2 Tiimuote 2:2 - Yiesu Lɑbɑmɑnn Muɑl Ni

² Fɑɑ ponŋ din gbɑt wɑnnu nbɑ n penŋ niib bonciɑnn buol ni nɑ, ɑ jii’l k wɑnn nisiɑb nbɑ tie yɑdɑ dɑnm, bin nbɑ mun sɑɑ fit wɑnn nilieb mun.

2 Tiimuote 2:2 Iomraidhean Croise

Mɑɑtieo 13:52

K u yet’b ɑ: «L pɑɑk, Yennu *senniwɑntuɑ nbɑ kul tumi Yennu nɑɑn po wɑnnu nɑ, u tie nɑn ŋɑɑdɑɑnɔ nbɑ nyint bonkpelɑ nɑn bonpɑɑnɑ u mɔktuk ni nɑ e.»

Mɑɑtieo 24:25

Gbiintl mɑn, n ponŋ dɔnŋ yet’i e wɑɑ, k yuo mɑnŋ dɑɑ k bɑɑl.

Lɑbɑmɑnn nbɑ k Luk diɑn 12:42

K Yonmdɑɑnɔ jiin k yet’ɔ ɑ: «Tuontunlɑnɔ e tie yɑndɑɑnɔ k tuun u cɑnbɑɑ nbɑ wɑnt’ɔ biɑnŋ nbɑ? Ŋuɑ e tie wun nbɑ k u cɑnbɑɑ sɑɑ tien’ɔ tuontun-yudɑɑnɔ ɑ u goli tuontunnɑ kul nbɑ be u ŋɑɑk ni, kii tien’m mɑnn yuo kul nbɑ jɑnŋ.

1 Kuolent-tieb 4:2

Tɔn, lin nbɑ tie mɑjɑɑnn k tul tuontunnɔ tie nnɑ e, l ŋɑn k tuontunnɔ i tuun nɑn bɑlmɔni.

2 Kuolent-tieb 2:14

Ŋɑɑn Yennu yen niipuouk, k mɑɑn t tie Klistu dɑɑbɑ k wɑɑ u puolpo yuo kul, k u lin k wɑnt nɑn nyɑnnu tie u yɑl e. Yennu jii’t ɑ tin fiit Klistu k wɑnn suɑ kul mun, k u lɑbɑmɑnn tie nɑn tulɑɑli nbɑ nubl mɑn l kul po biɑnŋ nbɑ nɑ e.

2 Kuolent-tieb 3:5

T k wɑnt t mɔnŋ nɑn t sɑɑ fit tun siɑl nɑn t mɔnŋ mɔnŋ pɑnŋ kɑɑ, ŋɑɑn tɑɑ fit tuun siɑl nɑ nyii Yennu buol e.

Kuoluostieb 1:7

I din tumi Yennu ninkpɑbɑɔnŋ mɑnŋ po t tuontunluɑ Epɑɑflɑɑs wun nbɑ k t luon’ɔ nɑ buol ni. U tie Klistu tuontunnɔ nbɑ tuun nɑn bɑlmɔni i buol ni t pɑɑk,

1 Tiimuote 1:12

N tien t Yonmdɑɑnɔ Yiesu Klistu wun nbɑ tul’n pɑnŋ, ɑ mɑn tun u tuonɑ niipuouk, k mɑɑn ŋuɑ e yet ɑ n jɑnŋ nɑn u tuonɑ mɑnŋ, k te k n tuun tien’ɔ,

1 Tiimuote 1:18

N bik Tiimuote, n jikt kpɑɑni mɑnŋ k tie ɑ nuu ni, k l tɑɑ nɑn sɔkniinbɑ nbɑ din pɑk ɑ po siɑn yuo nbɑ gɑl nɑ. Jiin mɑɑn mɑnŋ k tien’l ɑ jɑtiɑt k kɔn kunkɔnŋɑnn,

1 Tiimuote 4:14

Dɑɑ tɑnmt Foŋɑnm piini nbɑ be ɑ ni k ɑ din gɑɑl’l sɔkniinbɑ mɑɑn pɑɑk yuo nbɑ k *sɑɑkɑb din yii b nii ɑ pɑɑk nɑ.

1 Tiimuote 4:6

L i tie k ɑ jii wɑnnu nbɑ nɑ k tul t nɑɑ wɑɑs nɑ, ɑ sii tie Klistu tuontunŋɑnɔ nbɑ dint u mɔnŋ nɑn Klistu lɑbɑmɑnn mɔbonɑ nɑn bɑlmɔni wɑnnu nbɑ k ɑ wɑɑ fɑnu nɑ e.

1 Tiimuote 5:22

A dɑɑ yiin ɑ nii suɑ pɑɑk yiɑn yiɑn, ɑ wuu tuun tuonsiɑl Klistu mɔtɑɑɔk niib sinsuuk ni. A dɑɑ kuɑnt ɑ nuu niib tuonbiit tumu ni, ŋɑɑn i diɑ ɑ mɔnŋ bɑnnu nbɑ k b k fit tɑɑl’ɑ l pɑɑk.

1 Tiimuote 6:12

A yɑdɑ pɑɑk kɔnin kunkɔnŋɑnn, k suol mɑnfuol nbɑ kɑɑ gbennu nbɑ k Yennu din yiin’ɑ ɑ fɑn gɑɑl yuo nbɑ k ɑ din nyinn ɑ mɔnŋ siɑlŋɑnn niib bonciɑnn nunm ni nɑ.

2 Tiimuote 3:10

Ŋɑɑn fin ŋɑnin ponŋ mi n wɑnnu po, nɑn n binbenŋ po, nɑn n dudukt po, nɑn n yɑdɑ po, nɑn n suklu po, nɑn n lonm nɑn niib po, nɑn n gbɑnkul po.

2 Tiimuote 3:14

Ŋɑɑn fin ŋɑnin, fii diɑ mɑɑn nbɑ k ɑ din tumi k gɑɑl k tien’l yɑdɑ nɑ, k mɑɑn ɑ ponŋ mi bin nbɑ din tie ɑ wɑntieb nɑ nbɑ tie biɑnŋ nbɑ.

Hebluonbɑ 2:17

Ŋɑnn e l din kpɑɑ tɑlɑs nɑn wuu tie wɑɑs mɑnŋ ninnɑɔnŋ dede, k fit tien b *mɑnntɔyudɑɑnɔ nbɑ mɔk ninbɑtinu k biɑ tie bɑlmɔni dɑɑnɔ, k fit jii u mɔnŋ k tien *mɑlunŋ k tul Yennu, k wɑɑs nɑ n lɑ nyikcɑbu b biit pɑɑk.