Efestieb 2:8 - Yiesu Lɑbɑmɑnn Muɑl Ni

⁸ Yennu ninkpɑbɑɔnŋ nɑ pɑɑk e k i lɑ fielu i yɑdɑ nɑ pɑɑk. Fielu mɑnŋ k nyii i buol ni kɑɑ, ŋɑɑn l tie Yennu piini e.

Efestieb 2:8 Iomraidhean Croise

Mɑɑtieo 16:17

K Yiesu yet’ɔ ɑ: «Fin Siimɔn, Suonɑ bijɑ nɑ, pɑlpienn be ɑ pɑɑk, k mɑɑn nisɑɑlk kɑɑ fiit mɑɑn nɑ wɑnn’ɑ ni, ŋɑɑn n Bɑɑ nbɑ be sɑnpɑɑpo nɑ e fiit k wɑnn’ɑ.

Mɑɑtieo 20:9

K u tuontunnɑ sɑɑkuɑ mɑnŋ piin k pɑ bin nbɑ bo juont k bɑɑl nɑ, denie denie.

Mɑɑlk 16:16

Wun nbɑ kul tien yɑdɑ, k b wul’ɔ Yennu nyunwulu, u sɑɑ lɑ fielu, ŋɑɑn wun nbɑ kul k tien yɑdɑ, Yennu sɑɑ bu u buut k biil’ɔ wɑɑ.

Lɑbɑmɑnn nbɑ k Luk diɑn 7:50

K Yiesu yet puo nɑ: «A yɑdɑ nɑ pɑɑk, ɑ lɑ fielu wɑɑ. L pɑɑk, i sɑɑ nɑn mɑnu.»

Lɑbɑmɑnn nbɑ k Sɑn diɑn 3:36

Dɑɑnɔ nbɑ tien Bijɑ mɑnŋ yɑdɑ mɔk mɑnfuol nbɑ kɑɑ gbennu, ŋɑɑn dɑɑnɔ nbɑ yet Bijɑ mɑnŋ, Yennu wutuol be u pɑɑk k u kɑn lɑ mɑnfuol mɑnŋ.

Lɑbɑmɑnn nbɑ k Sɑn diɑn 4:10

K Yiesu din jiin’ɔ ɑ: «L i tie k ɑ bo mi piini nbɑ k Yennu luon wun pi’ɑ nɑ, k biɑ mi mɑɑ tie wun nbɑ k mei’ɑ nyun nɑ, fin e bo sɑɑ boi’n nyun po k n sɑɑ tul’ɑ nyun nbɑ tien mɑnfuol.»

Lɑbɑmɑnn nbɑ k Sɑn diɑn 5:24

«Bɑlmɔni e k n yien’i nɑ, dɑɑnɔ nbɑ gbɑt n mɑɑn nɑ, k biɑ tien wun nbɑ tun’n nɑ yɑdɑ, ŋuɑ e mɔk mɑnfuol nbɑ kɑɑ gbennu, k Yennu kɑn bu u buut k biil’ɔ. U biɑ ponŋ nyii kuun nuu ni wɑɑ, k be mɑnfuol mɑnŋ ni e.

Lɑbɑmɑnn nbɑ k Sɑn diɑn 6:35

K u yet’b ɑ: «Min e tie mɑnfuol pɑɑnu mɑnŋ. Dɑɑnɔ nbɑ bɑɑl n buol ni, kon kɑn mi k suol l dɑɑnɔ, k wun nbɑ mun tien’n yɑdɑ, nyun-nyuklu kɑn mi k suol’ɔ.

Lɑbɑmɑnn nbɑ k Sɑn diɑn 6:37

Wun nbɑ kul k n Bɑɑ mɑnŋ jii’u k tul’n nɑ, sɑɑ bɑɑl n buol ni, k n kɑn mi bel wun nbɑ bɑɑl n buol ni,

Lɑbɑmɑnn nbɑ k Sɑn diɑn 6:40

Nnɑ e k n Bɑɑ Yennu luon, ɑ wun nbɑ lɑ u Bijɑ k tien’ɔ yɑdɑ, u sɑɑ lɑ mɑnfuol nbɑ kɑɑ gbennu, k n tɑn sɑɑ fiin’m kuun ni tingbounŋ cincɑɑtdɑɑl.»

Lɑbɑmɑnn nbɑ k Sɑn diɑn 6:44

Suɑ kɑn fit k bɑɑl n buol ni k tien n yuɑ, k l k tie k Bɑɑ mɑnŋ nbɑ tun’n nɑ kɑɑ te k u bɑɑl, k n tɑn sɑɑ fiin l dɑɑnɔ kuun ni tingbounŋ cincɑɑtdɑɑl.

Lɑbɑmɑnn nbɑ k Sɑn diɑn 6:65

K u biɑ ŋɑnm yet ɑ: «L pɑɑk e te k n yien’i ɑ suɑ kɑn fit bɑɑl n buol ni, sie k Bɑɑ mɑnŋ e cɑb’ɔ.»

Tuonɑ 13:39

Yiesu pɑɑk e k Yennu ji yet ɑ wun nbɑ kul tien yɑdɑ nɑ tie niŋɑnɔ bonɑ kul ni bɑnnu nbɑ k Muois senni din k fit tun k tul’i ni.

Tuonɑ 14:27

Bɑɑ bɑɑl Antiɑɔs mɑnŋ ni nɑ, k b tikl Klistu mɔtɑɑɔk niib nɑ, k tɑn yet’b lin nbɑ kul k Yennu tun nɑn’m, nɑn wɑɑ luot sɔnu biɑnŋ nbɑ k tul bin nbɑ k tie Suifnbɑ ɑ bin tien Yiesu yɑdɑ k tien u weilɑ.

Tuonɑ 15:11

Ŋɑɑn t tien yɑdɑ nɑn t lɑ fielu Yonmdɑɑnɔ Yiesu ninkpɑbɑɔnŋ pɑɑk nɑn bɑɑ mun lɑ’l bɑnnu nbɑ nɑ.»

Tuonɑ 16:14

Puob nbɑ din gbɑt t mɑɑn mɑnŋ, b yenɔ sɑnn din tie Liidi. U din nyii Tiɑtiil e k din tie cincenmunŋ nbɑ k l dɑɑɔk pɑɑl nɑ kuɑt-tuɑ, k biɑ din jiɑntl Yennu. K Yonmdɑɑnɔ din luot u pɑl ni ɑ wun gbiint Pɔul mɑɑn nbɑ k u piɑk nɑ fɑnu.

Tuonɑ 16:31

K b jiin ɑ: «Tient Yonmdɑɑnɔ Yiesu yɑdɑ, k fin nɑn ŋɑɑtieb kul ɑ sɑɑ lɑ fielu,»

Luonmtieb 10:14

Tɔn, niib i kii tien’ɔ yɑdɑ, b sɑɑ tien nlee k miɑl’ɔ sonml po? K b i kii gbɑt lɑbɑmɑnn mɑnŋ, b sɑɑ tien nlee k tien’ɔ yɑdɑ? K b i kii muɑnt u lɑbɑmɑnn mɑnŋ, nlee k niib sɑɑ gbɑt u po?

Luonmtieb 10:17

L pɑɑk, nilɔ i gbiɑ lɑbɑmɑnn mɑnŋ, l bɑɑt nɑn yɑdɑ e, k lɑbɑmɑnn nyi niib nbɑ muɑntl Klistu mɑɑn nɑ ni e.

Luonmtieb 4:16

L pɑɑk, Yennu mɔsonn sie yɑdɑ nɑ pɑɑk e, ɑ lii tie piini nbɑ nyii Yennu buol kii biɑ kii tie Ablɑɑhɑɑnm yɑɑbuonɑ kul yɑl. L k tie bin nbɑ wɑɑ senni nɑ kuukuɑ yɑl kɑɑ, ŋɑɑn bin nbɑ kul tien Yennu yɑdɑ nɑn Ablɑɑhɑɑnm nbɑ din tien biɑnŋ nbɑ. Ablɑɑhɑɑnm e tie t kul ɑ bɑɑ,

Luonmtieb 4:5

Ŋɑɑn nilɔ nbɑ k tien senni weiu nɑ yɑdɑ, ŋɑɑn tien Yennu yɑdɑ, Yennu sɑɑ jii l dɑɑnɔ k u tie niŋɑnɔ u tuɑnn. L dɑɑnɔ yɑdɑ pɑɑk e k Yennu sɑɑ jii’u.

Luonmtieb 9:16

L pɑɑk, l k tie nisɑɑlk nbɑ luon lin nbɑ ɑmi u tuonɑ pɑɑk kɑɑ, ŋɑɑn l tie Yennu ninbɑɑɔk pɑɑk e.

Gɑɑlɑɑt-tieb 3:14

L din tie nnɑ e Yiesu Klistu ni, ɑ bin nbɑ k tie Suifnbɑ n lɑ yetŋɑnm nbɑ k Yennu din yɑt Ablɑɑhɑɑnm pɑɑk nɑ. K t i tien yɑdɑ tin gɑɑl Foŋɑnm nbɑ k Yennu din senn mɔsonn ɑ wun tul’t nɑ.

Gɑɑlɑɑt-tieb 3:22

Ŋɑɑn l diɑn Yennu lolkpel kɑdɑɑɔk ni ɑ tingbounŋ kul sɑɑk be biit yiikuo ni e, ɑ Yennu n tul bin nbɑ tien yɑdɑ nɑ piini nbɑ k u din senn mɔsonn ɑ u sɑɑ tul’b nɑ. B yɑdɑ nɑn Yiesu Klistu nɑ pɑɑk e k u sɑɑ tul’b.

Efestieb 1:19

k yin bɑnn u yiikuo nbɑ k u tun nɑn’n k tul bin nbɑ tien yɑdɑ nɑ nɑn lɑɑ gbenŋ bonciɑnn bɑnnu nbɑ. Yiikuo mɑnŋ tie lin nbɑ k u din wɑnn

Efestieb 2:10

ŋɑɑn Yennu e tien’t nnɑ, k t tie u nɑɑmi Klistu ni ɑ tin tun tuonŋɑnɑ nbɑ k u din dɔnŋ tien l siil ɑ tii tuun nɑ.

Efestieb 2:5

L pɑɑk, tɑɑ din tie kpienm t biit pɑɑk nɑ, u din te k t lɑ mɑnfuol *Klistu ni. Yennu ninkpɑbɑɔnŋ pɑɑk e k i lɑ fielu.

Fiiliiptieb 1:29

K mɑɑn Yennu cɑb’i ɑ yin tun k tul Klistu k l k tie yɑɑ tien’ɔ yɑdɑ nɑ kuukuɑ pɑɑk kɑɑ, ŋɑɑn l biɑ tie yɑɑ di fɑlɑ u pɑɑk nɑ.

Kuoluostieb 2:12

k mɑɑn i Yennu nyunwulu ni nɑ, b din pii’i nɑn Klistu e, k i biɑ fiil kuun ni nɑn’ɔ. Lin nbɑ nɑ kul din tien k mɑɑn i din tien yɑdɑ Yennu pɑnŋ nbɑ din fiin’ɔ kuun ni nɑ ni e.

2 Tesɑɑluoniiktieb 1:9

U sɑɑ dɑt b tubɑ k biil’b yuo nbɑ kɑɑ gbennu k b sii fɔk nɑn Yonmdɑɑnɔ nɑn u yiikuo nbɑ yɑb,

Hebluonbɑ 6:4

Ŋɑɑnt mɑn k tin got bin nbɑ ŋmɑt bɑɑ binbenbiik ni nɑ: b din lɑ Yennu yentu nɑ wɑɑ. B din lenm **Yendɔunŋ ni piini k biɑ din gɑɑl Foŋɑnm ɑ.

1 Piɑl 1:5

k guu yinm nbɑ k Yennu yiikuo diɑ’i i yɑdɑ pɑɑk, ɑ yin lɑ i fielu nbɑ tien siil k sɑɑ nyi pɑɑnu dɑɑjuonti nɑ.