1 Tiimuote 5:3 - Yiesu Lɑbɑmɑnn Muɑl Ni

³ Ii tien pɑkɔi nbɑ be b kuukuɑ nɑ nibɑɑkl,

1 Tiimuote 5:3 Iomraidhean Croise

Mɑɑtieo 15:6

l ji k tie miɑl kɑɑ nɑn wun tul u dɑnm siɑl. Yɑɑ tuun biɑnŋ nbɑ nɑ, i yiin Yennu senni yɑnn ɑ, i yejɑnm kɑɑl pɑɑk.

Mɑɑtieo 23:13

K Yiesu biɑ din yet ɑ: «Yinm *senniwɑntieb nɑn Fɑɑliisiɑnnbɑ nbɑ tie kpinkpɑnni dɑnm nɑ, l sii bi i pɑɑk, k mɑɑn yinm e luon Yennu nɑɑn tɑnmɔb ɑ niib dɑɑ kuɑ. I mɔnŋ mɔnŋ kɑn kuɑ, ŋɑɑn dɔk bin nbɑ luon bin kuɑ tɑnmɔb nɑ.

Lɑbɑmɑnn nbɑ k Luk diɑn 2:37

K l puolpo k u sɔlɔ tɑn kpo ŋɑɑn nyik’ɔ pɑkuɑk, k u ji mɔk binɑ piiniin nɑn ŋɑnnɑ. U din tuu k nyi Yennu jɑɑnti ŋɑsɑɑkɑk ni yennu nɑn nyiɑɔk, k jiɑntl Yennu k loln mɔb k mei’ɔ.

Lɑbɑmɑnn nbɑ k Luk diɑn 7:12

Wɑɑ din sɑɑ bɑɑl duo mɑnŋ tɑnmɔb ni yuo nbɑ, k u lɑ k b nyi duo mɑnŋ ni k jii kuun ɑ bin sɑɑn pii. Kpiemɔ mɑnŋ nɑɑ din tie pɑkuɑk e, k ŋuɑ e din tie u bijɑyenml k nibulciɑɔnŋ din ciɑnt pɑkuɑk mɑnŋ.

Lɑbɑmɑnn nbɑ k Sɑn diɑn 1:47

Yiesu nbɑ lɑ Nɑɑtɑɑniɑl k u bɑɑt u penŋ nɑ, k u pɑk u po k yet ɑ: «Mɔmɔnm Islɑɑel nilɔ e nɑ k fɑɑk kɑɑ u ni.»

Tuonɑ 6:1

L yuo nɑ k Yiesuweilɑ nbɑ ŋɑnmt yɑbtl k puki nɑ, k bunbulmi tɑn bɑɑl *Suifnbɑ nbɑ piɑk Glek mɑɑn nɑn Suifnbɑ nbɑ piɑk b mɔnŋ mɑɑn nɑ sinsuuk ni, k mɑɑn bin nbɑ piɑk Glek mɑɑn nɑ din yet ɑ b i tuol jiet dɑɑl kul, b pɑkɔi k lɑɑt b tolɑ nɑn lieb nɑ.

Tuonɑ 9:39

K u fiil k b jen nɑn’ɔ. Wɑɑ bɑɑl yuo nbɑ, k b jii’u k duo nɑn’ɔ dituɑtuk mɑnŋ ni. K pɑkɔi din be dieok nɑ ni, k b kul ŋɑɑ lint Piɑl ɑ, ŋɑɑn mɔ, k jikt b liɑtɑ nɑn b cincenɑ k wɑnt’ɔ, k yien ɑ: «Dɔlkɑɑs nbɑ tuu be u mɑnfuol ni k nyɑl lin nbɑ k tien’t e nɑ.»

Tuonɑ 9:41

K Piɑl dɔnn k suol u nuu k fiin senn’ɔ, ŋɑɑn yiin Yennu niib nɑn pɑkɔi nɑ, k tɑn jii’u k wɑnn’b nɑn u jen u mɑnfuol ni wɑɑ.

1 Tesɑɑluoniiktieb 2:6

T din k kpɑɑn, ɑ suɑ n pɑk’t kɑɑ, yinm ɑmi i lieb buol.

1 Tiimuote 5:2

kii be nɑn puokpelɑ nɑn b tie ɑ nɑɑnbɑ e nɑ, kii be nɑn puopɑɑni nɑn b tie ɑ niipuob e nɑ, kii be nɑn b kul ɑ bɑnnu nbɑ k suɑ kɑn fit tɑɑl’ɑ nɑn wɑɑn ɑ.

Sɑɑk 1:27

Gotl lin nbɑ k Bɑɑ Yennu yet ɑ l tie Yenweiu nɑn bɑlmɔni k jɑknt kɑɑ lenŋ, wun nbɑ sonmt kpiebi nɑn pɑkɔi b fɑlɑ ni, k so u mɔnŋ, ɑ tingbounŋ nɑ bonbiil dɑɑ fit kuɑnt’ɔ biit ni.

1 Piɑl 2:17

Ii tien suɑ kul nibɑɑkl, kii luon bin nbɑ tie i nɑɑ wɑɑs Klistu ni nɑ, kii tiin Yennu, kii tien kpɑnbɑl nbɑ mɔk yiikuo kul nɑ nibɑɑkl.

1 Piɑl 3:7

Puosɔlb, yinm nɑn i puob binbenŋ ni, ii diɑ i puob fɑnu kii mi nɑn b tie tɑli e i buol, kii tien’m nibɑɑkl, k mɑɑn yinm nɑn ŋɑnm kul tɑn sɑɑ gɑɑl Yennu piinŋɑnn nbɑ tie mɑnfuol. Ii tuun nnɑ mɑn k siɑl dɑɑ jeni i Yenmiɑlu.