1 Tiimuote 5:10 - Yiesu Lɑbɑmɑnn Muɑl Ni

¹⁰ kii mɔk sɑnŋɑnn u tuonŋɑnɑ pɑɑk, kii tie wun nbɑ wubl u wɑɑs fɑnu, k tuu gɑɑn sɑɑnm u ŋɑɑk ni, k tuu wu Klistuyɑb tɑɑ, k tuu sonmt tɑlɑs-dɑnm, k tuu tuun tuonŋɑnɑ buolu kul.

1 Tiimuote 5:10 Iomraidhean Croise

Mɑɑtieo 25:17

Nnɑ e k wun nbɑ mun biɑ din gɑɑl tɑɑlɑnnbɑ ŋɑnle nɑ, mun din nyii k kpent k lɑ nyuɑt tɑɑlɑnnbɑ ŋɑnle k pukn l pɑɑk.

Mɑɑtieo 5:16

Yinm mun, ii be nnɑ. Ŋɑɑnt k i yentu n yent tul nifosɑɑli, ɑ bii lɑɑt i tuonŋɑnɑ kii dont i Bɑɑ nbɑ be Yendɔunŋ ni nɑ.»

Lɑbɑmɑnn nbɑ k Luk diɑn 7:38

k din set Yiesu puol, u tɑɑ buol, ŋɑɑn mɔ, k u nyin-nyuut bɑɑ Yiesu tɑɑ pɑɑk k tɑn mɑɑk, k u din tɑn jii u yut k fiɑn Yiesu tɑɑ, k puul lol u tɑɑ, k tɑn but tulɑɑli nɑ u tɑɑ pɑɑk.

Lɑbɑmɑnn nbɑ k Luk diɑn 7:44

k din jiɑnt got puo nɑ, ŋɑɑn yet Siimɔn, «A lɑ puo nɑ wɑɑ? N kuɑ ɑ ŋɑɑk nnɑ, k ɑ k tul’n nyun k n fobt n tɑɑ, ŋɑɑn puo mɑnŋ ŋɑnin fobt n tɑɑ nɑn u nyin-nyuut, k biɑ jii u yut k fiɑl’n.

Tuonɑ 10:22

K b jiin ɑ: «Cɑnbɑɑ Kɔlnɑi e tun’t. U tie sejenm yudɑɑnɔ e, k u tie nibulcimɔ e biɑk, k jiɑntl Yennu k Suifnbɑ kul tien’ɔ nibɑɑkl. Tɔn, Yennu mɑlɑkɑ won bɑɑl yet’ɔ ɑ wun yiin’ɑ k ɑ bɑɑl u ŋɑɑk ni, k wun tɑn gbɑt lin nbɑ k ɑ sɑɑ pɑk k tul’ɔ.»

Tuonɑ 22:12

«Lenŋ e k jɑsuɑ din be k b yi’u Anɑɑniɑs, k u din tie nipiemɔ, k biɑ din diɑ Muois senni fɑnu, k Suifnbɑ kul ɑ nbɑ be Dɑɑmɑɑs nɑ din tien’ɔ nibɑɑkl bonciɑnn.

Tuonɑ 6:3

L pɑɑk, n nɑɑ wɑɑs, gotl k gɑnn jɑb bɑnlole i sinsuuk ni, bin nbɑ k i mi nɑn b gbie nɑn Foŋɑnm nɑn yɑnfɑntl, k tin tien’m tuonɑ nɑ yudɑnm,

Tuonɑ 9:36

Puosuɑ mun din be Sope, k u sɑnn yi Tɑɑbiitɑ, ŋɑɑn Glek mɑɑn ni, b din yi’u Dɔlkɑɑs, k l pɑɑk tie pɑmɔnɔ. U din tie Yiesuweilɔ e, k din tuun tuonŋɑnɑ bonciɑnn k tien niib, k biɑ din sonmt tɑlɑs-dɑnm.

Tuonɑ 9:39

K u fiil k b jen nɑn’ɔ. Wɑɑ bɑɑl yuo nbɑ, k b jii’u k duo nɑn’ɔ dituɑtuk mɑnŋ ni. K pɑkɔi din be dieok nɑ ni, k b kul ŋɑɑ lint Piɑl ɑ, ŋɑɑn mɔ, k jikt b liɑtɑ nɑn b cincenɑ k wɑnt’ɔ, k yien ɑ: «Dɔlkɑɑs nbɑ tuu be u mɑnfuol ni k nyɑl lin nbɑ k tien’t e nɑ.»

Luonmtieb 12:13

Pɑɑtl mɑn lin nbɑ k i mɔk nɑ k tul Yennu niib nbɑ k mɔk, kii gɑɑn sɑɑnm kii cɑntl’b i ŋei ni.

Efestieb 2:10

ŋɑɑn Yennu e tien’t nnɑ, k t tie u nɑɑmi Klistu ni ɑ tin tun tuonŋɑnɑ nbɑ k u din dɔnŋ tien l siil ɑ tii tuun nɑ.

Kuoluostieb 1:10

Nnɑ e k i sɑɑ fit kii be binbenŋ nbɑ k Yonmdɑɑnɔ luon. Ii tuun mɑn yuo kul lin nbɑ ŋɑn u po, kii tuun tuonŋɑnɑ buolu buolu kul. I i tuun nnɑ i tɑn sɑɑ ŋɑnm bɑnn Yennu fɑnu wɑɑ.

1 Tiimuote 2:10

ŋɑɑn kii tuun tuonŋɑnɑ nɑn puob nbɑ wɑnn b mɔnŋ nɑn b cɔln Yennu nɑ.

1 Tiimuote 3:2

L k ŋɑn k yudɑɑnɔ mɑnŋ ii tuun lin nbɑ k niib sɑɑ fit tɑɑl’ɔ l pɑɑk. L kpɑɑ tɑlɑs e k wuu mɔk puo yenɔ kuɑ, kii tie wun nbɑ fit diɑ u mɔnŋ, kii tie wun nbɑ k niib tien’ɔ nibɑɑkl, kii gɑɑn sɑɑnm u ŋɑɑk ni kii cɑntl’b, kii tie wun nbɑ sɑɑ fit tumi niib fɑnu,

1 Tiimuote 3:7

L kpɑɑ tɑlɑs k wuu tie dɑɑnɔ nbɑ k bin nbɑ k wɑɑ Klistu nɑ n yet ɑ u binbenŋ ŋɑn, k u dɑɑ mi di fei k *Sɑɑtɑn bɑluk tɑn sɑɑ mɑnn k suol’ɔ.

1 Tiimuote 5:16

Ŋɑɑn puosuɑ nbɑ tie Klistuweilɔ k pɑkɔi be u ŋɑɑk ni, l kpɑɑ tɑlɑs e nɑn wun got’b fɑnu, k dɑɑ jikt’b k jint Klistu mɔtɑɑɔk niib, k Klistu mɔtɑɑɔk niib n fit got pɑkɔi nbɑ be k k mɔk dɑnm nɑ.

1 Tiimuote 5:25

Tuonŋɑnɑ mun biɑ tie nnɑ e, l yenn-nbɑ nyii pɑɑnu wɑɑ, k lin nbɑ lek k nyii pɑɑnu ni, ŋɑɑn l kɑn fit bɔl.

1 Tiimuote 6:18

A kpɑɑn’m, ɑ bii tuun tuonŋɑnɑ, k b tuonŋɑnɑ mɑnŋ ii yɑb, k b nii i yɑɑ nɑn piini tulu.

2 Tiimuote 1:5

N tiɑn ɑ mɔmɔnm yɑdɑ po, yɑdɑ nbɑ din sint be ɑ yɑɑ Loiis nɑn ɑ nɑɑ Euniis pɑlɑ ni nɑ, k n mi nɑn l ji be ɑ pɑl ni mɔtɑɑnɑ.

2 Tiimuote 2:21

L i tie k suɑ ji nyik bonbiil tumu nbɑ k n piɑk l po nɑ, ŋɑɑn be binbenŋ nbɑ gbuot Yennu nunm nɑ, u ji nɑɑn nɑn ŋmɑnŋ nbɑ tie jɑɑnm yɑl nɑ e, k mɑɑn u tie Yonmdɑɑnɔ kuukuɑ yuɑ e k mɔk nyuɑt u buol ni, k ji ŋɑn nɑn tuonŋɑnɑ kul tumu.

2 Tiimuote 3:15

A bisn ni wɑɑ ɑ ponŋ mi Yennu lolkpel kɑdɑɑɔk. L kɑdɑɑɔk sɑɑ fit tul’ɑ yɑn k wɑnn’ɑ fɑɑ sɑɑ lɑ fielu ɑ yɑdɑ nɑn Klistu pɑɑk biɑnŋ nbɑ nɑ.

2 Tiimuote 3:17

ɑ nisuɑ kul nbɑ tie Yennu yuɑ nɑ binbenŋ ii ŋɑn, k wun tien siil kii fit kii tuun tuonŋɑnɑ buolu kul ɑ.

Tiit 2:14

Ŋuɑ e din gɑɑl t pɑɑk k kpo, ɑ wun fɑt’t biit kul dɑɑbs ni, k te k tii tie niib nbɑ be binbenŋ nbɑ gbuot Yennu nunm nɑ ni, k biɑ kii tie u tiɑɔnŋ yɑb, k biɑ kii tie niib nbɑ nunm mɔn nɑn tuonŋɑnɑ tumu.

Tiit 2:7

Bonsiɑl kul ni, fii tuun tuonŋɑnɑ nbɑ sii wɑnt niib bɑɑ sii be biɑnŋ nbɑ. Fii wɑnt niib *Klistu lɑbɑɑl nɑn ninmɔnn nɑn bɑlmɔni,

Tiit 3:1

A tiɑl’b k bin tul b tinŋ yudɑnm nɑn yiikuo-dɑnm bɑɑkl, k sɑk b mɔi, k tien siil k tun tuonŋɑnɑ kul ɑ.

Tiit 3:14

L kpɑɑ tɑlɑs k t niib ii mi bɑɑ sii tuun tuonŋɑnɑ bonciɑnn bɑnnu nbɑ, kii sonmt niib b fɑlɑ ni, k dɑɑ be binbenŋ nbɑ kɑɑ nyuɑt.

Tiit 3:8

Bɑli nɑ tie bɑlmɔni e. N luon k ɑ jii ɑ dudukt kul kii wɑnt’b lin nbɑ nɑ, k bin nbɑ tien Yennu yɑdɑ nɑ n jii b yuo kii tuun tuonŋɑnɑ nɑn ninmɔnn. Ŋɑnn e ŋɑn k mɔk nyuɑt k tul suɑ kul ɑ.

Hebluonbɑ 10:24

Ŋɑɑnt mɑn k tii guu lieb, kii mɔk lonm nɑn lieb, kii tuun tuonŋɑnɑ,

Hebluonbɑ 13:2

I dɑɑ tɑnmt sɑɑnm gɑɑlu po, k mɑɑn nisiɑb din tɑn gɑɑl mɑlɑkɑɑnbɑ sɑɑɔnŋ, ŋɑɑn k mi ɑ b tie mɑlɑkɑɑnbɑ e.

Hebluonbɑ 13:21

Yennu nbɑ tien’t mɑnu nɑ n te k i fit kii tuun tuonŋɑnɑ kul, k fit tun lin nbɑ k u luon. K Yiesu Klistu pɑɑk, wun tun t ni lin nbɑ pent u pɑl. Ŋuɑ Yiesu e mɔk *yudɑnt nɑn yuo nbɑ kɑɑ gbennu. * Amenn.

1 Piɑl 2:12

ŋɑɑn kii be bɑnnu nbɑ k tingbounŋ niib i lek i tɑɑl’i e, ŋɑɑn b sɑɑ lɑ i tuonŋɑnɑ k dont Yennu sɑnn, dɑɑl nbɑ k u tɑn sɑɑ bɑɑl nɑ.

1 Piɑl 4:9

Ii gɑɑn lieb sɑɑɔnŋ mɑn k dɑɑ buln.

3 Sɑn 1:12

Suɑ kul piɑk Demetlius, k u benu nɑ e biɑ wɑnt nɑn u wɑɑ bɑlmɔni, k t mɔnŋ mun piɑk’ɔ, k ɑ mun mi nɑn t set tie bɑlmɔni dɑnm e.