Efestieb 3:2 - Yiesu Lɑbɑmɑnn Muɑl Ni

² N k bils nɑn i ponŋ gbɑt ɑ Yennu tul’n tuonsiɑl u ninkpɑbɑɔnŋ pɑɑk ɑ n tun k tul’i.

Efestieb 3:2 Iomraidhean Croise

Tuonɑ 13:2

K dɑsiɑl k b dɑɑ din be k jiɑntl Yonmdɑɑnɔ k loln mɔi, k Foŋɑnm tɑn yet’b ɑ: «Nyint Bɑɑlnɑɑbɑɑs nɑn Sɔul, k bin tun tuonn nbɑ k n yiin’m ɑ bin tun nɑ.» K b nyinn’b.

Tuonɑ 13:46

Ŋɑɑn k Pɔul nɑn Bɑɑlnɑɑbɑɑs lek biɑ yien nɑn pɑlcienn ɑ: «L kpɑɑ tɑlɑs e nɑn k tin sint pɑk Yennu mɑɑn k tul yinm. Ŋɑɑn yɑɑ yet mɑɑn mɑnŋ, k biɑ dukn nɑn i k ŋɑn nɑn i lɑ mɑnfuol nbɑ kɑɑ gbennu nɑ, l pɑɑk e te k t ji sɑɑ bin nbɑ k tie Suifnbɑ ni nɑ,

Tuonɑ 22:21

K Yonmdɑɑnɔ yet’n ɑ: ‹Fin i sɑɑ wɑɑ, min e yɑɑ n tun’ɑ niib nbɑ be bɑnfɔkl k k tie Suifnbɑ nɑ tini ni.› »

Tuonɑ 9:15

Ŋɑɑn Yonmdɑɑnɔ yet’ɔ ɑ: «Fin i sɑɑ wɑɑ. Ŋuɑ e tie wun nbɑ k n lukt’ɔ ɑ wuu tuun n tuonn, k te k buolgɑnu nɑn b kpɑnbɑlɑ nɑn Islɑɑeltieb n bɑnn n sɑnn,

Luonmtieb 1:5

Ŋuɑ pɑɑk e k Yennu ninbɑtinu be t pɑɑk k te k t tie u tuomiinbɑ ɑ tin jii u sɑnn k sɑɑn nibuolu kul buol ni, k te k bii sɑɑk u mɔb kii tie’u yɑdɑ,

Luonmtieb 11:13

N piɑk k tien yinm nbɑ k tie Suifnbɑ nɑ e: Yennu nbɑ te k n tie *tuomi i buol ni nɑ, n sii mɔk yugontl n tuonn mɑnŋ pɑɑk.

Luonmtieb 12:3

Yennu nbɑ tin’n ninbɑɑɔk nɑ pɑɑk e, k n yien i kul, ɑ i dɑɑ duki i mɔnŋ po k l gɑl yɑɑ set tie bɑnnu nbɑ, ŋɑɑn ii duki i mɔnŋ po nɑn sikn-n-mɔnŋ, k i ni suɑ kul i duki u mɔnŋ po nɑn Yennu nbɑ tul’ɔ yɑdɑ bɑnnu nbɑ nɑ.

1 Kuolent-tieb 4:1

Ŋɑnn ɑmi, i jii’t k tii tie *Klistu tuontunnɑ nbɑ k Yennu jii’t k guun’t u wuol ni mɑɑn nɑ.

Gɑɑlɑɑt-tieb 1:13

I ponŋ gbɑt mɑɑ din tuun biɑnŋ nbɑ yuo nbɑ k n din wɑɑ *Suifnbɑ jɑɑnti nɑ. L yuo nɑ n din tuu muksl Yennu mɔtɑɑɔk niib bonciɑnn, k yɑbi n mɔnŋ mɑɑ n biil’b k gbenn.

Efestieb 1:10

Yuo mɑnŋ i tɑnŋ i jɑnŋ cib, u sɑɑ tun gbenn u lolɑ mɑnŋ, ɑ u nɑɑmi kul nbɑ be sɑnpɑɑpo nɑn tinŋ ni ii mɔk yudɑɑnɔ yenɔ kuɑ k ŋuɑ e tie Klistu.

Efestieb 3:7

Yennu ninkpɑbɑɔnŋ pɑɑk k u din tul’n yɑɑk, ɑ n tien u tuontunnɔ, kii muɑntl u lɑbɑmɑnn u yiikuo ni.

Efestieb 3:8

Yennu niib sinsuuk ni, min e tɑn juont wun nbɑ k be kɑnn ni, ŋɑɑn u ninkpɑbɑɔnŋ pɑɑk, k Yennu cɑb’n ɑ n muɑnt muɑnti k tul bin nbɑ k tie Suifnbɑ k wɑnn’b bɑnnu nbɑ k Klistu luon wun tul’t bonŋɑnɑ nbɑ kɑɑ pɑɑk,

Efestieb 3:9

k biɑ te k niib kul nuni n yent k bin bɑnn biɑnŋ nbɑ k Yennu wuol ni lol mɑnŋ tuun k gbient. Yɑɑyuo ni e wɑɑ, k Yennu nbɑ din nɑn bonsiɑl kul nɑ, din diɑ’l wuol ni,

Efestieb 4:21

I set din gbɑt u po wɑɑ, k yɑɑ tie u weilɑ nɑ, b din wɑnn’i bɑlmɔni nbɑ be u ni wɑɑ.

Efestieb 4:7

*Klistu nbɑ tul’t lin nbɑ nɑ pɑɑk, suɑ kul ɑ gɑɑl u piini k l be l kuɑ,

Kuoluostieb 1:4

K mɑɑn t gbɑt yɑɑ tien Yiesu Klistu yɑdɑ biɑnŋ nbɑ nɑ wɑɑ. T biɑ gbɑt yɑɑ luon Yennu niib biɑnŋ nbɑ wɑɑ.

Kuoluostieb 1:6

L lɑbɑmɑnn luon luɑnɑ k yɑbtl tingbounŋ nɑ ni. L yɑbtl nnɑ e lɑɑ jii yuo nbɑ k l din bɑɑl i buol ni nɑ k tɑn tuu mɔtɑɑnɑ. Lɑɑ nyii dɑsinsinn nbɑ k i din gbɑt k b piɑk Yennu ninkpɑbɑɔnŋ po, k i ŋɑnm gbɑt l pɑɑk fɑnu nɑ.

1 Tiimuote 1:11

Bɑlmɔni wɑnnu mɑnŋ nyii Klistu lɑbɑmɑnn nbɑ k Yennu din tul’n ɑ n muɑnt nɑ ni e, lɑbɑmɑnn mɑnŋ piɑk Yennu nbɑ ŋɑn nɑn dontl kul, k tie wun nbɑ tul’t bonŋɑnɑ kul nɑ po.

1 Tiimuote 1:4

k dɑɑ fiin b yejɑnm ni bɑlkpelɑ nbɑ tie fɑɑk nɑ po nɑn b yejɑnm sɑnɑ kɑnu po. Ŋɑnn e bɑɑt nɑn mɔniɑɔk k k sonmt nilɔ k u bɑnt Yennu nbɑ lol, ɑ niib n lɑ fielu bɑnnu nbɑ nɑ. Yɑdɑ pɑɑk e te k b bɑnn’l.

1 Tiimuote 2:7

L pɑɑk k Yennu lukt’n k n tien Klistu tiɑɔnŋ *tuomi k wɑnn bin nbɑ k tie *Suifnbɑ lin nbɑ tie yɑdɑ nɑn lin nbɑ tie bɑlmɔni. N k fɑ fɑɑk kɑɑ. L tie bɑlmɔni e.

2 Tiimuote 1:11

Yennu ponŋ din yiin’n, ɑ n tien tuomi nɑn wɑntuɑ k muɑnt lɑbɑmɑnn mɑnŋ.