Efestieb 3:9 - Yiesu Lɑbɑmɑnn Muɑl Ni

⁹ k biɑ te k niib kul nuni n yent k bin bɑnn biɑnŋ nbɑ k Yennu wuol ni lol mɑnŋ tuun k gbient. Yɑɑyuo ni e wɑɑ, k Yennu nbɑ din nɑn bonsiɑl kul nɑ, din diɑ’l wuol ni,

Efestieb 3:9 Iomraidhean Croise

Mɑɑtieo 10:27

Lin nbɑ k n yien’i bunbɔnn ni nɑ, nyint’l mɑn yienin ni, k lin nbɑ k n lɔkn’i nɑ, i do mɔpinyelk pɑɑk kii muɑntl.

Mɑɑtieo 13:35

U din tun nnɑ, ɑ lin nbɑ k Yennu sɔkniisuɑ din sɔkn nɑ, lin tien gbien. Sɔkni nɑ din yet ɑ: «N tɑn sɑɑ yɑɑt n mɔb k yet nɑn bɑljokt e, k pɑk fiit wɑnn wuol ni bonɑ nbɑ din wuon k k nyii pɑɑnu *dulnyɑ piinu ni wɑɑ, k tɑn tuu mɔtɑɑnɑ nɑ.»

Mɑɑtieo 25:34

K Kpɑnbɑl nɑ sɑɑ yet bin nbɑ sie u niidiitu po nɑ ɑ: ‹Yinm nbɑ k n Bɑɑ yɑt yetŋɑnm i pɑɑk nɑ, ii sɑɑ nɑ mɑn k tɑn kuɑ nɑɑn nbɑ k n Bɑɑ din ŋɑnm k guun’i *dulnyɑ piinu ni wɑɑ nɑ,

Mɑɑtieo 28:19

L pɑɑk, ii sɑɑ mɑn tingbounŋ nɑ ni, nibuolu kul ɑ buol ni, k sɑɑ tien’m n puolpoweitieb, k wul’b Yennu nyunwulu, Bɑɑ, nɑn Bijɑ, nɑn Foŋɑnm sɑnn ni,

Lɑbɑmɑnn nbɑ k Luk diɑn 24:47

k b sɑɑ piin Selusɑɑlenm ni k sɑɑn tuu nibuolu kul k muɑnt, u sɑnn ni, niib nbɑ sɑɑ mɔ kuɑŋɑɑn bɑnnu nbɑ nɑ nɑn biit nyikcɑbu lɑbɑɑl.»

Lɑbɑmɑnn nbɑ k Sɑn diɑn 10:30

Min nɑn n Bɑɑ mɑnŋ tie yonm e.»

Lɑbɑmɑnn nbɑ k Sɑn diɑn 5:17

Ŋɑɑn k Yiesu din yet’b ɑ: «N Bɑɑ tun tuun e, k n mun tuun nnɑ e.»

Lɑbɑmɑnn nbɑ k Sɑn diɑn 5:19

Ŋɑnn e k Yiesu jiin k yet’b ɑ: «Bɑlmɔni e k n yien’i nɑ, Yennu Bijɑ k fit tuun siɑl u kuukuɑ. U lɑɑt u Bɑɑ nbɑ tuun lin nbɑ e, k mun tuun. Lin nbɑ kul k Bɑɑ mɑnŋ tuun nɑ, u Bijɑ mun tuun ŋɑnn e.

Tuonɑ 15:18

Nnɑ e k Yonmdɑɑnɔ, wun nbɑ te k b bɑnn lin nbɑ nɑ yɑɑyuo ni wɑɑ yet.› »

Luonmtieb 11:25

N nɑɑ wɑɑs, n luon k yin bɑnn wuol ni lɑbɑɑl, ɑ i dɑɑ duki nɑn i tie yɑndɑnm e. L tie ɑ Suifnbɑ siɑb tie kɑngbɑtɑ e, k l sii be nnɑ e k tɑn bɑɑl yuo nbɑ k bin nbɑ k tie Suifnbɑ kul nbɑ k Yennu lukt’b nɑ, bin tɑn tien Yiesu yɑb.

1 Kuolent-tieb 2:7

Yɑn nbɑ k n piɑk l po nɑ tie Yennu wuol ni yɑn nbɑ wuon k nilɔ k mi, lin nbɑ k Yennu din ponŋ dɔnŋ lukt ɑ wun don’t, k suɑ k *dulnyɑ dɑɑ din k nɑn nɑ.

Efestieb 1:4

Yennu nbɑ ponŋ dɑɑ din k nɑn tingbounŋ yuo nbɑ nɑ wɑɑ k u din gɑnn’t ɑ tii tie u yɑb Yiesu Klistu pɑɑk, kii tie niŋɑnm k dɑɑ mɔk biit u buol ni. Yennu nbɑ din luon’t nɑ pɑɑk,

Efestieb 3:2

N k bils nɑn i ponŋ gbɑt ɑ Yennu tul’n tuonsiɑl u ninkpɑbɑɔnŋ pɑɑk ɑ n tun k tul’i.

Efestieb 6:19

I mun i mei Yennu kii tien’n k wun tul’n mɔbonɑ nbɑ ŋɑn yuo nbɑ k n sii piɑk, k n fit pɑk nɑn pɑlcienn k fit wɑnn niib lɑbɑmɑnn nɑ wuol ni lɑbɑɑl.

Kuoluostieb 1:23

L sii tie nnɑ e l i tie k i biɑl i yɑdɑ ni k sie cib, k k fɔli nyi dindɑnn nbɑ k i lɑ lɑbɑmɑnn nbɑ k i din gbɑt nɑ ni. B din muɑntl lɑbɑmɑnn mɑnŋ k tien niib kul nbɑ be tingbounŋ nɑ ni e. Min Pɔul, n tie l tuontunnɔ e.

Kuoluostieb 1:26

Bɑli mɑnŋ e tie wuol ni mɑɑn nbɑ k Yennu din wuon siɑn-yuo, k nibuolu kul k bɑnn’l, ŋɑɑn k u tɑn fiit wɑnn u niib mɔtɑɑnɑ.

Kuoluostieb 3:3

k mɑɑn i ponŋ din kpo wɑɑ, k i mɑnfuol bɔl Yennu buol ni nɑn Klistu yɑl nbɑ bɔl biɑnŋ nbɑ nɑ.

Kuoluostieb 4:3

kii biɑ kii mei’ɔ kii tien’t ɑ wun luot gɑnn k tul’t k tin fit fiit *Klistu wuol ni mɑɑn nbɑ te k n be dɑnsɑlk nɑ.

2 Tesɑɑluoniiktieb 2:13

T nɑɑ wɑɑs, yinm nbɑ k Yonmdɑɑnɔ luon’i nɑ, l kpɑɑ tɑlɑs k t pɑk Yennu yuo kul i pɑɑk, k mɑɑn Yennu din lukt’i pinpiik ni e wɑɑ, ɑ yin lɑ fielu Foŋɑnm nbɑ tien’i Yennu tiɑɔnŋ yɑb nɑn yɑɑ tien lɑbɑmɑnn yɑdɑ nɑ pɑɑk.

1 Tiimuote 3:16

Nn, l tie mɔni e, bɑktnɔunŋ minu nbɑ k yɑdɑ tien tinm nɑ yɑb: Klistu din bɑɑl k tie nisɑɑlk e, k tie bɑlmɔndɑɑnɔ, Foŋɑnm e din wɑnn nnɑ. Mɑlɑkɑɑnbɑ din lɑ’u wɑɑ, k niib din muɑnt u lɑbɑɑl k tul nibuolu kul, k b tien’ɔ yɑdɑ tingbounŋ nɑ ni, k **Yendɔunŋ ni k Yennu tul’ɔ *yudɑnt.

2 Tiimuote 1:9

Ŋuɑ e fiel’t k yiin’t ɑ tii tie u yɑb, k l k tie t tuonɑ pɑɑk kɑɑ ŋɑɑn u din lol k fiel’t u ninkpɑbɑɔnŋ pɑɑk e. U din tul’t ninkpɑbɑɔnŋ mɑnŋ Yiesu Klistu ni, yuo nbɑ k u dɑɑ din k nɑn *dulnyɑ nɑ.

2 Tiimuote 4:17

Ŋɑɑn Yonmdɑɑnɔ dɑɑn be nɑn’n k tul’n pɑnŋ k n dɑɑn fit muɑnt lɑbɑmɑnn mɑnŋ kul k tul bin nbɑ k tie *Suifnbɑ nɑ kul ɑ, ɑ bin gbɑt. Ŋuɑ e dɑɑn fɑt’n yɑnbɔl mɔb ni.

Tiit 1:2

Lin nbɑ nɑ nyii dindɑnn nbɑ k t mɔk nɑn t sii mɔk mɑnfuol nbɑ kɑɑ gbennu nɑ ni e. Yuo nbɑ k u dɑɑ din k nɑn dulnyɑ nɑ, Yennu nbɑ k fɑɑ fɑɑk nɑ din senn mɔsonn ɑ u sɑɑ tul’t mɑnfuol mɑnŋ.

1 Piɑl 1:20

Yennu nbɑ dɑɑ din k nɑn *dulnyɑ yuo nbɑ nɑ, ŋɑɑn k u ponŋ din lukt Klistu, k tɑn nyinn’ɔ pɑɑnu dɑɑjuonti ni k tul’i.

Fiitu 13:8

Niib kul nbɑ be tingbounŋ nɑ ni, k b sɑnɑ din k diɑn mɑnfuol kɑdɑɑɔk ni yuo nbɑ k *dulnyɑ dɑɑ din kɑɑ nɑ, b sɑɑ jiɑnt muuk ni bonkobuk nɑ. Mɑnfuol kɑdɑɑɔk nɑ tie Pebik nbɑ k b din kpii’u nɑ yɑl e.

Fiitu 14:6

K n biɑ lɑ mɑlɑkluɑ k u yuuk sɑnpɑɑpo k diɑ lɑbɑmɑnn nbɑ kɑɑ gbennu ɑ wun muɑntl k tul tingbounŋ nɑ tieb: tini kul niib, nɑn buolu kul, nɑn mɑbuolu kul, nɑn nibuolu kul,

Fiitu 17:8

Bonkobuk nbɑ k ɑ lɑ nɑ din fo siɑn-yuo, ŋɑɑn ji k fo, ŋɑɑn sɑɑ nyi buotsunsunŋ nbɑ kɑɑ telk nɑ ni k do, k sɑɑ sɑɑn siɑn nbɑ k b sɑɑ biil’ɔ nɑ buol. K l sɑɑ bɑkt niib nbɑ be tingbounŋ nɑ ni, k b sɑnɑ k diɑn mɑnfuol kɑdɑɑɔk ni yuo nbɑ k *dulnyɑ dɑɑ din k kɑɑ nɑ, k mɑɑn bonkobuk mɑnŋ din fo, ŋɑɑn ji k fo, ŋɑɑn biɑ tɑn sii fo.

Fiitu 4:11

«T Yonmdɑɑnɔ Yennu, l jɑnŋ nɑn tin tul’ɑ *yudɑnt, k tul’ɑ bɑɑkl nɑn yiikuo wɑɑ, k mɑɑn fin e din nɑn bont kul ɑ. A nɑɑɔnŋ mɑnŋ kul be k mɔk mɑnfuol, k mɑɑn ɑ din luon nnɑ.»