2 Tiimuote 3:2 - Yiesu Lɑbɑmɑnn Muɑl Ni

² Niib tɑn sii tie jɑwudɑnm e, nɑn liklonnɑ, k wɑnt b mɔnŋ, k tie jɑpɑdɑnm nɑn bin nbɑ suki Yennu, nɑn bin nbɑ k sɑɑk b dɑnm mɔi, nɑn bin nbɑ k tiɑn ŋɑnm po, nɑn bin nbɑ k tiin Yennu.

2 Tiimuote 3:2 Iomraidhean Croise

Mɑɑtieo 15:6

l ji k tie miɑl kɑɑ nɑn wun tul u dɑnm siɑl. Yɑɑ tuun biɑnŋ nbɑ nɑ, i yiin Yennu senni yɑnn ɑ, i yejɑnm kɑɑl pɑɑk.

Lɑbɑmɑnn nbɑ k Luk diɑn 12:15

Ŋɑnn e k Yiesu ŋɑnm pɑk nibul nɑ ɑ: «Ii mi mɑn mɔktuk lonm po. K mɑɑn mɔktuk bonciɑnn kɑɑ sɑɑ te k nilɔ i mɔk mɑnfuol.»

Lɑbɑmɑnn nbɑ k Luk diɑn 16:14

Yuo nbɑ k Fɑɑliisiɑnnbɑ din gbɑt lin nbɑ nɑ, k b ji din dɑɑn Yiesu nyɑtuk, k mɑɑn b din tie liklonnɑ e.

Lɑbɑmɑnn nbɑ k Luk diɑn 6:35

«L pɑɑk, ii mɔk lonm nɑn i dɑtɑi mɑn, kii tuun bonŋɑnn kii tien’m, kii biɑ kii kpentl kii tien’m k dɑɑ dɑɑn nɑn b sɑɑ jiin ɑ. Nnɑ e k i nyuɑt sii yɑb k i biɑ sii tie Yennu wɑɑs, k mɑɑn ŋuɑ e tuun bonŋɑnn k tien bin nbɑ k tien’ɔ niipuouk, nɑn biitdɑnm.

Tuonɑ 5:36

Siɑn yuo nbɑ din gɑl, k Teudɑɑs din wɑnt u mɔnŋ nɑn u tie nijɑɑnsuɑ e k niib nɑn kobi ŋɑnnɑ nɑ din tie u puolpo juɑmu, ŋɑɑn niib nbɑ din tɑn kpii’u nɑ, u juɑmu nɑ kul ɑ din yɑt e, k u jɑgbeln nɑ gbenn.

Luonmtieb 11:18

L pɑɑk, ɑ dɑɑ mɔk pɑlbifɑɑnt nɑn sinsinn yiini nɑ. Dɑɑ mɔk pɑlbifɑɑnt, k mɑɑn ɑ tie yiinu kuukuɑ e. Jiinɑ nɑ e diɑ’ɑ, fin kɑɑ diɑ jiinɑ.

2 Kuolent-tieb 5:15

Ŋuɑ e din gɑɑl suɑ kul pɑɑk k kpo, ɑ bin nbɑ fo nɑ, b dɑɑ be k tien b mɔnŋ kɑɑ, ŋɑɑn k bii be k tul wun nbɑ din gɑɑl b pɑɑk k kpo k biɑ fiil kuun ni nɑ e.

Fiiliiptieb 2:21

Suɑ kul nbɑ ji biɑl gbɑɑ nɑn b mɔnŋ mɔnŋ yɑlɑ e jiɑk jiɑk, b k goli lin nbɑ tie Yiesu Klistu yɑl nɑ po.

Kuoluostieb 3:5

L pɑɑk, yin kpi lin nbɑ tie tingbounŋ nɑ binbenŋ i ni, lin nbɑ tie boncunconsn nɑn jɑknt tuonɑ nɑn niɑnciɑɔnŋ nɑn dudukbiit nɑn niijeu (k mɑɑn niijeu tie pɑtmɑnnu buolu yenn).

2 Tesɑɑluoniiktieb 2:4

U tɑn sɑɑ kɔn nɑn lin nbɑ kul k niib jiɑntl’l, nɑn lin nbɑ kul k niib duki nɑn l tie Yennu. U tɑn sɑɑ kɔn nɑn lin nbɑ nɑ kul k biɑ tɑn sɑɑ kuɑ Yennu jɑɑnti ŋɑsɑɑkɑk ni, k kɑl k pul u mɔnŋ Yennu.

1 Tiimuote 1:20

B siɑb e tie Hiimene nɑn Aleksɑndl, k n dɑɑn jii’b tien’m *Sɑɑtɑn nuu ni, ɑ bin bɑnn nɑn l ŋɑn bin nyik bɑɑ tuu piɑk biil bɑnnu nbɑ k jiin Yennu po.

1 Tiimuote 1:9

I tiɑn nɑn senni k sie bin nbɑ tie niŋɑnm Yennu buol ni nɑ pɑɑk kɑɑ, ŋɑɑn l sie bin nbɑ tie mɔyetdɑnm nɑ pɑɑk e, nɑn bin nbɑ k tiin Yennu, nɑn biitdɑnm pɑɑk, nɑn jɑknt dɑnm, nɑn bin nbɑ k tien Yennu nibɑɑkl pɑɑk, nɑn bin nbɑ kpi b bɑɑnbɑ nɑn b nɑɑnbɑ, nɑn nikpiilɑ,

1 Tiimuote 3:3

k dɑɑ yib dɑɑn, k dɑɑ tie kunkɔnkɔnnuk ŋɑɑn kii be suon nnɑ, k dɑɑ luon mɔniɑɔk, k biɑ dɑɑ mɔk niɑnciɑɔnŋ nɑn likli.

1 Tiimuote 6:10

k mɑɑn likli lonm e tie bonbiil kul jiinn. Nisiɑb ponŋ jii b mɔnŋ k tien liklonbiiuk nɑ ni. L pɑɑk, k b ji k tien Klistu yɑdɑ. Ŋɑnn e te k b lɑɑt pɑlbibuolu buolu.

1 Tiimuote 6:4

u mɔk jɑpɑɑt bonciɑnn e k k bɑn siɑl. K mɔniɑɔk nɑn kunkɔnɑ tie nɑn yiɑlu nɑ k wɑɑ’u, k l bɑɑt nɑn *funfunn, nɑn kunkɔnɑ, nɑn nisukt, nɑn mɑbiit,

2 Tiimuote 3:4

B tɑn sii nyi lieb puoɑ e, k tie kɑɑtkɑɑtdɑnm, k dont b mɔnŋ. B tɑn sii luon bii tuun lin nbɑ mɑn k tul’b k kii mɔk lonm nɑn Yennu.

Sɑɑk 2:8

L diɑn Yennu lolkpel kɑdɑɑɔk ni ɑ: «Ii luon *ɑ luɑ nɑn fɑɑ luon ɑ mɔnŋ biɑnŋ nbɑ nɑ.» L i tie k i wɑɑ Yennu nɑɑn sennu mɑnŋ, l ŋɑn,

Sɑɑk 4:16

Ŋɑɑn i mɔk kɑlnbɑɑni k fuɑ bɑlɑ. Yɑɑ fuɑ bɑlɑ biɑnŋ nbɑ nɑ, l tie bonbiil e.

Sɑɑk 4:6

Ŋɑɑn u biɑ mɔk ninkpɑbɑɔnŋ bonciɑnn. L pɑɑk, l diɑn Yennu lolkpel kɑdɑɑɔk ni ɑ: «Yennu kɔn nɑn kɑlnbɑɑni dɑnm e, ŋɑɑn tiin sikn-n-mɔnŋ dɑnm nɑ ninbɑɑɔk.»

1 Piɑl 5:5

Nnɑ e mun, yinm nbɑ tie nɑɑsinm nɑn sɑpɑɑnm, ii sɑɑk sɑɑkɑb mɔi, k i kul ɑ n liɑ liɑtl nbɑ tie sikn-n-mɔnŋ, k mɑɑn l diɑn Yennu lolkpel kɑdɑɑɔk ni ɑ: «Yennu kɔn nɑn kɑlnbɑɑndɑnm e, ŋɑɑn goli bin nbɑ sikn b mɔnŋ nɑn bulcint.»

2 Piɑl 2:10

Bin nbɑ wɑɑ lonbiiuk nbɑ nyii b binbenbiiuk nɑ ni nɑ, k siɑn Yennu yiikuo nɑ, Yennu set sɑɑ dɑt b tubɑ. Fɑɑk wɑntieb nbɑ k n ponŋ piɑk b po nɑ, tie tubkɑngbɑtɑ dɑnm e, k b k tiin suɑ. B k cɔln bin nbɑ be *Yendɔunŋ ni k mɔk *yudɑnt nɑ, ŋɑɑn b suki’b e.

2 Piɑl 2:12

Ŋɑɑn jɑb nɑ k mɔk dudukt; b nɑɑn nɑn muuk ni bonkob-biit nbɑ be, k niib tɑn sɑɑ suol’b k kpi’b nɑ e. B tuu suki lin nbɑ k b k gbiɑ l pɑɑk e. B tɑn sɑɑ kpi’b nɑn bɑɑ tuu kpi muuk ni bonkob-biit bɑnnu nbɑ nɑ e.

2 Piɑl 2:18

B piɑk kɑlnbɑɑni mɑɑn nbɑ k mɔk nyuɑt e, k tuun nɑn b tiɑɔnŋ lonbiiuk k pii bɑlt ɑ bin suol bin nbɑ fɑt b mɔnŋ niib nbɑ tuun biit nɑ buol ni k l dɑɑ k wei nɑ.

2 Piɑl 2:3

B sii mɔk niɑnciɑɔnŋ, k sii kpɑnn’i k ŋmɑb’i nɑn lɑbɑɑl nbɑ nyi b tiɑɔnŋ dudukt ni nɑ. L pɑɑk, l ponŋ wei wɑɑ, k b Bɑlbuulɔ tien siil, ɑ wun bu b buut k l ji kɑn wei k b biilu sɑɑ bɑɑl.

Suud 1:16

B tie bunbulmi dɑnm e, k b nunm k mi gbuo. B tuun b mɔnŋ lonbiit nbɑ wɑnt’b bɑnnu nbɑ e, k piɑk nɑn pɑlbifɑɑnt, k koln niib ɑ bin lɑ siɑl.

Fiitu 13:1

K n lɑ k muuk ni bonkobuk nyii mɔkgbenŋl ni, k mɔk yinɑ piik nɑn yulɑ ŋɑnlole, k nɑɑnfokli piik yil u yinɑ piik nɑ pɑɑk, k sɑnn nbɑ suki Yennu nɑ diɑn u yulɑ nɑ pɑɑk.

Fiitu 16:11

k biɑ suki Yennu nbɑ be *Yendɔunŋ ni nɑ, k mɑɑn b tont nɑn b nɑlɑ nɑ pɑɑk, ŋɑɑn biɑ k sɑk nɑn bin mɔ kuɑŋɑɑn k lebt binbenŋ b tuonɑ pɑɑk.

Fiitu 16:21

K sɑkɑɑnɑ nbɑ gbenŋ k l yenn kpɑi tie nɑn nɑɑl nɑ nyii sɑnpɑɑpo k tɑn bɑɑ niib pɑɑk, k b suki Yennu sɑkɑɑngbenŋɑ nbɑ bɑɑ b pɑɑk nɑ pɑɑk k mɑɑn l din tie fɑlgbenŋl.

Fiitu 16:9

K yennu nɑ ŋɑnm yekt’b nɑn muu nɑ, k b ji suki Yennu nbɑ mɔk bonbiil nɑ yiikuo nɑ sɑnn, ŋɑɑn k b lek k sɑk nɑn bin mɔ kuɑŋɑɑn k lebt binbenŋ k tul’ɔ *yudɑnt.