Efestieb 1:23 - Yiesu Lɑbɑmɑnn Muɑl Ni

²³ Klistu mɔtɑɑɔk niib tie u gbɑnɑnt e k u be b ni cɑin, wɑɑ gbie Yennu nɑɑmi kul ni nɑ.

Efestieb 1:23 Iomraidhean Croise

Lɑbɑmɑnn nbɑ k Sɑn diɑn 1:16

Wɑɑ gbie nɑn ninkpɑbɑɔnŋ nɑ, k u tul’t yetŋɑnm k pukn yetŋɑnm pɑɑk.

Luonmtieb 13:5

L pɑɑk, l kpɑɑ tɑlɑs k ɑ gɑɑl yudɑnm mɔi, k l k tie ɑ mɑntk tiin tubdɑtu nɑ kuukuɑ kɑɑ, ŋɑɑn ɑ mi ɑ pɑl ni nɑn l tie lin nbɑ ŋɑn e.

1 Kuolent-tieb 12:6

Tuonbuolu buolu mun be, ŋɑɑn Yen-yenɔ kuɑ e tuun l kul niib kul ni.

1 Kuolent-tieb 15:28

K bont kul i tɑnŋ i be Klistu nuu ni, ŋɑnn ŋɑnin u mɔnŋ tɑn sɑɑ tien u mɔnŋ Yennu, wun nbɑ te k bont kul be Klistu nuu ni nɑ, nuu ni. Nnɑ e k Yennu sii tie bont kul sɑɑk ɑ Kpɑnbɑl.

Efestieb 2:16

U kuun dɑpunpunn pɑɑk te k mɑnu ji be ŋɑnm nɑn Yennu sinsuuk ni, k u jii’b k tien’m buolyenŋ kuɑ Yennu buol ni.

Efestieb 3:10

ɑ k Klistu mɔtɑɑɔk niib pɑɑk bonɑ nbɑ kul mɔk yiikuo k be sɑnpɑɑpo n tɑn bɑnn u yɑnciɑɔnŋ nbɑ tie bɑnnu nbɑ.

Efestieb 3:19

k i fit bɑnn Klistu lonm nbɑ gɑl siɑl kul k nilɔ sɑɑ fit gbɑt l pɑɑk, k biɑ gbie nɑn Yennu benu nɑ.

Efestieb 4:10

Ŋuɑ nbɑ din sik nɑ mɑnŋ e biɑ din duo sɑnpɑnɑɑgbenŋ nɑ, ɑ wun gbien Yennu nɑɑmi kul sɑɑk.

Efestieb 4:12

U tun lin nbɑ nɑ ɑ bin nbɑ tie Yennu niib kul ɑ n fit jɑnŋ u tuonɑ mɑnŋ e, k te k Klistu gbɑnɑnt n tɑnt,

Efestieb 4:13

nɑn yuo nbɑ k t sɑɑ tɑɑn tien yonm t yɑdɑ ni nɑn tɑɑ bɑnn Yennu Bijɑ biɑnŋ nbɑ, k t sɑɑ nyik t bisn k tien nikpelɑ, k gɑɑl Klistu binbenŋ nbɑ tie dede.

Efestieb 4:4

Gbɑnɑn-yent kuɑ e be, k Foŋɑn-yenɔ kuɑ mun be, nnɑ e k dindɑn-yenn kuɑ mun be k Yennu yiin’i l ni.

Kuoluostieb 1:24

K mɔtɑɑnɑ n mɔk pɑlpienn fɑlɑ nbɑ k n di i pɑɑk nɑ ni, k mɑɑn mɑɑ di fɑlɑ mɑnŋ biɑnŋ nbɑ, n tontl Klistu fɑlɑ dinu nbɑ tenn u gbɑnɑnt pɑɑk nɑ e. Gbɑnɑnt mɑnŋ e tie u mɔtɑɑɔk niib nɑ.

Kuoluostieb 2:19

L dɑnm k gɑɑl nɑn Klistu nbɑ tie yul nɑ kɑɑ. Ŋɑɑn Klistu mun e te k gbɑnɑnt lɑɑt jiet, k tɑɑnt jiinɑ nɑn tuktɑ k l kpɑɑtl nɑn Yennu nbɑ luon biɑnŋ nbɑ nɑ.

Kuoluostieb 3:11

L pɑɑk, bɔktu ji kɑɑ bin nbɑ tie *Suifnbɑ nɑn bin nbɑ k tie Suifnbɑ sinsuuk ni. Bin nbɑ pot punɑ nɑn bin nbɑ k pot kul ɑ ji k mɔk bɔktu nɑn lieb. Bɔktu ji kɑɑ muuk ni niib nɑn duo ni yɑb sinsuuk ni. Bɔktu biɑ kɑɑ dɑɑbɑ nɑn yent-n-mɔnŋ dɑnm sinsuuk ni, ŋɑɑn Klistu kuukuɑ siɑn, k u be i kul ni.

Kuoluostieb 3:15

I ŋɑɑn k Klistu mɑnu ii diɑ i pɑlɑ kii ŋmɑktl’i. Yennu lɑkn yiin’i gbɑnɑn-yent kuɑ ni ɑ yii mɔk mɑnu mɑnŋ e. Ii tien Yennu niipuouk mɑn.