Efestieb 2:20 - Yiesu Lɑbɑmɑnn Muɑl Ni

²⁰ Fiɑkyenn kuɑ nbɑ k sɔkniinbɑ nɑn tuomiinbɑ din fɔkn nɑ pɑɑk e, k i mun tuɑn k Yiesu Klistu mɔnŋ tie tɑnn nbɑ tien fiɑkl pɑnŋ.

Efestieb 2:20 Iomraidhean Croise

Mɑɑtieo 16:18

Fin Piɑl, min ŋɑnin yien’ɑ e, ɑ tie tɑnn e, k tɑnpiiuk nɑ pɑɑk e k n sɑɑ jii n jɑɑnti k senn, k kuun kɑn fit nyɑnn’l.

Mɑɑtieo 21:42

K Yiesu boi’b ɑ: «I dɑɑ k mi lii lɑɑ diɑn Yennu lolkpel kɑdɑɑɔk ni biɑnŋ nbɑ ɑɑ? L diɑn ɑ: ‹Tɑnn nbɑ k tɑnmɑɑlɑ yet’ɔ nɑ, ŋɑnn e set tien ŋɑɑk nɑ pɑnŋ, k Yonmdɑɑnɔ Yennu e tien nnɑ, k l tien’t bɑktnɔunŋ nɑ.› »

1 Kuolent-tieb 12:28

Ŋɑnn e k Yennu lukt tuomiinbɑ u niib sinsuuk ni k b tie sɑɑkɑb, k wei lukt sɔkniinbɑ, k wei lukt wɑntieb, k wei lukt bin nbɑ tuun bɑktnɔunŋ tuonɑ, k wei lukt bin nbɑ mɔk yiikuo k sɑɑ te k bɑɑtb pɑɑkt k wei lukt bin nbɑ sonmt lieb, k wei lukt bin nbɑ fit goli lieb tuonɑ k biɑ wɑnt’b bɑɑ sii tuun lin nbɑ nɑ, k wei lukt bin nbɑ piɑk mɑbuolu buolu.

Gɑɑlɑɑt-tieb 2:9

Sɑɑk nɑn Piɑl nɑn Sɑn nbɑ din tie nɑn jɑɑntɑli nɑ, din bɑnn nɑn Yennu e tul’n tuongɑnkɑl nɑ, k b din fuont min nɑn Bɑɑlnɑɑbɑɑs k t yok lieb nii ni k ŋɑnn e din wɑnt ɑ t kul ɑ mɔk mɔtɑɑɔk nɑn t lieb. Tinm nɑn ŋɑnm din sɑk e ɑ min nɑn Bɑɑlnɑɑbɑɑs i muɑntl lɑbɑmɑnn kii tien bin nbɑ k tie Suifnbɑ nɑ, k b mun i muɑntl kii tien Suifnbɑ.

Efestieb 3:5

lin nbɑ k u din k wɑnn niib siɑn yuo, ŋɑɑn mɔtɑɑnɑ Foŋɑnm ni e k Yennu wɑnn u tiɑɔnŋ tuomiinbɑ nɑn sɔkniinbɑ.

Kuoluostieb 2:7

k sikn i yɑdɑ jiinɑ Yennu ni, k jii i binbenŋ kul k gɑɑn u pɑɑk, k i yɑdɑ ii be u ni, k i yɑdɑ ii mɔk pɑnŋ nɑn Epɑflɑɑs nbɑ din wɑnn’i biɑnŋ nbɑ nɑ, kii tien Yennu niipuouk yuo kul ɑ.

1 Piɑl 2:6

K mɑɑn l diɑn Yennu lolkpel kɑdɑɑɔk ni, ɑ u yet ɑ: «Gotl, n lukt tɑnn k bil *Siiɔn duo ni, k l tie tɑnn nbɑ tien fiɑkl pɑnŋ, k l biɑ ŋɑn bonciɑnn, k wun nbɑ kul tien’ɔ yɑdɑ nɑ, u kɑn di fei.»

Fiitu 21:14

Duo mɑnŋ juonɑ sie tɑnɑ piik nɑn ŋɑnle pɑɑk e, k Pebik nɑ tuomiinbɑ *piik nɑn bɑnle nɑ sɑnɑ diɑn tɑnɑ piik nɑn ŋɑnle nɑ pɑɑk.