Efestieb 2:13 - Yiesu Lɑbɑmɑnn Muɑl Ni

¹³ Ŋɑɑn mɔtɑɑnɑ, Yiesu Klistu ni e, k yinm nbɑ din fɔk nɑn’ɔ nɑ, ji nyɑt nɑkn’ɔ wɑɑ yit u mɔnŋ sɑlk nɑ pɑɑk.

Efestieb 2:13 Iomraidhean Croise

Lɑbɑmɑnn nbɑ k Sɑn diɑn 10:16

Pelei be k tie n yɑb, ŋɑɑn ŋɑnm k tie peluok mɑnŋ ni yɑb. Sie k n bɑɑl nɑn ŋɑnm mun biɑk, k b sɑɑ gbɑt n kunkɔl, k b kul ji sii tie pebuolyenŋ, k mɔk pekpɑɑyenŋ kuɑ.

Tuonɑ 15:14

Siimɔn yet’t biɑnŋ nbɑ k Yennu sint tin bin nbɑ k tie Suifnbɑ ninbɑtinu, k nyinn niib b ni ɑ bii tie u mɔnŋ niib.

Tuonɑ 2:39

k mɑɑn u ponŋ din senn mɔsonn k tul yinm nɑn i wɑɑs nɑn bin nbɑ kul be bɑnfɔkl k yɑb bonciɑnn k Yonmdɑɑnɔ Yennu tɑn sɑɑ yiin’m nɑ.»

Tuonɑ 22:21

K Yonmdɑɑnɔ yet’n ɑ: ‹Fin i sɑɑ wɑɑ, min e yɑɑ n tun’ɑ niib nbɑ be bɑnfɔkl k k tie Suifnbɑ nɑ tini ni.› »

Tuonɑ 26:18

Fin e tie wun nbɑ sɑɑ yent b nunm po, k bin nyi bunbɔnn ni k kuɑ yentu ni, k biɑ nyinn’b *Sɑɑtɑn yiikuo ni k bin kuɑ Yennu yiikuo ni, ɑ bin lɑ nyikcɑbu k biɑ lɑ yiɑl bin nbɑ tie Yennu niib b yɑdɑ pɑɑk nɑ sinsuuk ni.› »

Luonmtieb 8:1

Tɔn, mɔtɑɑnɑ Yennu kɑn bu k biil bin nbɑ be Yiesu *Klistu ni,

1 Kuolent-tieb 1:30

Ŋuɑ Yennu e tɑɑn’i nɑn Yiesu Klistu k Klistu mɑnŋ tien’t yɑn. U pɑɑk e k Yennu yet ɑ t tie niŋɑnm u buol k te k t tie u tiɑɔnŋ niib k biɑ nyinn’t t biit dɑɑbs ni.

1 Kuolent-tieb 12:13

Nnɑ e k t kul ɑ, *Suifnbɑ ɑmi bin nbɑ k tie Suifnbɑ, dɑɑbɑ ɑmi bin nbɑ yen b mɔnŋ, Foŋɑnm kuɑ wul t kul Yennu nyunwulu ɑ tii tie gbɑnɑn-yent k t kul ɑ biɑ nyuu Foŋɑnm mɑnŋ e.

1 Kuolent-tieb 6:11

I siɑb din tie nnɑ e, ŋɑɑn k Yennu wuul i biit nɑ k senn’i k i tie u niib k u biɑ yet ɑ i tie niŋɑnm Yonmdɑɑnɔ Yiesu Klistu sɑnn ni nɑn t Yennu Siek yiikuo ni.

2 Kuolent-tieb 5:17

L pɑɑk, nilɔ nbɑ be Klistu ni, l dɑɑnɔ ji tie nipɑɑmɔ e. Bonkpel kul ji bot e, k bonpɑɑnn ji be u ni.

Gɑɑlɑɑt-tieb 3:28

L pɑɑk, bɔktu ji k be bin nbɑ tie Suifnbɑ nɑn bin nbɑ k tie Suifnbɑ sinsuuk ni, l biɑ k be bin nbɑ tie dɑɑbɑ nɑn yent-n-mɔnŋ dɑnm sinsuuk ni. Bɔktu biɑ k be puob nɑn jɑb sinsuuk ni. Yɑɑ be Yiesu Klistu ni nɑ pɑɑk e te k i kul ɑ tie yenɔ kuɑ.

Efestieb 1:1

Min Pɔul wun nbɑ k Yennu gɑnn’n ɑ n tien Yiesu *Klistu *tuomi nɑ, fuont bin nbɑ tie Yennu yɑb k be Efes duo ni, k tien Yiesu Klistu yɑdɑ nɑ.

Efestieb 1:7

Yennu nyinn’t biit dɑɑbs ni u Bilonkɑk mɑnŋ sɔn pɑɑk e, k nyik cɑb t biit u ninkpɑbɑɔnŋ nbɑ yɑb nɑ pɑɑk.

Efestieb 2:10

ŋɑɑn Yennu e tien’t nnɑ, k t tie u nɑɑmi Klistu ni ɑ tin tun tuonŋɑnɑ nbɑ k u din dɔnŋ tien l siil ɑ tii tuun nɑ.

Efestieb 2:12

L yuo nɑ i din fɔk nɑn Klistu. I din tie sɑɑnm e k b k kɑɑn’i k puki’i Yennu nigɑnnkɑb ni. I din k pukn mɔsonn nbɑ k Yennu din senn k tul u niib nɑ ni. I din k mɔk dindɑnn k biɑ din k mɔk Yennu.

Efestieb 2:2

I wɑɑ tingbounŋ nɑ binbenŋ nɑn nɑlnbiit yudɑɑnɔ, wun nbɑ diɑ niib nbɑ yet Yennu mɔb nɑ mɔnŋ ɑ.

Efestieb 2:6

Tɑɑ be Yiesu Klistu ni nɑ pɑɑk k Yennu din lɑkn fiin tinm nɑn ŋuɑ kuun ni, ɑ t tɑn lɑkn kii tie nɑɑn *Yendɔunŋ ni.

Hebluonbɑ 9:18

L pɑɑk e te k sinsinn lol nɑ din mɔk nyuɑt sɔn mɑlunŋ puolpo nɑ kuukuɑ.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.

Fiitu 5:9

K b yiin yɑnpɑɑnŋ k tien Pebik nɑ k yien ɑ: «A set jɑnŋ nɑn fɑn gɑɑl kɑdɑpuɑbl nɑ k tɑbt l yiit nɑ, k mɑɑn ɑ din kpo e k jii ɑ sɔn k dɑɑ niib k tul Yennu. Niib mɑnŋ nyii buolu kul ni, nɑn mɑbuolu kul ni, nɑn nibuolu kul ni, nɑn tini kul niib ni.