Efestieb 3:15 - Yiesu Lɑbɑmɑnn Muɑl Ni

¹⁵ wun nbɑ yɑɑ buol ni, k *Yendɔunŋ ni, nɑn tingbounŋ nɑ ni nibuolu kul gɑɑn b yejɑnm mɑɑlu ni sɑnɑ.

Efestieb 3:15 Iomraidhean Croise

Tuonɑ 11:26

Wɑɑ sɑɑ lɑ’u yuo nbɑ k u jen nɑn’ɔ Antiɑɔs, k b din jii binn munn k tɑɑn nɑn Klistu mɔtɑɑɔk niib, k wɑnt niib bonciɑnn Yennu mɑɑn. L din tie Antiɑɔs e k b din sint k pul Yiesuweilɑ ɑ: «Klistuyɑb.»

Efestieb 1:10

Yuo mɑnŋ i tɑnŋ i jɑnŋ cib, u sɑɑ tun gbenn u lolɑ mɑnŋ, ɑ u nɑɑmi kul nbɑ be sɑnpɑɑpo nɑn tinŋ ni ii mɔk yudɑɑnɔ yenɔ kuɑ k ŋuɑ e tie Klistu.

Efestieb 1:21

Lenŋ e k Klistu kɑl k yen bin nbɑ kul nbɑ mɔk yɑɑk, nɑn yiikuo dɑnm kul nɑn yonmdɑnm kul ɑ. Ŋuɑ e mɔk sɑnn nbɑ gɑl yiikuo kul sɑnɑ nbɑ be mɔtɑɑnɑ nɑn yuo nbɑ bɑɑt.

Efestieb 3:14

Lin nbɑ nɑ pɑɑk, k n gbɑɑ n dunɑ pɑɑk Bɑɑ tuɑnn po,

Efestieb 3:16

N mei’ɔ ɑ u dontl nbɑ yɑb bonciɑnn nɑ, ɑ wun nuɑb u yiikuo Foŋɑnm ni k pukn’i pɑnŋ i pɑlɑ ni,

Kuoluostieb 1:20

Yennu jii ŋuɑ e k te k mɑnu bɑɑl ŋuɑ nɑn *dulnyɑ ŋɑɑtieb sinsuuk ni. U Bijɑ nbɑ din kpo dɑpunpunn pɑɑk nɑ, Yennu tien dulnyɑ ŋɑɑtieb mɑnu: bin nbɑ be tinŋ pɑɑk, nɑn bin nbɑ be sɑnpɑɑpo.

Fiitu 2:17

«Wun nbɑ mɔk tubɑ, wun gbiint lin nbɑ k Foŋɑnm nɑ yien k tien jiɑnti nɑ. «Wun nbɑ nyɑnn nyɑnnu nɑ, ŋuɑ e k n sɑɑ tul’ɔ jiet nbɑ k b bɔl ɑ k l sɑnn yi mɑnn nɑ, k n biɑ sɑɑ tul’ɔ tɑnpienn nbɑ k sɑnpɑɑnn diɑn l pɑɑk k suɑ k mi’l nɑ, sie fin nbɑ gɑɑl’l nɑ kuukuɑ.»

Fiitu 3:12

Wun nbɑ nyɑnn nyɑnnu nɑ, n sɑɑ tien’ɔ n Yennu jɑɑnti ŋɑsɑɑkɑk ni jɑɑntɑlk, k u ji kɑn nyi lenŋ. K n biɑ sɑɑ diɑn n Yennu sɑnn u pɑɑk, k diɑn n Yennu duo sɑnn u pɑɑk, k biɑ diɑn n mɔnŋ sɑnpɑɑnn nɑ u pɑɑk. Yennu duo mɑnŋ e tie Selusɑɑlenm pɑɑnn nbɑ sɑɑ nyi *Yendɔunŋ ni Yennu buol ni nɑ, k tɑn sik tinŋ nɑ ni.› »