Efestieb 1:11 - Yiesu Lɑbɑmɑnn Muɑl Ni

¹¹ Yennu tun siɑl kul u dudukt nɑn u lolɑ ni e. Nnɑ e mun k u din lukt tinm, wɑɑ ponŋ din senn lin nbɑ nɑ pɑɑk nɑ.

Efestieb 1:11 Iomraidhean Croise

Tuonɑ 13:48

Tɔn, bin nbɑ k tie Suifnbɑ mɑnŋ nbɑ din gbɑt nnɑ mɑnŋ, k b ji mɔk pɑlpienn, k piɑk Yonmdɑɑnɔ mɑɑn K bin nbɑ k Yennu lukt’b ɑ bin lɑ mɑnfuol nbɑ kɑɑ gbennu nɑ tien yɑdɑ.

Tuonɑ 2:23

Yennu mi lin nbɑ yɑɑ lin tɑn tien, k l pɑɑk k u dɔnŋ lol lol k kubn’ɔ i nuu ni, k i te k biitdɑnm kpɑɑ tɑbn’ɔ dɑpunpunn pɑɑk k kpii’u, k l wɑnt nɑn yinm e set kpii’u.

Tuonɑ 20:27

k mɑɑn n k mi k fɔlnt k ŋmɑt puolpo nɑn k n muɑnt Yennu nbɑ luon lin nbɑ nɑ kul k wɑnn’i.

Tuonɑ 20:32

«Mɔtɑɑnɑ, n jikt’i k tie’i Yennu nuu ni, k biɑ mi nɑn yɑɑ bɑnn u mɑɑn nbɑ wɑnt u ninkpɑbɑɔnŋ po, l mɑɑn mɑnŋ sɑɑ fit cie i pɑlɑ, k biɑ tul’i fɑɑl nbɑ tie bin nbɑ kul tie u yɑb nɑ yɑl.

Tuonɑ 26:18

Fin e tie wun nbɑ sɑɑ yent b nunm po, k bin nyi bunbɔnn ni k kuɑ yentu ni, k biɑ nyinn’b *Sɑɑtɑn yiikuo ni k bin kuɑ Yennu yiikuo ni, ɑ bin lɑ nyikcɑbu k biɑ lɑ yiɑl bin nbɑ tie Yennu niib b yɑdɑ pɑɑk nɑ sinsuuk ni.› »

Tuonɑ 4:28

Ŋɑnn e k b lɑkn, ɑ bin tun lin nbɑ kul k ɑ ponŋ din dukn ɑ yiikuo nɑn ɑ yɑnbuɑt, k yɑɑ l tɑn sɑɑ tien nɑ.

Luonmtieb 11:34

L diɑn Yennu lolkpel kɑdɑɑɔk ni ɑ: «Ŋmee mi Yennu dudukt i? Ŋmee sɑɑ kpɑɑn’ɔ?

Luonmtieb 8:17

Tɑɑ set tie u wɑɑs nɑ pɑɑk, t sɑɑ lɑ u bonŋɑnɑ nbɑ k u bil k guun u niib nɑ wɑɑ. T biɑ sɑɑ lɑkn nɑn Klistu k gɑɑl’l ɑ, k mɑɑn l i tie k tinm nɑn Klistu libn dii fɑlɑ, tinm nɑn ŋuɑ mun tɑn sɑɑ libn lɑ *yudɑnt ɑ.

Luonmtieb 8:28

Bin nbɑ k Yennu yiin’m nɑ, u mɔk lin nbɑ pɑɑk k u yinm e, k b mɔk lonm nɑn’ɔ, k t mi nɑn lin nbɑ kul tuun nɑ, u te k l tien bonŋɑnn k tien ŋɑnm e.

Luonmtieb 8:29

U ponŋ din senn nɑn bin nbɑ k u lukt’b nɑ, ɑ bii tie nɑn u Bijɑ nɑ, k u Bijɑ nɑ n tien Bikpelk, wɑɑs bonciɑnn sinsuuk ni.

Luonmtieb 8:30

K Yennu yiin bin nbɑ k u senn nɑ, k bin nbɑ k u yiin’m nɑ k u yet ɑ b tie niŋɑnm u buol, k bin nbɑ k u yet ɑ b tie niŋɑnm u buol nɑ, k u donn’b.

Luonmtieb 9:11

Yuo nbɑ k b dɑɑ din k mɑl’b k b k tun lin nbɑ ŋɑn ɑmi lin nbɑ b nɑ, k Yennu din yet ɑ bikpelk nɑ tɑn sii tie wɑɑlɔ po nɑ jiɑmɔ. Yennu din yet nnɑ ɑ wɑɑ lol lin nbɑ nɑ n sɑɑn tuɑnn. Wɑɑ lol lin nbɑ tie wun lukt niib e, k l pɑɑk, l k tie b tuonɑ pɑɑk kɑɑ k b tie u niib, ŋɑɑn l tie wɑɑ lol bɑnnu nbɑ k lukt’b nɑ e.

Gɑɑlɑɑt-tieb 3:18

Ŋɑɑn l i tie k niib sɑɑ cɔln senni e wɑɑ, k fit lɑ Yennu nbɑ sɑɑ tul’b piini nbɑ, ŋɑnn piini nbɑ k b gɑɑl nɑ k nyii mɔsonn nɑ ni kɑɑ.

Efestieb 1:14

Foŋɑnm mɑnŋ e tie *siɑlɑ nɑn t sɑɑ lɑ yetŋɑnm nbɑ k Yennu sɑɑ tul u niib nɑn yuo nbɑ k u sɑɑ nyinn’b b dɑɑbs ni gbenn. Ŋɑɑnt mɑn k tin pɑk k dont Yennu.

Efestieb 1:18

N biɑ mei’ɔ mɑɑ wun yent i pɑlɑ ni ɑ yin bɑnn dindɑnn nbɑ pɑɑk k u yiin’i nɑ, k biɑ bɑnn nɑn bonɑ nbɑ k u tɑn sɑɑ tul u niib nɑ nbɑ yɑb k biɑ ŋɑn bonciɑnn biɑnŋ nbɑ,

Efestieb 1:5

u din lol ɑ Yiesu Klistu ni e k u sɑɑ tien’t u wɑɑs. Lin nbɑ k u din luon k biɑ din senn e nɑ.

Efestieb 1:8

Ŋuɑ Yennu e tul’t yɑnŋɑnm nɑn bɑnnu bonciɑnn ɑ t fit gɑɑl ninbɑtinu mɑnŋ.

Efestieb 1:9

K u din wɑnn’t wuol ni lolɑ nbɑ k u din senn nɑn wɑɑ luon bɑnnu nbɑ Klistu ni nɑ.

Efestieb 3:11

T Yonmdɑɑnɔ Yiesu Klistu ni e, k u din tun lin nbɑ nɑ nɑn u lol nbɑ kɑɑ piinu nɑn gbennu nɑ nbɑ tie biɑnŋ nbɑ.

Kuoluostieb 1:12

T biɑ mei Yennu ɑ yin fit k tul’ɔ niipuouk, k mɑɑn u te k i mun biɑ lɑ bonɑ nbɑ k ŋuɑ Yennu din senn mɔsonn, ɑ u sɑɑ tul u niib u yentu nɑɑn ni nɑ.

Kuoluostieb 3:24

Ii tiɑn mɑn nɑn Yonmdɑɑnɔ mɑnŋ tɑn sɑɑ tul’i nyuɑt nbɑ tie u niib yɑl. K mɑɑn Klistu e tie bɑlmɔni Yonmdɑɑnɔ, k i tuun tien’ɔ.

Tiit 2:14

Ŋuɑ e din gɑɑl t pɑɑk k kpo, ɑ wun fɑt’t biit kul dɑɑbs ni, k te k tii tie niib nbɑ be binbenŋ nbɑ gbuot Yennu nunm nɑ ni, k biɑ kii tie u tiɑɔnŋ yɑb, k biɑ kii tie niib nbɑ nunm mɔn nɑn tuonŋɑnɑ tumu.

Tiit 3:7

Yennu ninkpɑbɑɔnŋ pɑɑk k u din tun nnɑ ɑ wun tien’t niŋɑnm u buol, k biɑ tien’t u wɑɑs nbɑ mɔk dindɑnn k t sɑɑ lɑ mɑnfuol nbɑ kɑɑ gbennu.

Hebluonbɑ 6:17

Tɔn, bin nbɑ din yɑɑ bin gɑɑl Yennu nbɑ din senn mɔsonn nbɑ nɑ, u din luon wun wɑnn’b, ɑ u kɑn mi lebt u dudukt, k l pɑɑk k u din pukn u lol u mɔsonn mɑnŋ pɑɑk.

Sɑɑk 2:5

N nɑɑ wɑlonkɑi, gbiintl mɑn, Yennu e lukt bin nbɑ tie nɑndɑnm tingbounŋ nɑ niib buol, ɑ bin tien mɔktɑ b yɑdɑ ni, k tien u wɑɑs nbɑ sɑɑ di nɑɑn nbɑ k u din senn mɔsonn, ɑ u sɑɑ tul bin nbɑ luon’ɔ nɑ.

1 Piɑl 1:4

k lɑ lin nbɑ tie Yennu wɑɑs yɑl, k l sii be yuo nbɑ kɑɑ gbennu, k kɑn biil, k l fɑnt biɑ kɑn siil, k l be *Yendɔunŋ ni

1 Piɑl 3:9

I dɑɑ tuun biit k jiint biit pɑɑk. I biɑ dɑɑ suki k jiint suɑ, ŋɑɑn jiin sukt mɑnŋ nɑn yetŋɑnm, k mɑɑn Yennu din yiin’i, ɑ yin gɑɑl u yetŋɑnm e.