Efestieb 1:6 - Yiesu Lɑbɑmɑnn Muɑl Ni

⁶ Ŋɑɑnt k tin pɑk Yennu k mɑɑn u ninkpɑbɑɔnŋ nbɑ yɑb bonciɑnn, k u mɔk nɑn’t u Bilonkɑk ni nɑ pɑɑk.

Efestieb 1:6 Iomraidhean Croise

Mɑɑtieo 17:5

K Piɑl mɔb dɑɑ k bɑɑ tinŋ, k sɑnpɑgbɑnpieonŋ sik bɑkn b pɑɑk, k b gbɑt kunkɔsiɑl nyii sɑnpɑgbɑnn nɑ ni, k yet ɑ: «N Bilonkɑk e nɑ, wun nbɑ k n nunm gbuo’u nɑ. Gbiintl u mɔb mɑn.»

Mɑɑtieo 20:9

K u tuontunnɑ sɑɑkuɑ mɑnŋ piin k pɑ bin nbɑ bo juont k bɑɑl nɑ, denie denie.

Mɑɑtieo 3:17

K kunkɔl nyii sɑnpɑɑpo k yet ɑ: «N Bilonkɑk e nɑ, ŋuɑ e k n nunm gbuo’u.»

Lɑbɑmɑnn nbɑ k Luk diɑn 2:14

«Yudɑnt tie Yennu nbɑ be sɑnpɑɑpo nɑ yɑl e, k mɑɑn mɑnu be Yennu nɑn niib sinsuuk ni, u lonm pɑɑk.»

Lɑbɑmɑnn nbɑ k Sɑn diɑn 10:17

«Ŋɑnn e k n Bɑɑ luon’n, k mɑɑn n yɑɑ n nyinn n mɑnfuol, k l puolpo k n biɑ sɑɑ ŋɑnm lɑ n mɑnfuol mɑnŋ.

Lɑbɑmɑnn nbɑ k Sɑn diɑn 3:35

Bɑɑ luon u Bijɑ, k kubn bonɑ kul u nuu ni.

Luonmtieb 8:1

Tɔn, mɔtɑɑnɑ Yennu kɑn bu k biil bin nbɑ be Yiesu *Klistu ni,

2 Kuolent-tieb 4:15

Lin nbɑ nɑ kul be ɑ lin sonm yinm e, k yuo kul niib bonciɑnn ji lɑɑt Yennu ninkpɑbɑɔnŋ k puki, k b tien’ɔ niipuouk bonciɑnn k b niipuouk bɑɑt nɑn dontl k tien’ɔ.

2 Kuolent-tieb 5:21

Klistu k mi tun biit, ŋɑɑn Yennu e din jinn’ɔ ɑ u tie biitdɑɑnɔ t tiɑɔnŋ biit pɑɑk. U din tun ŋɑnn e ɑ tin lɑ yentinu binbenŋ ŋuɑ Klistu ni.

Efestieb 1:12

U din tun lin nbɑ nɑ ɑ tinm nbɑ din sint mɔk dindɑnn Klistu ni nɑ, n pɑk k dont Yennu e.

Efestieb 1:14

Foŋɑnm mɑnŋ e tie *siɑlɑ nɑn t sɑɑ lɑ yetŋɑnm nbɑ k Yennu sɑɑ tul u niib nɑn yuo nbɑ k u sɑɑ nyinn’b b dɑɑbs ni gbenn. Ŋɑɑnt mɑn k tin pɑk k dont Yennu.

Efestieb 1:18

N biɑ mei’ɔ mɑɑ wun yent i pɑlɑ ni ɑ yin bɑnn dindɑnn nbɑ pɑɑk k u yiin’i nɑ, k biɑ bɑnn nɑn bonɑ nbɑ k u tɑn sɑɑ tul u niib nɑ nbɑ yɑb k biɑ ŋɑn bonciɑnn biɑnŋ nbɑ,

Efestieb 2:7

U din tun lin nbɑ nɑ, ɑ yuo nbɑ bɑɑt wun fit wɑnn suɑ kul u ninkpɑbɑɔnŋ nbɑ yɑb biɑnŋ nbɑ e, wɑɑ din tun bulcint k tul’t Yiesu Klistu ni nɑ pɑɑk.

Fiiliiptieb 1:11

k i binbenŋ n gbie nɑn yentinu luɑnɑ nbɑ nyii Yiesu Klistu buol ni nɑ, ɑ Yennu n lɑ dontl nɑn pɑku.

Fiiliiptieb 3:9

kii be u ni. N k tie niŋɑnɔ Yennu buol ni senni weiu nɑ pɑɑk kɑɑ, ŋɑɑn n tie niŋɑnɔ Yennu buol ni n yɑdɑ nɑn Klistu nɑ pɑɑk e. Yennu te k nilɔ tie niŋɑnɔ u buol ni wɑɑ tien yɑdɑ nɑ pɑɑk e.

Fiiliiptieb 4:19

N Yennu mɔktuk nbɑ nyuɑn Yiesu Klistu ni sɑɑ tul’i lin nbɑ kul k i luon

Kuoluostieb 1:13

U fɑt’t bunbɔnn yiikuo ni, ŋɑɑn jii’t k kuɑn’t u Bilonkɑk nɑɑn ni.

1 Piɑl 2:5

Ii mun i tie nɑn tɑnɑ nbɑ fo k bin jii’i k mɑɑ Foŋɑnm ŋɑɑk. K yii tie Yennu tiɑɔnŋ mɑnntieb, kii mɑnn *mɑlunŋ nɑn Foŋɑnm nbɑ luon bɑnnu nbɑ, k Yiesu *Klistu pɑɑk, Yennu sɑɑ gɑɑl i mɑlunŋ ɑ.

1 Piɑl 2:9

Ŋɑɑn yinm ŋɑnin tie nigɑnnkɑb e, k biɑ tie mɑnntieb nbɑ tuun k tien kpɑnbɑl, k biɑ tie nibuolu nbɑ tie Yennu yɑb, k biɑ tie u tiɑɔnŋ niib, ɑ yii muɑntl u bulcint po, ŋuɑ nbɑ nyinn’i bunbɔnn ni, k bɑɑl nɑn’i u bɑktnɔunŋ yentu ni.

1 Piɑl 4:11

Wun nbɑ yɑɑ piini tie wuu muɑntl lɑbɑmɑnn nɑ, wuu muɑntl lin nbɑ k Yennu tien’ɔ nɑ e, k wun nbɑ yɑɑ piini tie wuu sonmt niib, wuu sonmt’b nɑn u pɑnŋ kul nbɑ k Yennu tien’ɔ nɑ, ɑ Yennu n lɑ pɑku bonsiɑl kul ni Yiesu Klistu pɑɑk. Ŋuɑ Yiesu yen pɑku nɑn pɑnŋ kul yuo nbɑ kɑɑ gbennu. * Amenn.