2 Tiimuote 2:4 - Yiesu Lɑbɑmɑnn Muɑl Ni

⁴ Seje nbɑ luon wun penn u sɑɑkuɑ pɑl tuonn ni, ji k ŋmɑt u binbenŋ nɑn lin nbɑ k tie sejenm tuonɑ ni.

2 Tiimuote 2:4 Iomraidhean Croise

Lɑbɑmɑnn nbɑ k Luk diɑn 8:14

Bonbuoli nbɑ bɑɑ kunkoni ni nɑ nɑɑn nɑn bin nbɑ gbɑt mɑɑn mɑnŋ ŋɑɑn binbenŋ dɑɑmiu nɑn mɔktuk lonm nɑn niɑnbiiuk nbɑ be tingbounŋ nɑ ni tuu nyɑkn mɑɑn mɑnŋ b pɑlɑ ni, k lin ŋɑkt.

2 Kuolent-tieb 5:9

L pɑɑk, tii biɑl gbɑnɑnt mɑnŋ ni, ɑmi tii nyik’l, t ninbinn mɔn ɑ t penn u pɑl ni e.

Gɑɑlɑɑt-tieb 5:1

Yiesu *Klistu ponŋ fɑt tinm ɑ, k tii mɔk yent-n-mɔnŋ e. L pɑɑk, i dɑɑ te k siɑl ji diɑ’i k i tie l dɑɑbl.

1 Tesɑɑluoniiktieb 2:4

Ŋɑɑn t piɑk yuo kul nɑn Yennu nbɑ luon bɑnnu nbɑ nɑ e, k mɑɑn ŋuɑ e bikn’t k biɑ tien lɑbɑmɑnn nɑ t nii ni. T k luon k tin penn nisɑɑli pɑlɑ kɑɑ, ŋɑɑn t luon tin penn Yennu nbɑ goli t pɑlɑ ni dudukt nɑ pɑl e.

2 Tiimuote 4:10

k mɑɑn Demɑɑs nyik’n ɑ. U mɔk lonm nɑn tingbounŋ bonɑ, k u sɑɑn Tesɑɑluoniik ɑ. Klesens sɑɑn Gɑɑlɑɑti wɑɑ, k Tiit mun sɑɑn Dɑɑlmɑɑti wɑɑ.

2 Piɑl 2:20

Bin nbɑ din fit fɑt b mɔnŋ tingbounŋ nɑ biit nɑ ni, k mɑɑn b din bɑnn t Yonmdɑɑnɔ Yiesu *Klistu nbɑ tie t Fietuɑ nɑ e, l biit i ŋɑnm suol’b k nyɑnn’b, b juontu tɑn sii bi k gɑl b pinpiik nbɑ din tie biɑnŋ nbɑ nɑ wɑɑ.