɑ mɑnŋ pɑɑk.

Luonmtieb 1:28

Nifosɑɑli nbɑ din k luon k bin bɑnn Yennu, l pɑɑk e k Yennu nyik’b nɑn b dudukbiit, k b tuun tuonɑ nbɑ bi bonciɑnn.

Luonmtieb 11:25

N nɑɑ wɑɑs, n luon k yin bɑnn wuol ni lɑbɑɑl, ɑ i dɑɑ duki nɑn i tie yɑndɑnm e. L tie ɑ Suifnbɑ siɑb tie kɑngbɑtɑ e, k l sii be nnɑ e k tɑn bɑɑl yuo nbɑ k bin nbɑ k tie Suifnbɑ kul nbɑ k Yennu lukt’b nɑ, bin tɑn tien Yiesu yɑb.

Luonmtieb 11:7

Tɔn, t sɑɑ yet ɑ biɑ? L wɑnt nɑn Islɑɑeltieb k lɑ bɑɑ luon lin nbɑ. Bin nbɑ k Yennu lukt’b nɑ kuukuɑ nɑ lɑ’l, ŋɑɑn bin nbɑ biɑl nɑ tien tubkɑngbɑtɑ dɑnm e.

Luonmtieb 2:19

A tien yɑdɑ nɑn ɑ fit wɑnt juɑni sɔnu, k biɑ tie yentu k tul bin nbɑ be bunbɔnn ni nɑ.

1 Kuolent-tieb 1:21

K mɑɑn Yennu nbɑ mɔk yɑn nɑ te k tingbounŋ nɑ tieb yɑn kɑn fit te k niib n bɑnn’ɔ. L pɑɑk, k u te k bin nbɑ tien yɑdɑ nɑ lɑɑt fielu, lɑbɑɑl nbɑ k t muɑntl k tien niib, k niib duki nɑn l tie jɑti lɑbɑɑl nɑ pɑɑk.

1 Kuolent-tieb 2:8

Tingbounŋ nɑ ŋɑɑyudɑnm ni suɑ kɑɑ k mi yɑn nɑ. B i din i bo i mi’l, b din bo kɑn kpɑɑ Yonmdɑɑnɔ wun nbɑ yen *yudɑnt kul ɑ nɑ dɑpunpunn pɑɑk,

2 Kuolent-tieb 3:14

Ŋɑɑn k b dudukt din k yent. B i lii Yennu lolkpel kɑdɑɑɔk ni yuo nbɑ, cincenn mɑnŋ biɑ dɑɑ duɑk b dudukt nɑn dinnɑ gbɑɑ. Cincenn mɑnŋ tuu dɔkt nilɔ dudukt ni yuo nbɑ k u be Klistu ni kuukuɑ e.

2 Kuolent-tieb 4:4

k te k b k tien *Klistu yɑdɑ, k yennu nbɑ tie yenbiiuk tingbounŋ nɑ ni nɑ, te k b subni nɑ k lɑɑt. Ŋɑnn e te k b k lɑɑt yentu nbɑ nyi Yiesu lɑbɑmɑnn nɑ ni nɑ. L yentu tie Klistu *yudɑnt yentu e, ŋuɑ nbɑ tie Yennu nɑɑɔnŋ nɑ.

Gɑɑlɑɑt-tieb 4:8

Siɑn-yuo i din tuu k mi Yennu, k l yuo i din tuu tie dɑɑbɑ k tul bin nbɑ set k tie yenni kɑɑ,

Efestieb 2:1

Yuo nbɑ din gɑl nɑ, i din tie kpienm e, i mɔyetuk nɑn biit pɑɑk.

Efestieb 2:12

L yuo nɑ i din fɔk nɑn Klistu. I din tie sɑɑnm e k b k kɑɑn’i k puki’i Yennu nigɑnnkɑb ni. I din k pukn mɔsonn nbɑ k Yennu din senn k tul u niib nɑ ni. I din k mɔk dindɑnn k biɑ din k mɔk Yennu.

Kuoluostieb 1:21

Siɑn-yuo, i din fɔk nɑn Yennu k din tie u dɑtɑi e i dudukbiit nɑn i tuonbiit pɑɑk.

1 Tesɑɑluoniiktieb 4:5

k dɑɑ tuun nnɑ nɑn niɑnbiiuk binbenŋ nɑn bin nbɑ k mi Yennu nbɑ tuun biɑnŋ nbɑ nɑ.

Hebluonbɑ 5:2

Wɑɑ mun tie butmɔ nɑ, u fit gbiɑ bin nbɑ puɑl yɑn nɑn bin nbɑ kpet sɔnu ni nɑ dudukt pɑɑk,

Hebluonbɑ 9:7

Ŋɑɑn mɑnntieb yudɑɑnɔ kuukuɑ e din tuu kuɑ lɑnbounŋ nɑ linn po yonm kuɑ binn nuɑk ni. U din tuu diɑ sɔn e k mɑnn mɑlunŋ k tul Yennu, u mɔnŋ biit pɑɑk, nɑn niib nbɑ din tuu kpet tun biit nɑ pɑɑk.

Sɑɑk 4:4

I nyik Yennu wɑɑ, k wɑɑ bonliɑ. I k mi nɑn l i tie k i suol tingbounŋ yuɑs i e, i tie Yennu dɑtɑi ee? Wun nbɑ luon wuu tie tingbounŋ nɑ yuɑk, l dɑɑnɔ tien u mɔnŋ Yennu dɑtɑɑk e.

1 Piɑl 1:14

Ii tie mɑn nɑn wɑɑs nbɑ sɑɑk b bɑɑ mɔb nɑ, k dɑɑ wɑɑ lonbiit nbɑ k i din wɑɑ yuo nbɑ k i din k mi Yiesu Klistu nɑ.

1 Sɑn 2:11

Ŋɑɑn wun nbɑ nɑn u nɑɑ bik nɑ be bunbɔnn ni e, k u biɑ sonm lintl bunbɔnn ni e k k mi wɑɑ sɑɑ siɑn nbɑ k mɑɑn bunbɔnn nɑ e te k u juɑn.