Efestieb 4:14 - Yiesu Lɑbɑmɑnn Muɑl Ni

¹⁴ Ŋɑɑn t ji kii tie wɑɑs kɑɑ, k niib kpinkpɑnni wɑnnu sii diɑ’t lɑnŋ’t nɑn wounŋ nbɑ tuu lɑnŋ bulgbetl biɑnŋ nbɑ nɑ, k b fɑɑk wɑnnu te k lieb bɑɑ biit ni.

Efestieb 4:14 Iomraidhean Croise

Mɑɑtieo 11:7

Tɔn, Sɑn tuomiinbɑ nɑ nbɑ din nyii lenŋ k ŋmɑt kun yuo nbɑ nɑ, k Yiesu ji din piin k piɑk Sɑn po k boi ɑ: «Yɑɑ dɑɑn sɑɑn Sɑn penŋ muuk ni nɑ, i dɑɑn duki ɑ i sɑɑ sɑɑ lɑ bee? I dɑɑn mi ɑ i sɑɑ lɑ muuk nbɑ k wounŋ dɑnm nɑ ee?

Mɑɑtieo 24:11

K fɑɑk sɔkniinbɑ tɑn sɑɑ nyi k kpɑnn niib bonciɑnn.

Mɑɑtieo 24:24

k mɑɑn l yuo mɑnŋ, fɑɑk Klistunbɑ nɑn fɑɑk sɔkniinbɑ tɑn sɑɑ nyi k tuun nyinɑ nɑn bɑktnɔunŋ tuonjɑɑnɑ ɑ bin kpɑnn niib. K l i tɑnŋ i fit, b tɑn sɑɑ kpɑnn Yennu nigɑnnkɑb tiɑɔnŋ ɑ.

Tuonɑ 23:21

Ŋɑɑn ɑ dɑɑ fiin b po, k mɑɑn Suifnbɑ siɑb yɑb, k gɑl nɑn jɑb piinnɑ nɑ wɑɑ, bin nbɑ sɑɑ bɔl k guu ɑ bin kpi’u. B kul ɑ pol pol e, k yɑɑ ɑ b kɑn di jiet ɑmi k nyu siɑl, sie k bin tɑn kpi’u wɑɑ. B kpɑn tien siil e wɑɑ ŋɑɑn ji guu ɑ mɔb.»

1 Kuolent-tieb 12:2

I mi nɑn yuo nbɑ k i dɑɑ din k tie Klistuyɑb nɑ, i din tuu tiin k sɑɑ pɑtɑ buol e, k b yen’i.

1 Kuolent-tieb 14:20

N nɑɑ wɑɑs, yuo nbɑ k i duki, i dɑɑ tie wɑɑs. L i tie k l tie, k tun bonbiil i e, yii tie nɑn sɑnpɑnti nɑ mɑn, ŋɑɑn l i tie k i yɑɑ yin dukn dudukt yii tie sɑɑkɑb.

1 Kuolent-tieb 3:19

Lin nbɑ k tingbounŋ nɑ tieb dukn k l tie yɑn nɑ, l tie jɑti e Yennu buol nɑn lɑɑ diɑn Yennu lolkpel kɑdɑɑɔk ni ɑ: «Yennu so yɑndɑnm b yɑn nbɑ tie bɑluk nɑ ni,»

2 Kuolent-tieb 2:17

Tɔn, t k tie nɑn bin nbɑ diɑ Yennu mɑɑn mɑnŋ k l tie kpinkpounŋ tul’b nɑ kɑɑ, ŋɑɑn Yennu nbɑ tun’t nɑ pɑɑk e te k t mɔk bɑlmɔnpɑku k be u tuɑnn nɑn tɑɑ tie Klistu tuontunnɑ nɑ.

2 Kuolent-tieb 4:2

T yet bunbɔnn ni tuonɑ nbɑ tie kpeli kpeli tuonɑ nɑ e. T tuun bonɑ kul, nɑn lɑɑ buɑl bɑnnu nbɑ nɑ e. T k lebt Yennu mɑɑn. Ŋɑɑn t wɑnt bɑlmɔni nɑ e fɑnu fɑnu, l pɑɑk e te k t yɑɑ suɑ kul n dukn u pɑl ni, k lɑ lɑɑ tie bɑnnu nbɑ Yennu tuɑnn.

Gɑɑlɑɑt-tieb 3:1

Yinm Gɑɑlɑɑtitieb, bonjɑtɑ nɑ! Yinm nbɑ k t ponŋ din wɑnn’i Yiesu *Klistu dɑpunpunn pɑɑk kuun po nyik nyik nɑ, ŋmee jin tɑn lol’i ni?

Efestieb 6:11

I jii Yennu jɑtiɑt kul nɑ k liɑ, k lin te k yin fit nyɑnn *Sɑɑtɑn kpinkpɑnni.

1 Tiimuote 3:6

L kpɑɑ tɑlɑs k u dɑɑ tie dɑɑnɔ nbɑ gɑɑl Klistu k l dɑɑ k wei. Nnɑ e i kɑɑ, u tɑn sii mɔk kɑlnbɑɑni k wɑnt u mɔnŋ k tɑn lɑ tubdɑtu nbɑ k *Sɑɑtɑn lɑ nɑ.

2 Tiimuote 1:15

A ponŋ mi nɑn suɑ kul nbɑ be Asii nɑ nyik’n ɑ, k b siɑb e tie Fiijel nɑn Helmojenn.

2 Tiimuote 3:13

k nitont nɑn kpinkpɑnni dɑnm lek tɑn sii ŋɑnmt puki b biit e, k kpɑnn lieb, k b lieb mun sɑɑ kpɑnn’b.

2 Tiimuote 4:3

k mɑɑn yuo bɑɑt k nisiɑb tɑn kii luon bii gbiintl bɑlmɔni wɑnnu, ŋɑɑn b tɑn sii wɑɑ b tiɑɔnŋ lonm e, k tikl wɑntieb k b tɑn wɑnt’b lin nbɑ k b luon l gbiintu.

Hebluonbɑ 13:9

I dɑɑ ŋɑɑnt k wɑnnsɑɑnɑ buolu buolu n te k i bot, k i tɑn sɑɑ mɑnn tut sɔnŋɑnu mɑnŋ. L ŋɑn k Yennu ninbɑtinu n tul nilɔ pɑnŋ u pɑl ni. Jiet *senni weiu kɑn tul’ɔ pɑnŋ. Nisiɑb nbɑ diɑ jiet *senni nɑ k lɑɑt somsiɑl l ni.

Sɑɑk 1:6

Fii mei Yennu, fɑn tien yɑdɑ k dɑɑ mɔk bilsuk, k mɑɑn wun nbɑ mei’ɔ nɑn bilsuk nɑ, tie nɑn mɔkgbenŋl nyunpɑnɑ nbɑ k wounŋ dɑ k l fi k bɑɑ nɑ e.

Sɑɑk 3:4

Biɑ duknt ŋɑlint lɑbɑɑl po. B gbenŋ bonciɑnn, ŋɑɑn wonpɑɑluk u dɑ, b sɑɑ e, ŋɑɑn dɑbik nnɑ e k kɑntuɑ nɑ diɑ k kɑn k b sɑɑ wɑɑ luon siɑn nbɑ.

2 Piɑl 2:18

B piɑk kɑlnbɑɑni mɑɑn nbɑ k mɔk nyuɑt e, k tuun nɑn b tiɑɔnŋ lonbiiuk k pii bɑlt ɑ bin suol bin nbɑ fɑt b mɔnŋ niib nbɑ tuun biit nɑ buol ni k l dɑɑ k wei nɑ.

1 Sɑn 2:19

Klistu dɑtɑi mɑnŋ e nyii t ni, ŋɑɑn b k tie t yɑb. B i bo i tie t yɑb i e, tinm nɑn ŋɑnm bo sii lɑkn be, ŋɑɑn b nyik’t ɑ, k l wɑnt nɑn b din k tie t yɑb.

1 Sɑn 2:26

N dɑ lin nbɑ nɑ k tien’i k ceknt’i k jikt sɑɑ niib nbɑ yɑɑ bin kpɑnn’i nɑ po e.

1 Sɑn 4:1

N yuɑsnbɑ, i dɑɑ tie nisiɑb kul nbɑ yɑɑ ɑ b mɔk Foŋɑnm nɑ mɑɑn yɑdɑ, ŋɑɑn biknt’b mɑn, k got lɑɑn sei mɑnŋ nyii Yennu buol ni ɑmi siɑl buol e? K mɑɑn fɑɑk sɔkniinbɑ yɑt gbie tingbounŋ nɑ wɑɑ.

Suud 1:12

Ŋɑnm e jɑkn jiet nbɑ k yinm Klistuweilɑ di nɑ. B bɑkɑ be b ni kuukuɑ e, k b k tiin fei. B tie nɑn sɑnpɑgbɑnt nbɑ k wounŋ gɑɑn’n k l k bɑɑt nɑn sɑɑk nɑ e. B tie nɑn tiini nbɑ k luon luɑnɑ l lonm yuo nɑ e, b kpo e k sɑɑ tɔl, k mɑɑn b jiinɑ kul fikt, k b kuol ɑ.

Fiitu 19:20

K b suol muuk ni bonkobuk nɑ, nɑn u fɑɑk sɔkni nbɑ dɑɑn tuu tie bɑktnɔunŋ nyinɑ u tuɑnn po nɑ. U tuun nyinɑ mɑnŋ k kpɑnn bin nbɑ mɔk muuk ni bonkobuk mɑnŋ dɔuk nɑ nɑn bin nbɑ dɑɑn jiɑntl u nɑɑɔnŋ nɑ. B suol muuk ni bonkobuk mɑnŋ nɑn u fɑɑk sɔkni mɑnŋ nɑ k b fo, k lu’b buotuk nbɑ gbie nɑn muu k sɑlwuutɑ di nɑn’n nɑ ni.