2 Tiimuote 1:8 - Yiesu Lɑbɑmɑnn Muɑl Ni

⁸ L pɑɑk, din t Yonmdɑɑnɔ *siɑlɑ k dɑɑ tiin fei. A biɑ dɑɑ tiin fei nɑn mɑɑ be dɑnsɑlk u pɑɑk nɑ, ŋɑɑn sɑk fɑldinu nɑn’n u lɑbɑmɑnn mɑnŋ pɑɑk, nɑn Yennu nbɑ tul’ɑ pɑnŋ biɑnŋ nbɑ nɑ.

2 Tiimuote 1:8 Iomraidhean Croise

Mɑɑlk 8:38

K wun nbɑ i tiin fei k jiin min nɑn n mɑɑn nɑ po biitdɑnm nɑn tubkɑngbɑtɑ dɑnm sinsuuk ni, Nisɑɑlk Bijɑ mun sɑɑ tin fei k jiin u po yuo nbɑ k u tɑn sɑɑ jen nɑn u Bɑɑ *yudɑnt nɑn *mɑlɑkɑɑnbɑ nɑ.»

Lɑbɑmɑnn nbɑ k Luk diɑn 9:26

Wun nbɑ tiin fei k jiin min nɑn n wɑnnu nɑ po, Nisɑɑlk Bijɑ i tɑnŋ i jen nɑn u *yudɑnt, nɑn u Bɑɑ yudɑnt nɑn u *mɑlɑkɑɑnbɑ yudɑnt, l yuo mɑnŋ u tɑn sɑɑ tin’ɔ fei mun.

Lɑbɑmɑnn nbɑ k Sɑn diɑn 15:27

K i mun sii tie n *siɑlɑ, k mɑɑn i ponŋ tun be nɑn’n, lɑɑ din nyii yuo nbɑ k n din piin k tuun n tuonn nɑ.

Lɑbɑmɑnn nbɑ k Sɑn diɑn 19:35

Wun nbɑ diɑn lin nbɑ nɑ tie *siɑlɑ e k u *siɑlɑ tie mɔni, k u mun mi nɑn u piɑk mɔni e ɑ yin mun tien yɑdɑ.

Tuonɑ 5:41

Ŋɑnn mɑnŋ e k tuomiinbɑ mɑnŋ nyii tituk kɑɑnu nɑ ni nɑn pɑlpienn, Yennu nbɑ lɑ k b jɑnŋ nɑn fei dinu, Yiesu sɑnn pɑɑk nɑ.

Luonmtieb 1:16

Fei k mɔk’n nɑn k n muɑnt lɑbɑmɑnn mɑnŋ, k mɑɑn l tie Yennu yiikuo nbɑ fiel wun nbɑ kul tien yɑdɑ nɑ e. Sinsinn l tie *Suifnbɑ yɑl e, k mun biɑ tie bin nbɑ k tie Suifnbɑ nɑ kul yɑl.

Luonmtieb 16:25

Ŋɑɑnt mɑn k tin dont Yennu sɑnn. Ŋuɑ e te k i set wɑɑ’u fɑnu nɑn mɑɑ muɑnt lɑbɑmɑnn k jiin Yiesu Klistu po nɑ pɑɑk. Ŋuɑ e fiit wuol ni mɑɑn nbɑ din bɔl binɑ binɑ nɑ.

Luonmtieb 8:36

L tie nɑn lɑɑ diɑn biɑnŋ nbɑ Yennu lolkpel kɑdɑɑɔk ni nɑ ɑ: «A pɑɑk e k t be kuun fɑlɑ ni sɑn-nyiɑɔk ni wɑɑ k tɑn tuu dɑɑjuouk, k t tie nɑn pei nbɑ k b tuu tie siil ɑ bin kpi’b nɑ e.»

Luonmtieb 9:33

tɑnn nbɑ k b diɑn l po Yennu lolkpel kɑdɑɑɔk ni ɑ: «Gotl, min Yennu bil tɑnn *Siiɔn duo ni, lin nbɑ sɑɑ te k niib n gbiɑt k bɑɑ. L tie tɑnjɑgbounŋ o, k b sɑɑ bilnt l pɑɑk k bɑɑ, ŋɑɑn wun nbɑ tien’ɔ yɑdɑ, u kɑn di fei.»

1 Kuolent-tieb 1:6

Klistu *siɑlɑ nbɑ k t din tien nɑ, i gɑɑl’l fɑnu wɑɑ.

2 Kuolent-tieb 6:7

T yien niib Yennu mɑɑn nbɑ tie bɑlmɔni nɑ, k mɔk ŋuɑ Yennu pɑnŋ, k biɑ mɔk yentinu binbenŋ nbɑ tie jɑtiɑt nbɑ be t niidiitu ni nɑn niigɑnŋ ni nɑ.

Efestieb 3:1

Lin nbɑ nɑ pɑɑk e k min Pɔul wun nbɑ be dɑnsɑlk mɑɑ tuun *Klistu tuonn k tien yinm nbɑ k tie *Suifnbɑ nɑ pɑɑk, n mei Yennu.

Efestieb 3:13

L pɑɑk, n bɑln’mi e ɑ i dɑɑ te k i pɑlɑ n biil nɑn mɑɑ di fɑlɑ i pɑɑk nɑ, k mɑɑn l kul tie i nyuɑt pɑɑk e.

Efestieb 4:1

Min nbɑ be dɑnsɑlk tuonɑ nbɑ k n tuun k tien Yonmdɑɑnɔ pɑɑk, n bɑln’mi e ɑ i ŋɑɑn k i binbenŋ i tie fɑnu nɑn Yennu nbɑ din luon k lii tie biɑnŋ nbɑ nɑ yuo nbɑ k u din yiin’i nɑ.

Efestieb 4:17

Gotl mɑn, lin nbɑ k n yien’i k biɑ wɑnt’i Yonmdɑɑnɔ sɑnn ni. I ji dɑɑ be nɑn bin nbɑ k mi Yennu, k b dudukt k mɔk nyuɑt nɑ.

Fiiliiptieb 1:7

Mi i duki i po nnɑ, l ŋɑn, k mɑɑn n yɑn be i ni, yinm nbɑ k Yennu tin’i ninbɑɑɔk nɑn wɑɑ tin’n biɑnŋ nbɑ, mɑɑ dɑɑn yen n mɔnŋ k gbɑɑ lɑbɑmɑnn mɑnŋ pɑɑk, ɑ n senn’l nɑ wɑɑ, k tɑn bɑɑl yuo nbɑ k n ji be dɑnsɑlk ni nɑ.

Fiiliiptieb 3:10

Lin nbɑ kul k n ji luon tie k n bɑnn Klistu, k bɑnn u kuun fiilu yiikuo, k di fɑlɑ nɑn’ɔ. N luon k n binbenkpelk n gbenn nɑn wɑɑ din kpo biɑnŋ nbɑ nɑ.

Fiiliiptieb 4:13

Klistu nbɑ tien’n pɑnŋ nɑ pɑɑk, n sɑɑ fit set binbenŋ kul ni.

Kuoluostieb 1:11

T mei Yennu ɑ wun jii u yiikuo nbɑ yɑb nɑ k tul’i pɑnŋ. K yin fit kii mɔk pɑlmɑɑsl yuo nbɑ k fɑlɑ bɑɑl’i.

Kuoluostieb 1:24

K mɔtɑɑnɑ n mɔk pɑlpienn fɑlɑ nbɑ k n di i pɑɑk nɑ ni, k mɑɑn mɑɑ di fɑlɑ mɑnŋ biɑnŋ nbɑ, n tontl Klistu fɑlɑ dinu nbɑ tenn u gbɑnɑnt pɑɑk nɑ e. Gbɑnɑnt mɑnŋ e tie u mɔtɑɑɔk niib nɑ.

1 Tesɑɑluoniiktieb 3:4

k mɑɑn tɑɑ din dɑɑ be i buol ni yuo nbɑ nɑ, t din yet’i ɑ b tɑn sɑɑ muks’t, k mɔtɑɑnɑ i mɔnŋ mi fɑnu nɑn l set tɑn bɑɑl tie nnɑ e cib cib.

1 Tiimuote 2:6

wun nbɑ din jii u mɔnŋ k pɑ suɑ kul pɑɑk, ɑ wun nyinn’b dɑɑbs ni. Ŋɑnn e din tie *siɑlɑ yuo nbɑ k Yennu luon.

2 Tiimuote 1:10

Ŋɑɑn t Fietuɑ Yiesu Klistu bɑɑlu ni e k u fiit wɑnn’t l po, k mɑɑn Yiesu Klistu din biil kuun yiikuo, ŋɑɑn biɑ wɑnn’t ɑ lɑbɑmɑnn ni, ɑ t sɑɑ lɑ mɑnfuol nbɑ kɑɑ gbennu.

2 Tiimuote 1:12

L pɑɑk e te k n di fɑlɑ mɑnŋ, ŋɑɑn k n k tiin fei, k mɑɑn n mi wun nbɑ k n tien’ɔ yɑdɑ, k n biɑ mi k bilsuk kɑɑ nɑn u sɑɑ fit diɑ lin nbɑ k n jii k tien u nuu ni nɑ fɑnu mɔkmɔk nɑn buut dɑɑl.

2 Tiimuote 1:16

Yonmdɑɑnɔ n tin Onesiifuol ŋɑɑtieb ninbɑɑɔk, k mɑɑn u dɑɑn yuɑ cien n pɑl. U dɑɑn k tin fei nɑn mɑɑ be dɑnsɑlk nɑ pɑɑk,

2 Tiimuote 2:3

A sɑk k gɑɑl fɑldinu nɑn Yiesu Klistu sejeŋɑnɔ nɑ.

2 Tiimuote 2:8

Ii tiɑn Yiesu Klistu po. U din fiil kuun ni, k din tie * Dɑɑfiid yɑɑbuonn, nɑn mɑɑ muɑnt lɑbɑmɑnn nɑ.

2 Tiimuote 2:9

Lɑbɑmɑnn mɑnŋ pɑɑk, k n be nɑn jɑlt k di fɑlɑ nɑn biitdɑɑnɔ nɑ. Yennu mɑɑn mɑnŋ ŋɑnin k be jɑlt ni.

2 Tiimuote 4:17

Ŋɑɑn Yonmdɑɑnɔ dɑɑn be nɑn’n k tul’n pɑnŋ k n dɑɑn fit muɑnt lɑbɑmɑnn mɑnŋ kul k tul bin nbɑ k tie *Suifnbɑ nɑ kul ɑ, ɑ bin gbɑt. Ŋuɑ e dɑɑn fɑt’n yɑnbɔl mɔb ni.

2 Tiimuote 4:5

Ŋɑɑn fin ŋɑnin n yɑbl k suol ɑ mɔnŋ l kul ni. Sɑkn fɑldinu. Ii tuun ɑ tuonn nbɑ tie Yennu lɑbɑmɑnn muɑntu nɑ, k tun ɑ tuonn nbɑ tie Yennu tuontunnɔ yɑl nɑ fɑnu.

1 Piɑl 1:5

k guu yinm nbɑ k Yennu yiikuo diɑ’i i yɑdɑ pɑɑk, ɑ yin lɑ i fielu nbɑ tien siil k sɑɑ nyi pɑɑnu dɑɑjuonti nɑ.

1 Sɑn 4:14

K t din lɑ k biɑ muɑntl, ɑ Bɑɑ din tun u Bijɑ, ɑ Bijɑ mɑnŋ ii tie tingbounŋ nɑ ŋɑɑtieb Fietuɑ.

Suud 1:24

Yennu ii guu’i k i dɑɑ bɑɑ, k bɑɑl nɑn’i u tuɑnn yentsɑɑkɑl ni, k i dɑɑ mɔk biit, ŋɑɑn kii mɔk pɑlpienn bonciɑnn.

Fiitu 1:2

Sɑn din muɑnt lin nbɑ k u din lɑ nɑ kul k l tie mɑɑn nbɑ nyii Yennu buol ni, nɑn bɑlmɔni nbɑ k Yiesu Klistu din fiit k wɑnn’ɔ nɑ.

Fiitu 1:9

Min e tie Sɑn, i nɑɑ bik nɑ, k mɑɑ be Klistu ni nɑ, n tɑɑ nɑn’i k di fɑlɑ, k biɑ be Yennu nɑɑn ni, k guu nɑn suklu. Mɑɑ din lin k muɑntl Yennu mɑɑn nɑn Yiesu *siɑlɑ nɑ, k b din jii’n k sɑɑn nɑn’n Pɑɑtmuos tinŋ nbɑ k nyun lint’l nɑ ni.

Fiitu 12:11

Pebik nɑ sɔn nɑn u lɑbɑmɑnn nbɑ k b muɑntl nɑ pɑɑk e k b nyɑnn nyɑnnu, k b din yit b mɑnfuol sɑlk e k gɑɑl kuun.

Fiitu 19:10

Ŋɑnn e k n gbɑɑn u tuɑnn ɑ n jiɑnt’ɔ. K u yet’n ɑ: «Dɑɑ tie nnɑ kɑɑ, N tie fin nɑn ɑ nɑɑ wɑɑs nbɑ diɑ Yiesu bɑlmɔni *siɑlɑ nɑ tuontunluɑ e. Jiɑntl Yennu e. K mɑɑn Yiesu bɑlmɔni siɑlɑ nɑ e te k sɔkniinbɑ muɑntl b lɑbɑɑl.»