2 Tiimuote 1:9 - Yiesu Lɑbɑmɑnn Muɑl Ni

⁹ Ŋuɑ e fiel’t k yiin’t ɑ tii tie u yɑb, k l k tie t tuonɑ pɑɑk kɑɑ ŋɑɑn u din lol k fiel’t u ninkpɑbɑɔnŋ pɑɑk e. U din tul’t ninkpɑbɑɔnŋ mɑnŋ Yiesu Klistu ni, yuo nbɑ k u dɑɑ din k nɑn *dulnyɑ nɑ.

2 Tiimuote 1:9 Iomraidhean Croise

Mɑɑtieo 1:21

U tɑn sɑɑ mɑl bonjɑk e, k ɑ sɑɑ pul u sɑnn Yiesu, k mɑɑn u tɑn sɑɑ fiel u niib b biit ni.»

Lɑbɑmɑnn nbɑ k Luk diɑn 10:21

L yuo mɑnŋ k Foŋɑnm din te k Yiesu mɔk pɑlpienn hei, k yet ɑ: «N Bɑɑ wun nbɑ tie sɑnpɑɑpo nɑn tingbounŋ nɑ Yonmdɑɑnɔ, n piɑk’ɑ, k mɑɑn ɑ bɔl lɑbɑɑl mɑnŋ subndɑnm nɑn mitieb buol e, ŋɑɑn fiit wɑnn wɑɑs. Nnn Cɑnbɑɑ, nnɑ e k ɑ luon k ɑ tun, k l mɑn’ɑ.»

Lɑbɑmɑnn nbɑ k Sɑn diɑn 17:24

«N luon k bin nbɑ k ɑ tul’n nɑ i be mɑɑ tɑn sii be siɑn nbɑ k bin lɑ n yudɑnt nbɑ k ɑ din tul’n k suɑ k ɑ dɑɑ k nɑn dulnyɑ nɑ.

Lɑbɑmɑnn nbɑ k Sɑn diɑn 17:9

«Tɔn, mɔtɑɑnɑ n ji mei’ɑ b pɑɑk e nɑ. N k mei’ɑ tingbounŋ nɑ niib kul pɑɑk kɑɑ, ŋɑɑn mɔtɑɑnɑ n mei’ɑ bin nbɑ k ɑ tul’n nɑ pɑɑk e, k mɑɑn b tie ɑ yɑb e.

Lɑbɑmɑnn nbɑ k Sɑn diɑn 6:37

Wun nbɑ kul k n Bɑɑ mɑnŋ jii’u k tul’n nɑ, sɑɑ bɑɑl n buol ni, k n kɑn mi bel wun nbɑ bɑɑl n buol ni,

Tuonɑ 15:18

Nnɑ e k Yonmdɑɑnɔ, wun nbɑ te k b bɑnn lin nbɑ nɑ yɑɑyuo ni wɑɑ yet.› »

Tuonɑ 2:47

K yuo kul k b pɑk Yennu, k suɑ kul pɑl mei b pɑɑk. K dɑɑl kul k Yonmdɑɑnɔ biɑ ŋɑnmt k te k niib lɑɑt fielu k puki b pɑɑk.

Luonmtieb 11:14

Mi i bo i sɑɑ fit te k n mɔnŋ buolu niib i mɔk funfunn bin nbɑ k tie Suifnbɑ nɑ pɑɑk, pɑsiɑl ŋɑnn e sɑɑ te k b siɑb n lɑ fielu.

Luonmtieb 11:29

k mɑɑn Yennu k gɑɑn lin nbɑ k u tul k biɑ k lebtl u dudukt bin nbɑ k u yiin’m nɑ pɑɑk.

Luonmtieb 16:25

Ŋɑɑnt mɑn k tin dont Yennu sɑnn. Ŋuɑ e te k i set wɑɑ’u fɑnu nɑn mɑɑ muɑnt lɑbɑmɑnn k jiin Yiesu Klistu po nɑ pɑɑk. Ŋuɑ e fiit wuol ni mɑɑn nbɑ din bɔl binɑ binɑ nɑ.

Luonmtieb 3:20

Suɑ kɑɑ k sɑɑ fit tien niŋɑnɔ Yennu tuɑnn, wɑɑ wei senni nɑ nbɑ senn biɑnŋ nbɑ nɑ pɑɑk, ŋɑɑn senni nɑ pɑɑk e te k nifosɑɑlk bɑnn nɑn u tuun biit.

Luonmtieb 9:11

Yuo nbɑ k b dɑɑ din k mɑl’b k b k tun lin nbɑ ŋɑn ɑmi lin nbɑ b nɑ, k Yennu din yet ɑ bikpelk nɑ tɑn sii tie wɑɑlɔ po nɑ jiɑmɔ. Yennu din yet nnɑ ɑ wɑɑ lol lin nbɑ nɑ n sɑɑn tuɑnn. Wɑɑ lol lin nbɑ tie wun lukt niib e, k l pɑɑk, l k tie b tuonɑ pɑɑk kɑɑ k b tie u niib, ŋɑɑn l tie wɑɑ lol bɑnnu nbɑ k lukt’b nɑ e.

Luonmtieb 9:24

Tinm e tie bin nbɑ k u din yiin’t nɑ, k u k yiin’t *Suifnbɑ sinsuuk ni kuukuɑ kɑɑ, ŋɑɑn bin nbɑ k tie Suifnbɑ mun biɑ pukn lenŋ.

1 Kuolent-tieb 1:18

Klistu kuun dɑpunpunn pɑɑk lɑbɑɑl nɑ tie jɑtmɑɑn k tul bin nbɑ buol Yennu sɔnu ni, ŋɑɑn l tie Yennu yiikuo k tul tinm nbɑ wɑɑ fielu sɔnu nɑ.

Efestieb 1:11

Yennu tun siɑl kul u dudukt nɑn u lolɑ ni e. Nnɑ e mun k u din lukt tinm, wɑɑ ponŋ din senn lin nbɑ nɑ pɑɑk nɑ.

Efestieb 1:9

K u din wɑnn’t wuol ni lolɑ nbɑ k u din senn nɑn wɑɑ luon bɑnnu nbɑ Klistu ni nɑ.

Efestieb 2:5

L pɑɑk, tɑɑ din tie kpienm t biit pɑɑk nɑ, u din te k t lɑ mɑnfuol *Klistu ni. Yennu ninkpɑbɑɔnŋ pɑɑk e k i lɑ fielu.

Efestieb 3:11

T Yonmdɑɑnɔ Yiesu Klistu ni e, k u din tun lin nbɑ nɑ nɑn u lol nbɑ kɑɑ piinu nɑn gbennu nɑ nbɑ tie biɑnŋ nbɑ.

Fiiliiptieb 3:14

N tiin nɑn pɑnŋ mɑɑ n gɑɑl nyuɑt nbɑ be sɑnpɑɑpo k Yennu yiin’t ɑ tin gɑɑl Klistu ni.

1 Tesɑɑluoniiktieb 4:7

Yennu k yiin’t ɑ tii tie biitdɑnm kɑɑ, ŋɑɑn u yɑɑ tii be bɑnnu nbɑ k u tiɑɔnŋ yɑb be nɑ e.

1 Tiimuote 1:1

Min Pɔul tie Yiesu *Klistu *tuomi, k mɑɑn t Fietuɑ Yennu nɑn Yiesu Klistu wun nbɑ tie t dindɑnn nɑ tul’n mɔb.

2 Tiimuote 1:1

Min Pɔul wun nbɑ tie Yiesu *Klistu *tuomi Yennu nbɑ luon bɑnnu nbɑ nɑ pɑɑk, ɑ n muɑnt mɑnfuol nbɑ k Yennu din senn mɔsonn ɑ u sɑɑ tul’t nɑ Yiesu Klistu ni,

Tiit 1:2

Lin nbɑ nɑ nyii dindɑnn nbɑ k t mɔk nɑn t sii mɔk mɑnfuol nbɑ kɑɑ gbennu nɑ ni e. Yuo nbɑ k u dɑɑ din k nɑn dulnyɑ nɑ, Yennu nbɑ k fɑɑ fɑɑk nɑ din senn mɔsonn ɑ u sɑɑ tul’t mɑnfuol mɑnŋ.

Hebluonbɑ 3:1

N nɑɑ wɑɑs nbɑ tie Yennu yɑb k biɑ be bin nbɑ k Yennu lukt’b nɑ ni, ii goli mɑn Yiesu, wun nbɑ k Yennu din tun’ɔ ɑ wun tɑn tien *mɑnntɔyudɑɑnɔ t Yenjiɑntu sɔnu ni nɑ.

1 Piɑl 1:20

Yennu nbɑ dɑɑ din k nɑn *dulnyɑ yuo nbɑ nɑ, ŋɑɑn k u ponŋ din lukt Klistu, k tɑn nyinn’ɔ pɑɑnu dɑɑjuonti ni k tul’i.

1 Piɑl 2:9

Ŋɑɑn yinm ŋɑnin tie nigɑnnkɑb e, k biɑ tie mɑnntieb nbɑ tuun k tien kpɑnbɑl, k biɑ tie nibuolu nbɑ tie Yennu yɑb, k biɑ tie u tiɑɔnŋ niib, ɑ yii muɑntl u bulcint po, ŋuɑ nbɑ nyinn’i bunbɔnn ni, k bɑɑl nɑn’i u bɑktnɔunŋ yentu ni.

Fiitu 13:8

Niib kul nbɑ be tingbounŋ nɑ ni, k b sɑnɑ din k diɑn mɑnfuol kɑdɑɑɔk ni yuo nbɑ k *dulnyɑ dɑɑ din kɑɑ nɑ, b sɑɑ jiɑnt muuk ni bonkobuk nɑ. Mɑnfuol kɑdɑɑɔk nɑ tie Pebik nbɑ k b din kpii’u nɑ yɑl e.

Fiitu 17:8

Bonkobuk nbɑ k ɑ lɑ nɑ din fo siɑn-yuo, ŋɑɑn ji k fo, ŋɑɑn sɑɑ nyi buotsunsunŋ nbɑ kɑɑ telk nɑ ni k do, k sɑɑ sɑɑn siɑn nbɑ k b sɑɑ biil’ɔ nɑ buol. K l sɑɑ bɑkt niib nbɑ be tingbounŋ nɑ ni, k b sɑnɑ k diɑn mɑnfuol kɑdɑɑɔk ni yuo nbɑ k *dulnyɑ dɑɑ din k kɑɑ nɑ, k mɑɑn bonkobuk mɑnŋ din fo, ŋɑɑn ji k fo, ŋɑɑn biɑ tɑn sii fo.