Efestieb 2:18 - Yiesu Lɑbɑmɑnn Muɑl Ni

¹⁸ Klistu pɑɑk e k Suifnbɑ nɑn bin nbɑ k tie Suifnbɑ nɑ kul ɑ fit bɑɑl Bɑɑ buol ni, u Foŋɑn-yenɔ ni.

Efestieb 2:18 Iomraidhean Croise

Mɑɑtieo 28:19

L pɑɑk, ii sɑɑ mɑn tingbounŋ nɑ ni, nibuolu kul ɑ buol ni, k sɑɑ tien’m n puolpoweitieb, k wul’b Yennu nyunwulu, Bɑɑ, nɑn Bijɑ, nɑn Foŋɑnm sɑnn ni,

Lɑbɑmɑnn nbɑ k Sɑn diɑn 10:7

L pɑɑk, k u biɑ ŋɑnm k yet’b ɑ: «Bɑlmɔni e k n yien’i nɑ, min e tie peluok nɑ tɑnmɔb.

Lɑbɑmɑnn nbɑ k Sɑn diɑn 10:9

Min e tie tɑnmɔb nɑ, k dɑɑnɔ nbɑ wei’n k kuɑ, ŋuɑ e sɑɑ lɑ fielu, k sii tun gɑɑl kuɑ, k ŋmɑt nyi, k lɑɑt jeŋɑnt.

Lɑbɑmɑnn nbɑ k Sɑn diɑn 14:6

K Yiesu jiin k yet’ɔ ɑ: «Min e tie sɔnu nɑ, k biɑ tie mɔmɔnm, k biɑ tie mɑnfuol. Suɑ kɑɑ k sɑɑ bɑɑl n Bɑɑ buol ni, k l k tie k u sint bɑɑl’n.

Luonmtieb 5:2

Yiesu ni e k t fit cɑt nɑkn Yennu k lɑ u ninkpɑbɑɔnŋ t yɑdɑ nɑ pɑɑk k ninkpɑbɑɔnŋ mɑnŋ ni k t be k wɑki. T ji mɔk pɑlpienn nbɑ kɑɑ pɑɑk k mɑɑn t mɔk dindɑnn nɑn t tɑn sii mɔk Yennu *yudɑnt.

Luonmtieb 8:15

K mɑɑn Foŋɑnm nbɑ k u tul’i nɑ, u k te k i tie dɑɑbɑ nɑn jɑŋmɑɑndɑnm kɑɑ, ŋɑɑn u te k i tie Yennu wɑɑs e, k yi Yennu ɑ: «Abbɑ! n Bɑɑ.»

1 Kuolent-tieb 12:13

Nnɑ e k t kul ɑ, *Suifnbɑ ɑmi bin nbɑ k tie Suifnbɑ, dɑɑbɑ ɑmi bin nbɑ yen b mɔnŋ, Foŋɑnm kuɑ wul t kul Yennu nyunwulu ɑ tii tie gbɑnɑn-yent k t kul ɑ biɑ nyuu Foŋɑnm mɑnŋ e.

1 Kuolent-tieb 8:6

ŋɑɑn tinm yɑɑ buol ni ŋɑnin, Yen-yenɔ kuɑ e be, k ŋuɑ e tie Bɑɑ nbɑ din nɑn bonsiɑl kul, k u pɑɑk e k t fo, k Yomdɑɑn-yenɔ kuɑ e be, wun nbɑ tie Yiesu Klistu. Ŋuɑ e te k bonsiɑl kul be, k u pɑɑk e biɑk k t fo.

Gɑɑlɑɑt-tieb 4:6

Yɑɑ tie u wɑɑs nɑ pɑɑk e, k u tun u Bijɑ mɑnŋ Siek t pɑlɑ ni, k u yikn ɑ: «Abbɑ! n Bɑɑ.»

Efestieb 3:12

Tɑɑ tien Klistu yɑdɑ k be u ni nɑ pɑɑk, sɔnu ji be k t sɑɑ fit bɑɑl Yennu buol ni nɑn pɑlcienn.

Efestieb 3:14

Lin nbɑ nɑ pɑɑk, k n gbɑɑ n dunɑ pɑɑk Bɑɑ tuɑnn po,

Efestieb 4:4

Gbɑnɑn-yent kuɑ e be, k Foŋɑn-yenɔ kuɑ mun be, nnɑ e k dindɑn-yenn kuɑ mun be k Yennu yiin’i l ni.

Efestieb 6:18

Ii tuun lin nbɑ nɑ kul miɑlu ni kii boi Yennu u sonml po. Ii mei Yennu mɑn yuo kul nɑn Foŋɑnm nbɑ wɑnn’i bɑnnu nbɑ. I cekn i mɔnŋ nɑn gbɑnkul kii mei Yennu yuo kul u niib kul pɑɑk.

Kuoluostieb 1:12

T biɑ mei Yennu ɑ yin fit k tul’ɔ niipuouk, k mɑɑn u te k i mun biɑ lɑ bonɑ nbɑ k ŋuɑ Yennu din senn mɔsonn, ɑ u sɑɑ tul u niib u yentu nɑɑn ni nɑ.

Hebluonbɑ 7:19

k mɑɑn Muois senni mɑnŋ din k fit te k siɑl ŋɑn. Ŋɑɑn mɔtɑɑnɑ t ji mɔk lin nbɑ tul’t dindɑnn nbɑ cie nɑ, k l ni e k t cɑt nɑkn Yennu buol ni.

Sɑɑk 3:9

Jeln nbɑ k t diɑ k piɑk dont t Bɑɑ Yennu nbɑ tie Yonmdɑɑnɔ nɑ, l jeln e k t biɑ diɑ k puol nifosɑɑli mɔi, bin nbɑ k Yennu din nɑn’m u nɑɑɔnŋ ni.

1 Piɑl 1:17

L i tie k i mei Yennu, i yi’u Bɑɑ e, k ŋuɑ e bu niib kul buut nɑn bɑɑ tun biɑnŋ nbɑ nɑ, k ningɑnni kɑɑ. L pɑɑk, yɑɑ be tingbounŋ nɑ ni, ii tiin’ɔ mɑn yuo kul.

1 Piɑl 1:21

Klistu ni e k i tien Yennu yɑdɑ, k Yennu tie wun nbɑ din fiin’ɔ kuun ni k tul’ɔ yudɑnt. L pɑɑk, k i yɑdɑ nɑn i dindɑnn be Yennu ni.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.

Suud 1:20

Ŋɑɑn n yuɑsnbɑ, i cie i pɑlɑ mɑn, i yɑdɑ nbɑ nyii Yennu tiɑɔnŋ buol ni nɑ pɑɑk, kii mei Yennu Foŋɑnm yiikuo ni,