2 Tiimuote 1:7 - Yiesu Lɑbɑmɑnn Muɑl Ni

⁷ k mɑɑn Foŋɑnm nbɑ k Yennu tul’t nɑ k tien’t jɑŋmɑɑndɑnm, ŋɑɑn Foŋɑnm mɑnŋ tien’t pɑnŋ nɑn lonm, nɑn diɑ-n-mɔnŋ e.

2 Tiimuote 1:7 Iomraidhean Croise

Luonmtieb 8:15

K mɑɑn Foŋɑnm nbɑ k u tul’i nɑ, u k te k i tie dɑɑbɑ nɑn jɑŋmɑɑndɑnm kɑɑ, ŋɑɑn u te k i tie Yennu wɑɑs e, k yi Yennu ɑ: «Abbɑ! n Bɑɑ.»

1 Sɑn 4:18

T i mɔk lonm, jijiet sii kɑɑ. L i tie k lonm mɑntk be nɑn mɔni mɔni, jijiet kɑn lɑ yɑɑk kii be t ni. L i tie k nilɔ mɔk jijiet, u k mɔk lonm nɑn bɑlmɔni, k mɑɑn tubdɑtu pɑɑk e k t tuu jie.

Gɑɑlɑɑt-tieb 5:22

Ŋɑɑn Foŋɑnm te k nilɔ mɔk lonm, nɑn pɑlpienn, nɑn mɑnu, nɑn suklu, nɑn bulcint, nɑn ŋɑnm, nɑn yɑdɑ,

Lɑbɑmɑnn nbɑ k Sɑn diɑn 14:27

«N tien’i mɑnu e. N pi’i piini nbɑ tie n mɑnu e. N k tul’i nɑn tingbounŋ ŋɑɑtieb nbɑ tuu tul b lieb bɑnnu nbɑ nɑ kɑɑ. I dɑɑ mɔk pɑlbiil. I biɑ dɑɑ tiin jɑŋmɑɑni.

Lɑbɑmɑnn nbɑ k Luk diɑn 10:19

Gbiintl mɑn, n ponŋ tul’i yiikuo k i sii ŋmɑɑt wɑi nɑn nɑni pɑɑk, kii nyɑni i dɑtɑɑk pɑnŋ kul, k siɑl kɑn tien’i ni.

Tuonɑ 1:8

Ŋɑɑn yuo nbɑ k Foŋɑnm sɑɑ sik i pɑɑk, i sɑɑ lɑ yiikuo, k tɑn sii tie n siɑlɑɑdɑnm Selusɑɑlenm, nɑn Suude tinŋ kul ni, nɑn *Sɑɑmɑɑli tinŋ ni, nɑn tingbounŋ nɑ lokl kul po.»

Luonmtieb 5:5

k dindɑnn mɑnŋ ni t tɑn kɑn di fei, k mɑɑn Yennu jii lonm nbɑ k u mɔk nɑ k tien t pɑlɑ ni, Foŋɑnm nbɑ k u tul’t nɑ ni.

Hebluonbɑ 2:15

k biɑ fɑt bin nbɑ be dɑɑbs ni b mɑnfuol kul ni, bɑɑ tiin kuun jɑŋmɑɑni nɑ pɑɑk nɑ.

Tuonɑ 20:24

Ŋɑɑn n k yi n mɑnfuol k l tie siɑl, k mɑɑn min ŋɑnin luon k n tun tuonɑ nbɑ k Yonmdɑɑnɔ Yiesu tul’n nɑ e k gbenn k l tuonɑ tie k mii muɑntl lɑbɑmɑnn nbɑ wɑnt Yennu ninkpɑbɑɔnŋ po e.

1 Kuolent-tieb 2:4

N din k tumi’i k biɑ din k muɑntl lɑbɑmɑnn nɑn minu nbɑ sɑɑ mɑnŋ niib kɑɑ wɑɑ k bin sɑk’l, ŋɑɑn n din pɑk e k Foŋɑnm nɑ wɑnn u yiikuo,

Lɑbɑmɑnn nbɑ k Luk diɑn 24:49

Nnɑlɑ, min e yɑɑ n tɑn tul’i lin nbɑ k n Bɑɑ senn mɔsonn ɑ u sɑɑ tul’i nɑ. Ŋɑɑn i dɑɑ biɑl kii be mɑn Selusɑɑlenm mɔkmɔk nɑn yuo nbɑ k yiikuo tɑn sɑɑ nyi sɑnpɑɑpo k sik i pɑɑk.»

Tuonɑ 10:38

I mi biɑnŋ nbɑ k Yennu din tul Yiesu, Nɑɑsɑɑlet nilɔ nɑ, Foŋɑnm nɑn yiikuo nɑ. I biɑ mi biɑnŋ nbɑ k u din lin k tuun tuonŋɑnɑ, k biɑ te k bin nbɑ kul be pol yiikuo k yiɑl nɑ lɑ pɑɑku, k mɑɑn Yennu be nɑn’ɔ.

1 Piɑl 1:22

Mɔtɑɑnɑ yɑɑ sɑɑk bɑlmɔni lɑbɑɑl k i ji nyii biit sɔnu ni, ɑ yin fit kii luon i nɑɑ wɑɑs nɑn bɑlmɔni nɑ, ii luon i lieb mɑn nɑn i pɑlɑ kul ɑ.

Tuonɑ 21:13

Ŋɑɑn k u ji din jiin ɑ: «Bee tien k i mɔ k luon k i biil n pɑl i? N k tien siil nɑn bɑɑ sɑɑ lol’n Selusɑɑlenm nɑ pɑɑk kuukuɑ kɑɑ, ŋɑɑn n ponŋ tien siil nɑn k n kpo Yonmdɑɑnɔ Yiesu sɑnn pɑɑk.»

Kuoluostieb 1:8

k u biɑ yet’t lonm nbɑ k Foŋɑnm tul’i nɑ.

Tuonɑ 6:8

Etiɑnn nbɑ din gbie nɑn Yennu yetŋɑnm nɑn u yiikuo bonciɑnn nɑ, din tuun bɑktnɔunŋ tuonjɑɑnɑ niib nɑ sinsuuk ni.

Tuonɑ 9:22

Ŋɑɑn k Sɔul muɑnti mɑnŋ biɑ lek ŋɑnmt k puki nɑn yiikuo, k Suifnbɑ nbɑ be Dɑɑmɑɑs nɑ k fit jiin’ɔ siɑl, yuo nbɑ k u wɑnt nɑn Yiesu e set tie *Klistu k bilsuk kɑɑ nɑ.

Lɑbɑmɑnn nbɑ k Luk diɑn 8:35

K niib bɑɑl ɑ bin lɑ lin nbɑ tun nɑ, k sɑɑ bɑɑl Yiesu buol, k suɑ juɑ nbɑ k nɑlnbiit ponŋ nyii u ni nɑ, k u kɑl Yiesu buol nɑn lɑɑfiɑ nɑn u dudukt kul ɑ fɑnu, k ji liɑ tiɑt, k jɑŋmɑɑni suol niib nɑ.

Tuonɑ 26:25

K Pɔul jiin ɑ: «Cɑnbɑɑ Festus, n k wɑɑt kɑɑ. Mɑɑn nbɑ k n piɑk nɑ, l tie bɑlmɔni e, k biɑ mɔk pɑɑk.

Lɑbɑmɑnn nbɑ k Luk diɑn 15:17

L puolpo k u yɑn jen, k u yet u mɔnŋ ɑ: ‹N bɑɑ tuontunnɑ kul ɑ lɑɑt jiet di k l jɑnŋt’b, k biɑ tent, ŋɑɑn k n tɑn kpenn kon nnɑ nɑ.›

Tuonɑ 26:11

«Yuo kul n din tuu tun k muksl’b Suifnbɑ jɑɑnti diet kul ni, k din tuu luon k bii noi ɑ b k wɑɑ Yiesu. N din mɑntk donn wutuol bonciɑnn b pɑɑk k l sɑɑ yɑkl ɑ. L pɑɑk, k n biɑ lek din tuu sɑɑ doi nbɑ be tingɑni ni, k sɑɑ muksl’b biɑk.»