1 Tiimuote 4:6 - Yiesu Lɑbɑmɑnn Muɑl Ni

⁶ L i tie k ɑ jii wɑnnu nbɑ nɑ k tul t nɑɑ wɑɑs nɑ, ɑ sii tie Klistu tuontunŋɑnɔ nbɑ dint u mɔnŋ nɑn Klistu lɑbɑmɑnn mɔbonɑ nɑn bɑlmɔni wɑnnu nbɑ k ɑ wɑɑ fɑnu nɑ e.

1 Tiimuote 4:6 Iomraidhean Croise

Mɑɑtieo 13:52

K u yet’b ɑ: «L pɑɑk, Yennu *senniwɑntuɑ nbɑ kul tumi Yennu nɑɑn po wɑnnu nɑ, u tie nɑn ŋɑɑdɑɑnɔ nbɑ nyint bonkpelɑ nɑn bonpɑɑnɑ u mɔktuk ni nɑ e.»

Lɑbɑmɑnn nbɑ k Luk diɑn 1:3

Ŋɑnn e te k n mɔnŋ boi k fiitl bonŋɑnn k lɑ l bonsiɑl kul nbɑ din piin biɑnŋ nbɑ nɑn lɑɑ din sɑɑ biɑnŋ nbɑ. Cɑnbɑɑ, n biɑ dukn nɑn l ŋɑn k n diɑn l kul k tul’ɑ

Tuonɑ 1:15

Ŋɑnn e k dɑsiɑl nnɑ, k bin nbɑ din tien Yiesu yɑdɑ nɑ nɑn kobk nɑn piinle nɑ tɑɑn tikl kɑl, k Piɑl tɑn fiil k set k yet ɑ:

Tuonɑ 20:31

L pɑɑk, ii guu mɑn k dɑɑ tɑnmt mɑɑ din kpɑɑn i kul nɑn nyin-nyuut, k k nyik yennu nɑn nyiɑɔk, k tɑn jɑnŋ binɑ ŋɑntɑ nɑ ni.

Tuonɑ 20:35

Mɑɑ din tuun nnɑ mɑnŋ pɑɑk e wɑnt nɑn sie k tii tuun bonciɑnn k fit k sonm tɑlɑs-dɑnm, k dɑɑ tɑnmt Yonmdɑɑnɔ nbɑ din yet lin nbɑ nɑ ɑ: ‹Pɑlpienn sii tie dɑɑnɔ nbɑ piin piini yɑl e, k gɑl wun nbɑ gɑɑn.› »

Luonmtieb 15:15

Mɑɑ dɑ bon-yenɑ kɑdɑɑɔk nɑ ni nɑ, n dɑ nɑn pɑlcienn ɑ n tiɑl’i lin nbɑ k i ponŋ mi l po nɑ. N dɑ nnɑ k mɑɑn Yennu tin’n ninbɑɑɔk

1 Kuolent-tieb 4:17

Lin nbɑ nɑ pɑɑk e k n tuun Tiimuote i buol, wun nbɑ tie n bilonkɑk k tie bɑlmɔni dɑɑnɔ Yonmdɑɑnɔ ni. U sɑɑ tiɑl’i mɑɑ be biɑnŋ nbɑ Klistu ni, k l tɑɑ nɑn mɑɑ lin k wɑnt Klistu mɔtɑɑɔk niib biɑnŋ nbɑ, siɑn nbɑ kul.

2 Kuolent-tieb 11:23

B i tie Klistu tuontunnɑ i e, min e set tie Klistu tuontunnɔ k cie’b (n pɑk nɑn wɑɑtɔ nɑ e). N tuun tuonn k cie’b. B kuɑn’n dɑnsɑlk k cie’b. B buo’n gbɑnn k cie’b. N biɑ lɑ ninbɔnŋ bonciɑnn k k fɔk nɑn kuun k cie’b.

2 Kuolent-tieb 3:6

K mɑɑn ŋuɑ e te k t tie tuontunnɑ nbɑ fit muɑntl lolpɑɑnn nɑ, k lolpɑɑnn mɑnŋ k nyii *senni nbɑ diɑn kɑdɑɑɔk ni nɑ kɑɑ, ŋɑɑn l tie Foŋɑnm yɑl e. Senni nbɑ diɑn kɑdɑɑɔk ni bɑɑt nɑn kuun e, ŋɑɑn Foŋɑnm tien mɑnfuol e.

2 Kuolent-tieb 6:4

Tinm ŋɑnin, t binbenŋ kul nbɑ tie biɑnŋ nbɑ nɑ e wɑnt niib nɑn t set tie Yennu tuontunnɑ e. T lɑɑt fɑlɑ, nɑn muksuk, nɑn mɑɑn, ŋɑɑn lek di suklu l kul nɑ ni,

Efestieb 6:21

Mɔtɑɑnɑ, t nɑɑ bilonkɑk Tiikiik, wun nbɑ tie Yonmdɑɑnɔ tuontunnɔ nɑn bɑlmɔni nɑ, sɑɑ yet’i mɑɑ be biɑnŋ nbɑ nɑn lin nbɑ k n tuun.

Fiiliiptieb 2:20

Ŋuɑ kuukuɑ e fiin i po nɑn bɑlmɔni nɑn mɑɑ fiin i po biɑnŋ nbɑ nɑ.

Fiiliiptieb 2:22

I mɔnŋ mi wɑɑ tun biɑnŋ nbɑ k wɑnn u kotl biɑnŋ nbɑ nɑ, k i biɑ mi nɑn u din tuun nɑn’n nɑn bik nbɑ tuun nɑn u bɑɑ biɑnŋ nbɑ nɑ lɑbɑmɑnn tuonɑ nɑ ni.

Fiiliiptieb 3:16

L i tie lin nbɑ kul, ŋɑɑn ŋɑɑnt mɑn k tin wei sɔnu nbɑ k t din wɑɑ mɔkmɔk nɑn mɔtɑɑnɑ.

Kuoluostieb 2:19

L dɑnm k gɑɑl nɑn Klistu nbɑ tie yul nɑ kɑɑ. Ŋɑɑn Klistu mun e te k gbɑnɑnt lɑɑt jiet, k tɑɑnt jiinɑ nɑn tuktɑ k l kpɑɑtl nɑn Yennu nbɑ luon biɑnŋ nbɑ nɑ.

Kuoluostieb 3:16

I ŋɑɑn k Klistu mɑɑn nɑn l mɔktuk kul ii be i pɑlɑ ni, k yii wɑnt i lieb, kii biɑ kii kpɑɑn i lieb nɑn i yɑn kul. I jii *yɑni nbɑ tie Yennu mɑɑn ni *yɑni, yɑni nbɑ piɑk Klistu po, nɑn yɑni nbɑ k Foŋɑnm tien’i ɑ yin tumi i mɔnŋ k biɑ kpɑɑn lieb nɑ. Ii yiin l yɑni kii tien Yennu nipuouk nɑn i pɑlɑ kul ɑ.

Kuoluostieb 4:7

T nɑɑ bilonkɑk Tiikiik, wun nbɑ tuun nɑn mɔmɔnm yuo kul, k biɑ tie t tuontunluɑ Yonmdɑɑnɔ pɑɑk nɑ sɑɑ yet’i t lɑbɑɑl.

1 Tesɑɑluoniiktieb 3:2

k dɑɑn tun t nɑɑ bik Tiimuote, wun nbɑ k tinm nɑn ŋuɑ tɑɑn tuun k tien Yennu, k muɑntl *Klistu lɑbɑmɑnn ɑ wun cie i yɑdɑ k kuɑn’i pɑlɑ,

1 Tiimuote 1:10

nɑn boncunconɑ pɑɑk, nɑn bin nbɑ mɔk niɑɔnŋ k duɑ nɑn b jɑlieb, nɑn bin nbɑ tie dɑɑbɑ kpinkpounŋ, nɑn bin nbɑ tie fɑɑk dɑnm, nɑn bin nbɑ tuu senn mɔsonɑ ŋɑɑn tɑn kɑn gbien nɑ, nɑn lin nbɑ kul k wɑɑ bɑlmɔni wɑnnu pɑɑk.

1 Tiimuote 4:16

Ii mi ɑ mɔnŋ nɑn ɑ wɑnnu po. Ii wɑki l kul ni. Setk nɑn mɔni, ɑ i tuun nnɑ ɑ sɑɑ lɑ fielu ɑ mɔnŋ k bin nbɑ gbiintl ɑ mɑɑn nɑ mun sɑɑ lɑ fielu wɑɑ.

1 Tiimuote 6:3

Suɑ i wɑnt wɑngɑnu k k wei t Yonmdɑɑnɔ Yiesu Klistu mɔbonɑ nɑn Yennu sɔnu wɑnnu nɑ,

2 Tiimuote 1:6

L pɑɑk, k n tiɑtl’ɑ mɑɑ ɑ dɑɑ te k piini nbɑ k Yennu din tul’ɑ yuo nbɑ k n din yii n nii ɑ pɑɑk nɑ n kpo,

2 Tiimuote 3:10

Ŋɑɑn fin ŋɑnin ponŋ mi n wɑnnu po, nɑn n binbenŋ po, nɑn n dudukt po, nɑn n yɑdɑ po, nɑn n suklu po, nɑn n lonm nɑn niib po, nɑn n gbɑnkul po.

2 Tiimuote 4:3

k mɑɑn yuo bɑɑt k nisiɑb tɑn kii luon bii gbiintl bɑlmɔni wɑnnu, ŋɑɑn b tɑn sii wɑɑ b tiɑɔnŋ lonm e, k tikl wɑntieb k b tɑn wɑnt’b lin nbɑ k b luon l gbiintu.

Tiit 2:1

Ŋɑɑn fin ii wɑnt lin nbɑ tɑɑ nɑn bɑlmɔni wɑnnu.

1 Piɑl 2:2

Ii tie nɑn sɑnpɑnti nɑ mɑn, kii tun kii luon mɑnfuol biin nbɑ be Foŋɑnm buol ni nɑ, k l i tie k i nyu’l yii kpɑɑtl k tɑn lɑ fielu.

2 Sɑn 1:9

Dɑɑnsuɑ nbɑ k gɑɑn Yiesu Klistu wɑnnu bonŋɑnn ŋɑɑn puki u mɔnŋ yɑl, u k gɑɑl Yennu, ŋɑɑn wun nbɑ sɑɑk wɑnnu mɑnŋ k k nyikt, Bɑɑ nɑn Bijɑ kul be u ni.

Suud 1:5

Mɑɑ yɑɑ n yet’i lin nbɑ nɑ, i ponŋ gbɑt l kul ɑ, k mi’l fɑnu, ŋɑɑn n luon k n tiɑl’i l po e. Yonmdɑɑnɔ din fɑt u niib k nyinn’b dɑɑbs ni Ejipt tinŋ ni, ŋɑɑn l puolpo u din kpii bin nbɑ din k tien’ɔ yɑdɑ nɑ wɑɑ.