1 Tiimuote 4:8 - Yiesu Lɑbɑmɑnn Muɑl Ni

⁸ Lin nbɑ k nilɔ tuun k be lɑɑfiɑ ni mɔk nyuɑt wɑɑnm-nnɑ e, ŋɑɑn lin nbɑ k u tuun k be binbenŋ nbɑ gbuo Yennu nunm nɑ mɔk nyuɑt bonɑ kul ni, k sonmt’ɔ mɔtɑɑnɑ nɑn yuo nbɑ bɑɑt nɑ.

1 Tiimuote 4:8 Iomraidhean Croise

Mɑɑtieo 12:32

Wun nbɑ piɑk bɑlbiit k tien Nisɑɑlk Bijɑ, Yennu sɑɑ nyik cɑb’ɔ, ŋɑɑn wun nbɑ tɑn piɑk bɑlbiit k tien Foŋɑnm, Yennu kɑn nyik cɑb l dɑɑnɔ *dulnyɑ nɑ ni, ɑmi dulnyɑ nbɑ tɑn sɑɑ bɑɑl nɑ ni.»

Mɑɑtieo 19:29

K wun nbɑ kul nyik u ŋɑɑk, ɑmi u yuɑlb, ɑmi u wɑɑli, ɑmi u bɑɑ, ɑmi u nɑɑ, ɑmi u wɑɑs, ɑmi u kpɑɑnt, n pɑɑk, u tɑn sɑɑ lɑ bonɑ buolu buolu tɑɑl fuunu kobk kobk, k biɑ lɑ mɑnfuol nbɑ kɑɑ gbennu.

Mɑɑtieo 6:33

Ŋɑɑnt mɑn k i ninbinɑ i mɔn Yennu nɑɑn nɑn lin nbɑ tuok k Yennu yɑɑ yii tuun nɑ pɑɑk, k u sɑɑ jii bonɑ nbɑ nɑ kul k tul’i.

Mɑɑlk 10:30

u tɑn sɑɑ biɑ lɑ bonɑ k lin gɑl wɑɑ nyik lin nbɑ nɑ. U tɑn sɑɑ lɑ ŋei, nɑn ninjɑnm, nɑn niipuob, nɑn nɑɑnbɑ, nɑn wɑɑs, nɑn kpɑɑnt, kobi kobi e tingbounŋ nɑ ni, l i lek i tie k b muks’ɔ, k yuo nbɑ bɑɑt nɑ k u biɑ tɑn sɑɑ lɑ mɑnfuol nbɑ kɑɑ gbennu.

Lɑbɑmɑnn nbɑ k Luk diɑn 5:38

Sie k ɑ jii dɑpɑɑnin k liɑk linlenpɑɑnn ni.

Luonmtieb 8:28

Bin nbɑ k Yennu yiin’m nɑ, u mɔk lin nbɑ pɑɑk k u yinm e, k b mɔk lonm nɑn’ɔ, k t mi nɑn lin nbɑ kul tuun nɑ, u te k l tien bonŋɑnn k tien ŋɑnm e.

1 Kuolent-tieb 3:22

Min Pɔul nɑn Apuoluos nɑn Piɑl nɑn tingbounŋ nɑ, nɑn mɑnfuol nɑn kuun, nɑn mɔtɑɑnɑ nɑn yuo nbɑ bɑɑt nɑ, yinm e yen lin nbɑ nɑ kul ɑ,

1 Kuolent-tieb 8:8

Ŋɑɑn jiet kɑɑ sɑɑ te k t nɑki Yennu. T i kii dii, siɑl k puɑl’t. T i biɑ kii dii, l biɑ k pukn’t siɑl.

1 Tiimuote 4:7

Ŋɑɑn yet fɑɑk lɑbɑɑl nbɑ sɑɑ te k ɑ yɑdɑ n bɑɑ. Yɑbt ɑ mɔnŋ pɑɑk kii be bɑnnu nbɑ sii gbuot Yennu nunm.

1 Tiimuote 6:3

Suɑ i wɑnt wɑngɑnu k k wei t Yonmdɑɑnɔ Yiesu Klistu mɔbonɑ nɑn Yennu sɔnu wɑnnu nɑ,

1 Tiimuote 6:5

nɑn mɔniɑɔk yuo kul, ɑ nibiit nbɑ k b dudukt k sonm fɑnu k b k mɔk bɑlmɔni nɑ sinsuuk ni nɑ. B duki nɑn Yennu sɔnu tie sɔnu nbɑ sɑɑ te k nilɔ n tien mɔktɔ e.

1 Tiimuote 6:6

L i tie k nilɔ nunm gbuo wɑɑ mɔk lin nbɑ, u yɑdɑ nɑn Yennu set tie mɔktuk k tul’ɔ.

2 Tiimuote 3:5

B tɑn sii diɑ Yenjiɑntu sɑnn e, ŋɑɑn k sɑɑk l yiikuo. Nyint ɑ mɔnŋ l nibuolu ni.

Tiit 3:8

Bɑli nɑ tie bɑlmɔni e. N luon k ɑ jii ɑ dudukt kul kii wɑnt’b lin nbɑ nɑ, k bin nbɑ tien Yennu yɑdɑ nɑ n jii b yuo kii tuun tuonŋɑnɑ nɑn ninmɔnn. Ŋɑnn e ŋɑn k mɔk nyuɑt k tul suɑ kul ɑ.

Hebluonbɑ 13:9

I dɑɑ ŋɑɑnt k wɑnnsɑɑnɑ buolu buolu n te k i bot, k i tɑn sɑɑ mɑnn tut sɔnŋɑnu mɑnŋ. L ŋɑn k Yennu ninbɑtinu n tul nilɔ pɑnŋ u pɑl ni. Jiet *senni weiu kɑn tul’ɔ pɑnŋ. Nisiɑb nbɑ diɑ jiet *senni nɑ k lɑɑt somsiɑl l ni.

1 Sɑn 2:25

k mɔsonn nbɑ k u senn k tul’t nɑ tie ɑ, t sii be nɑn Yennu e yuo kul.

Fiitu 3:12

Wun nbɑ nyɑnn nyɑnnu nɑ, n sɑɑ tien’ɔ n Yennu jɑɑnti ŋɑsɑɑkɑk ni jɑɑntɑlk, k u ji kɑn nyi lenŋ. K n biɑ sɑɑ diɑn n Yennu sɑnn u pɑɑk, k diɑn n Yennu duo sɑnn u pɑɑk, k biɑ diɑn n mɔnŋ sɑnpɑɑnn nɑ u pɑɑk. Yennu duo mɑnŋ e tie Selusɑɑlenm pɑɑnn nbɑ sɑɑ nyi *Yendɔunŋ ni Yennu buol ni nɑ, k tɑn sik tinŋ nɑ ni.› »

Fiitu 3:21

Wun nbɑ nyɑnn nyɑnnu nɑ, n sɑɑ tul’ɔ yiikuo k wun tɑn lɑkn kɑl nɑn’n n nɑɑngbounŋ nɑ pɑɑk nɑn mɑɑ nyɑnn nyɑnnu kul k lɑkn kɑl nɑn n Bɑɑ u nɑɑngbounŋ nɑ pɑɑk biɑnŋ nbɑ nɑ.’»