1 Tiimuote 5:8 - Yiesu Lɑbɑmɑnn Muɑl Ni

⁸ Wun nbɑ k goli u nikpiinm, ɑmi lin nbɑ mɑntk gɑl tie u kii fiin u mɔnŋ mɔnŋ ŋɑɑk niib po, l dɑɑnɔ ji yet u yɑdɑ wɑɑ, k wun nbɑ k tien Klistu yɑdɑ sɔ’u.

1 Tiimuote 5:8 Iomraidhean Croise

Mɑɑtieo 18:17

L i tie k u biɑ k sɑk wun gbɑt k tul’b, fɑn pɑk k wɑnn jɑɑnti niib kul ɑ, k l i tie k u biɑ k sɑk nɑn wun gbɑt k tul Yennu niib, yin ji ŋɑɑn k wuu tie nɑn *lɑnpogɑɑltuɑ nɑ ɑmi wun nbɑ k tie Yenweilɔ nɑ.»

Mɑɑtieo 7:11

L i tie k yinm nbɑ tie biitdɑnm nɑ mi biɑnŋ nbɑ k i sɑɑ tul i wɑɑs bonŋɑnɑ, i Bɑɑ nbɑ be sɑnpɑɑpo nɑ ji kɑn tul bin nbɑ mei’ɔ nɑ bonŋɑnɑ ɑɑ?

Lɑbɑmɑnn nbɑ k Sɑn diɑn 15:22

«Mi ii dinŋ ii kii sik k tɑn pɑk k tul’b, b bo kii mɔk biit, ŋɑɑn mɔtɑɑnɑ sɔnsɑu ji kɑɑ k b sɑɑ fit bɔl b biit.

1 Kuolent-tieb 6:6

Ŋɑɑn k i nɑɑwɑyenɔ sɑɑ nɑn u luɑ k b bu b buut bɑlbuulɔ nbɑ k tien Klistu yɑdɑ nɑ buol ii?

2 Kuolent-tieb 12:14

L tɑɑl muntɑ e nɑ k n tuu tie siil mɑɑ n bɑɑl i buol ni. N k yɑɑ n bɑɑl k luon siɑl kɑɑ i buol ni, ŋɑɑn n luon yinm e, k l k tie n luon i likli kɑɑ. Wɑɑs k luon bont k tien b dɑnm, ŋɑɑn wɑdɑnm e luon bont k tien wɑɑs.

2 Kuolent-tieb 6:15

Klistu nɑn *Sɑɑtɑn sɑɑ fit tɑɑn mɔb ɑɑ? Nisuɑ nbɑ wɑɑ Yiesu sɔnu nɑn wun nbɑ k wɑɑ’l, b sɑɑ fit tɑɑn binbenyenŋ ɑɑ?

Gɑɑlɑɑt-tieb 6:10

L pɑɑk, l i tie k l bɑɑl nɑn t fit tun siɑl, ŋɑɑnt k tin tun lin nbɑ ŋɑn k tul suɑ kul ɑ, ŋɑɑn mɑntk kii tuun kii tien bin nbɑ tie Klistuyɑb.

2 Tiimuote 2:12

T i ŋɑnmt yɑbi, t mun tɑn sɑɑ di nɑɑn nɑn’ɔ e, ŋɑɑn t i yɑɑ ɑ t k mi’u, u mun tɑn sii yɑɑ ɑ u k mi’t.

2 Tiimuote 3:5

B tɑn sii diɑ Yenjiɑntu sɑnn e, ŋɑɑn k sɑɑk l yiikuo. Nyint ɑ mɔnŋ l nibuolu ni.

Tiit 1:16

B yi b mɔnŋ Yenmiilɑ e, ŋɑɑn k b tuonɑ wɑnt nɑn b k sɑk bɑnn Yennu. B tie mɔyetdɑnm nɑn nibiit e, k kɑn fit tun tuonŋɑnsiɑl.

2 Piɑl 2:1

Ŋɑɑn fɑɑk sɔkniinbɑ din be *Suifnbɑ sinsuuk ni siɑn-yuo k fɑɑk wɑntieb mun biɑ sii be i sinsuuk ni. B sɑɑ lon wuol ni sɔnu k fit bɑɑl nɑn fɑɑk wɑnnu nbɑ sɑɑ buon’i. B set sɑɑ yet wɑntuɑ Yiesu, wun nbɑ din fiel’b nɑ, k b sɑɑ te k Yennu n biil’b yiɑn ɑ.

Suud 1:4

K mɑɑn nibiit din kuɑ i sinsuuk ni wuol ni e, k lebtl Yennu ninkpɑbɑɔnŋ lɑbɑɑl, ɑ bin bɔl b gbɑnɑnt lonbiiuk tuonɑ nɑ. B yet bin wei Yiesu Klistu, wun nbɑ kuukuɑ tie t yudɑɑnɔ nɑn Yonmdɑɑnɔ nɑ. L wei wɑɑ, k b tubdɑtu ponŋ diɑn Yennu lolkpel kɑdɑɑɔk ni.

Fiitu 2:13

N mi nɑn siɑn nbɑ k ɑ kɑl nɑ tie siɑn nbɑ k Sɑɑtɑn nɑɑngbounŋ nɑ be. A set wɑɑ n mɑɑn. B din tɑn kpii Antiipɑɑs nbɑ din tie n siɑlɑɑdɑɑnɔ nɑn bɑlmɔni nɑ, ɑ mɔnŋ duo nbɑ k Sɑɑtɑn be nɑ ni e. L yuo, ɑ din k nyik yɑdɑ nbɑ k ɑ tien’n nɑ.

Fiitu 3:8

N mi ɑ tuonɑ po. Gotl, n senn gɑnn nbɑ yɑɑ e, ɑ tuɑnn k suɑ kɑn fit luon. N mi nɑn ɑ k mɔk pɑnŋ, ŋɑɑn ɑ sɑk n mɑɑn nɑ k dɑɑ kpet nɑn mɔbonn ɑ.