Efestieb 1:19 - Yiesu Lɑbɑmɑnn Muɑl Ni

¹⁹ k yin bɑnn u yiikuo nbɑ k u tun nɑn’n k tul bin nbɑ tien yɑdɑ nɑ nɑn lɑɑ gbenŋ bonciɑnn bɑnnu nbɑ. Yiikuo mɑnŋ tie lin nbɑ k u din wɑnn

Efestieb 1:19 Iomraidhean Croise

Lɑbɑmɑnn nbɑ k Sɑn diɑn 3:6

Nisɑɑlk mɑɑl nisɑɑlk, ŋɑɑn Foŋɑnm nɑ ŋɑnin mɑɑl Foŋɑnm yuɑ e.

Tuonɑ 26:18

Fin e tie wun nbɑ sɑɑ yent b nunm po, k bin nyi bunbɔnn ni k kuɑ yentu ni, k biɑ nyinn’b *Sɑɑtɑn yiikuo ni k bin kuɑ Yennu yiikuo ni, ɑ bin lɑ nyikcɑbu k biɑ lɑ yiɑl bin nbɑ tie Yennu niib b yɑdɑ pɑɑk nɑ sinsuuk ni.› »

Luonmtieb 1:16

Fei k mɔk’n nɑn k n muɑnt lɑbɑmɑnn mɑnŋ, k mɑɑn l tie Yennu yiikuo nbɑ fiel wun nbɑ kul tien yɑdɑ nɑ e. Sinsinn l tie *Suifnbɑ yɑl e, k mun biɑ tie bin nbɑ k tie Suifnbɑ nɑ kul yɑl.

2 Kuolent-tieb 4:7

Ŋɑɑn tinm nbɑ mɔk l gol nɑ tie nɑn yɑɔk bobɑ nɑ e, k l wɑnt nɑn pɑnŋ nbɑ gɑl pɑnŋ kul tie Yennu yɑl e, k l k tie t yɑl.

2 Kuolent-tieb 5:17

L pɑɑk, nilɔ nbɑ be Klistu ni, l dɑɑnɔ ji tie nipɑɑmɔ e. Bonkpel kul ji bot e, k bonpɑɑnn ji be u ni.

Efestieb 2:10

ŋɑɑn Yennu e tien’t nnɑ, k t tie u nɑɑmi Klistu ni ɑ tin tun tuonŋɑnɑ nbɑ k u din dɔnŋ tien l siil ɑ tii tuun nɑ.

Efestieb 3:20

Yennu wun nbɑ yɑɑ yiikuo tuun t ni nɑ pɑɑk, sɑɑ fit tun bonsiɑl kul nbɑ kɑɑ pɑɑk yuo nbɑ k t mei Yennu kuo yuo nbɑ k t duki siɑl pɑɑk.

Efestieb 3:7

Yennu ninkpɑbɑɔnŋ pɑɑk k u din tul’n yɑɑk, ɑ n tien u tuontunnɔ, kii muɑntl u lɑbɑmɑnn u yiikuo ni.

Efestieb 6:10

Lin nbɑ juont tie nnɑ e, i cie i pɑlɑ Yonmdɑɑnɔ ni, kii mɔk yɑbint pɑnŋ nbɑ k u tul’i nɑ.

Fiiliiptieb 2:13

k mɑɑn Yennu yuɑ tuun nɑn’i e, ɑ yin fit kii luon kii biɑk kii tuun u lonm tuonɑ.

Fiiliiptieb 3:21

U tɑn sɑɑ lebt t tingbounŋ nɑ gbɑnɑnt k lii nɑɑn nɑn u bɑktnɔunŋ gbɑnɑnt nɑ e Yendɔunŋ ni. U tɑn sɑɑ jii pɑnŋ nbɑ te k u yen bonsiɑl kul nɑ e k tun nnɑ.

Kuoluostieb 1:29

Lin nbɑ nɑ pɑɑk k n lek yɑbi k tuun nɑn pɑnciɑɔnŋ nbɑ nyi Klistu buol k tuun n ni nɑ.

Kuoluostieb 2:12

k mɑɑn i Yennu nyunwulu ni nɑ, b din pii’i nɑn Klistu e, k i biɑ fiil kuun ni nɑn’ɔ. Lin nbɑ nɑ kul din tien k mɑɑn i din tien yɑdɑ Yennu pɑnŋ nbɑ din fiin’ɔ kuun ni nɑ ni e.

1 Tesɑɑluoniiktieb 1:5

k mɑɑn t lɑbɑmɑnn din k bɑɑl i buol ni nɑn mɔbonɑ kuukuɑ kɑɑ, ŋɑɑn l din bɑɑl nɑn yiikuo nɑn Foŋɑnm, k i din fit bɑnn nɑn l tie mɔni e k bilsuk kɑɑ. I mi tɑɑ din tuu be i penŋ biɑnŋ nbɑ, k luon tin fit sonm’i.

2 Tesɑɑluoniiktieb 1:11

L pɑɑk e k t mei Yennu yuo kul k tien’i. T mei’ɔ, ɑ wun te k yin jɑnŋ nɑn binbenŋ nbɑ k u yiin’i, ɑ i be lenŋ nɑ ni e. T mei’ɔ, ɑ wun jii u yiikuo k te k yii tuun tuonŋɑnɑ kul nbɑ k i luon, ɑ yii tuun nɑ, k gbenn tuonɑ kul nbɑ k i tuun i yɑdɑ pɑɑk nɑ.

Sɑɑk 1:18

U mɔnŋ lonm ni e k u tul’t mɑnfuol, u mɑɑn nbɑ tie bɑlmɔni nɑ pɑɑk, ɑ tii cie u bonninnɑnt kul ɑ.

1 Piɑl 4:11

Wun nbɑ yɑɑ piini tie wuu muɑntl lɑbɑmɑnn nɑ, wuu muɑntl lin nbɑ k Yennu tien’ɔ nɑ e, k wun nbɑ yɑɑ piini tie wuu sonmt niib, wuu sonmt’b nɑn u pɑnŋ kul nbɑ k Yennu tien’ɔ nɑ, ɑ Yennu n lɑ pɑku bonsiɑl kul ni Yiesu Klistu pɑɑk. Ŋuɑ Yiesu yen pɑku nɑn pɑnŋ kul yuo nbɑ kɑɑ gbennu. * Amenn.