Efestieb 1:20 - Yiesu Lɑbɑmɑnn Muɑl Ni

²⁰ yuo nbɑ k u din fiin Klistu kuun ni k kɑɑn’ɔ *Yendɔunŋ ni u niidiitu po nɑ e.

Efestieb 1:20 Iomraidhean Croise

Mɑɑtieo 26:64

K Yiesu jiin ɑ: «Nnn, fin e yɑɑ. Ŋɑɑn n yien’i e, lɑɑ nyii mɔtɑɑnɑ k jii sɑɑ, i tɑn sɑɑ lɑ Nisɑɑlk Bijɑ k u kɑl Yiikuo Dɑɑnɔ niidiitu po, k biɑ tɑn sɑɑ lɑ’u k u be sɑnpɑgbɑnɑ ni k siik.»

Mɑɑtieo 28:18

Ŋɑnn e k u cɑt k nɑkn’m, ŋɑɑn yet ɑ: «Yennu tul’n sɑnpɑɑpo nɑn tinŋ ni yiikuo kul ɑ wɑɑ.

Mɑɑlk 14:62

K Yiesu jiin ɑ: «Nnn, min e nɑ. K i tɑn sɑɑ lɑ Nisɑɑlk Bijɑ k u kɑl Yɑbnt Yennu niidiitu po, k biɑ tɑn sɑɑ lɑ’u k u be sɑnpɑgbɑnɑ ni k siik.»

Mɑɑlk 16:19

Tɔn, Yonmdɑɑnɔ Yiesu nbɑ pɑk mɑɑn nɑ k gbenn yuo nbɑ, k Yennu te k u duo sɑnpɑɑpo k sɑɑ kɑl ŋuɑ Yennu niidiitu po.

Lɑbɑmɑnn nbɑ k Sɑn diɑn 10:18

Suɑ kɑɑ k sɑɑ nyinn n mɑnfuol mɑnŋ, ŋɑɑn n mɔnŋ mɔnŋ e yɑɑ n nyinn’l, k mɑɑn n mɔk yiikuo k sɑɑ nyinn’l, k biɑ mɔk yiikuo k tɑn sɑɑ lɑ’l. Nnɑ e k n Bɑɑ yet’n ɑ n tun.»

Lɑbɑmɑnn nbɑ k Sɑn diɑn 10:30

Min nɑn n Bɑɑ mɑnŋ tie yonm e.»

Tuonɑ 10:40

ŋɑɑn k Yennu din fiin’ɔ kuun ni dɑɑ ŋɑntɑ dɑɑl, k te k t lɑɑt’ɔ.

Tuonɑ 26:8

Bee k l pɑɑl i pɑɑk nɑn k i tien yɑdɑ ɑ Yennu fiint kpienm i?

Tuonɑ 4:10

ŋɑnn l ŋɑn k i kul ɑ n bɑnn, k Islɑɑeltieb kul n mun bɑnn nɑn Nɑɑsɑɑlet nilɔ Yiesu *Klistu sɑnn pɑɑk e, k juɑ mɑnŋ lɑ lɑɑfiɑ, k sie i nunm ni nɑ. L Yiesu e k i dɑɑn kpɑɑ’u dɑpunpunn pɑɑk k kpii’u nɑ, ŋɑɑn k Yennu fiin’ɔ kuun ni nɑ.

Tuonɑ 5:31

k jii’u donn’ɔ k kɑɑn’ɔ u niidiitu po, k tien’ɔ Yudɑɑnɔ nɑn Fietuɑ, ɑ k Islɑɑeltieb n lɑ yɑɑk k fit mɔ kuɑŋɑɑn k lebt binbenŋ, k biɑ fit lɑ nyikcɑbu.

Luonmtieb 1:4

Foŋɑnm din wɑnn nɑn yiikuo nɑn u set tie Yennu Bijɑ u kuun fiilu ni. Ŋuɑ e tie Yonmdɑɑnɔ Yiesu Klistu.

Luonmtieb 8:34

Ŋmee be k sɑɑ bu b buut k biil’b i? Suɑ kɑɑ, k mɑɑn Yiesu Klistu nbɑ din kpo k fiil kuun ni k biɑ be Yennu niidiitu po k tie t sindɑntinnɔ nɑ.

Efestieb 1:3

Ŋɑɑnt k tin dont wun nbɑ tie t Yonmdɑɑnɔ Yiesu Klistu Bɑɑ nɑn u Yennu. Ŋuɑ e tul’t yetŋɑnm kul nbɑ nyii sɑnpɑɑpo t sei ni tɑɑ be Klistu ni nɑ pɑɑk.

Fiiliiptieb 3:10

Lin nbɑ kul k n ji luon tie k n bɑnn Klistu, k bɑnn u kuun fiilu yiikuo, k di fɑlɑ nɑn’ɔ. N luon k n binbenkpelk n gbenn nɑn wɑɑ din kpo biɑnŋ nbɑ nɑ.

Kuoluostieb 1:16

Ŋuɑ e mɔk yiikuo lin nbɑ kul k Yennu nɑn nɑ pɑɑk, lin nbɑ kul k u nɑn tinŋ nɑ pɑɑk, nɑn lin nbɑ kul k u nɑn sɑnpɑɑpo, lin nbɑ kul k t sɑɑ fit lɑ, nɑn lin nbɑ kul k t kɑn fit lɑ, nɑlnbiit yiikuonbɑ nbɑ be sɑnpɑɑpo, nɑlnbiit kpɑnbɑlɑ, nɑlnbiit bɑtnbɑ, nɑlnbiit kpɑɑkɑ, niib nbɑ mɔk nɑlnbiit pɑnŋ. Yennu din te k Klistu nɑn bont kul k bont kul tie u yɑl.

Kuoluostieb 3:1

I din fiil nɑn *Klistu kuun ni, l pɑɑk i jii i pɑlɑ k gɑɑn nɑn *Yendɔunŋ ni bonɑ, siɑn nbɑ k Klistu kɑl Yennu niidiitu po nɑ.

Hebluonbɑ 1:3

Bijɑ mɑnŋ ni e k t lɑ yentsɑɑkɑl nbɑ nyii Yennu *yudɑnt ni, k ŋuɑ mɑnŋ e tie Yennu mɔnŋ mɔnŋ ninnɑɔnŋ, k diɑ dulnyɑ kul nɑn u mɑɑn nbɑ mɔk yiikuo nɑ. Wɑɑ din tun lin nbɑ te k niib mɔk nyikcɑbu b biit pɑɑk nɑ puolpo, k u ji kɑl Yɑbnt Yennu niidiitu po *Yendɔunŋ ni.

Hebluonbɑ 10:12

Ŋɑɑn Klistu ŋɑnin din mɑnn mɑlunŋ yonm kuɑ e, lin nbɑ mɔk yiikuo yuo kul biit pɑɑk, ŋɑɑn ŋmɑt duo *Yendɔunŋ ni k kɑl Yennu niidiitu po.

Hebluonbɑ 13:20

Yennu nbɑ tien mɑnu nɑ din fiin t Yonmdɑɑnɔ Yiesu kuun ni. Ŋuɑ Yiesu e tie Pekpɑɑjɑɑnn nbɑ kpɑɑl pei k mɑɑn u din kpo, k u sɔn ŋɑnm Yennu *lol nbɑ sii sie yuo nbɑ kɑɑ gbennu nɑ.

Hebluonbɑ 2:9

Ŋɑɑn t lɑ nɑn Yennu din sikn Yiesu yuo wɑɑnm-nnɑ mɑlɑkɑɑnbɑ buol, ɑ k Yennu ninkpɑbɑɔnŋ pɑɑk, wun kpo niib kul pɑɑk, k mɔtɑɑnɑ k t lɑ k u mɔk *yudɑnt nɑn sɑnn u kuun mɑnŋ pɑɑk.

1 Piɑl 1:3

Pɑkn mɑn Yennu nbɑ tie t Yonmdɑɑnɔ Yiesu Klistu Bɑɑ nɑ, k mɑɑn u tin’t ninbɑɑɔk bonciɑnn k tul’t mɑnfopɑɑnn Yiesu Klistu kuun fiilu pɑɑk. Lin nbɑ nɑ e te k t mɔk dindɑnn nɑn t tɑn sii mɔk mɑnfuol,

Fiitu 1:17

Mɑɑ lɑ’u yuo nbɑ k n bɑɑ duɑl u tuɑnn nɑn kpiemɔ nɑ. K u jii u niidiitu k yii n pɑɑk, ŋɑɑn yet ɑ: «Dɑɑ tiin jɑŋmɑɑni. Min e tie bont kul ɑ pinpiik nɑn l gbennu.